24

മും​ബൈ: മും​ബൈ​യി​ൽ ക​ന​ത്ത മ​ഴ തു​ട​രു​ന്നു. ചൊ​വ്വാ​ഴ്ച രാ​ത്രി മു​ത​ൽ പെ​യ്ത മ​ഴ​യെ​ത്തു​ട​ർ​ന്ന് ബു​ധ​നാ​ഴ്ച രാ​വി​ലെ ന​ഗ​ര​ത്തി​ലെ വി​വി​ധ​യി​ട​ങ്ങ​ളി​ൽ വെ​ള്ള​ക്കെ​ട്ട് രൂ​പ​പ്പെ​ട്ടു. മും​ബൈ മെ​ട്രോ​പൊ​ളി​റ്റ​ൻ മേ​ഖ​ല​യി​ലെ പ​ല ഭാ​ഗ​ങ്ങ​ളി​ലും ക​ന​ത്ത മ​ഴ തു​ട​രു​ന്ന പ​ശ്ചാ​ത്ത​ല​ത്തി​ൽ, കേ​ന്ദ്ര കാ​ലാ​വ​സ്ഥാ വ​കു​പ്പ് ബു​ധ​നാ​ഴ്ച പു​ല​ർ​ച്ചെ നാ​ലി​ന് മും​ബൈ​യി​ലും പാ​ൽ​ഗ​റി​ലും മൂ​ന്ന് മ​ണി​ക്കൂ​ർ നേ​ര​ത്തേ​ക്ക് റെ​ഡ് അ​ല​ർ​ട്ട് പ്ര​ഖ്യാ​പി​ച്ചി​രു​ന്നു. ഈ ​സ​മ​യ​ത്ത് ശ​ക്ത​മാ​യ ഇ​ടി​മി​ന്ന​ലി​നും മ​ണി​ക്കൂ​റി​ൽ 40 മു​ത​ൽ 60 കി​ലോ​മീ​റ്റ​ർ വ​രെ വേ​ഗ​ത​യു​ള്ള കാ​റ്റി​നും സാ​ധ്യ​ത​യു​ണ്ടെ​ന്ന് മു​ന്ന​റി​യി​പ്പ് ന​ൽ​കി​യി​രു​ന്നു.

പി​ന്നീ​ട് രാ​വി​ലെ ഏ​ഴി​ന് ഈ ​മു​ന്ന​റി​യി​പ്പ് അ​ടു​ത്ത മൂ​ന്ന് മ​ണി​ക്കൂ​ർ നേ​ര​ത്തേ​ക്ക് ഓ​റ​ഞ്ച് അ​ല​ർ​ട്ടാ​യി കു​റ​ച്ചു. രാ​ത്രി മു​ഴു​വ​ൻ പെ​യ്ത മ​ഴ​യെ​ത്തു​ട​ർ​ന്ന് ബു​ധ​നാ​ഴ്ച രാ​വി​ലെ പ​ല ഭാ​ഗ​ങ്ങ​ളി​ലും ക​ന​ത്ത വെ​ള്ള​ക്കെ​ട്ട് രൂ​പ​പ്പെ​ട്ടു.

ക​ന​ത്ത മ​ഴ​യെ തു​ട​ർ​ന്ന് തു​ർ​ബെ കോ​പ്പ​ർ​ഖൈ​റ​നെ ട്രാ​ൻ​സ് ഹാ​ർ​ബ​ർ റെ​യി​ൽ പാ​ത​യി​ൽ ട്രാ​ക്കി​ന് താ​ഴെ​യു​ള്ള മ​ണ്ണ് ഒ​ലി​ച്ചു​പോ​യ​തോ​ടെ ലോ​ക്ക​ൽ ട്രെ​യി​ൻ സ​ർ​വീ​സു​ക​ൾ നി​ർ​ത്തി​വ​ച്ചു. അ​റ്റ​കു​റ്റ​പ്പ​ണി​ക​ൾ പു​രോ​ഗ​മി​ക്കു​ക​യാ​ണെ​ന്ന് റെ​യി​ൽ​വേ അ​ധി​കൃ​ത​ർ അ​റി​യി​ച്ചു. അ​ന്ധേ​രി​യി​ലെ അ​ണ്ട​ർ​പാ​സും വെ​ള്ള​പ്പൊ​ക്ക​ത്തെ തു​ട​ർ​ന്ന് അ​ട​ച്ചി​രി​ക്കു​ക​യാ​ണ്. വെ​ള്ള​ത്തി​ൽ മു​ങ്ങി​യ അ​ണ്ട​ർ​പാ​സ് മു​റി​ച്ചു​ക​ട​ക്കാ​ൻ ശ്ര​മി​ച്ച ഓ​ട്ടോ ഡ്രൈ​വ​ർ അ​പ​ക​ട​ത്തി​ൽ​പ്പെ​ട്ടു.

ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ മ​ര​ങ്ങ​ൾ ക​ട​പു​ഴ​കി വീ​ണ് വാ​ഹ​ന​ങ്ങ​ൾ ത​ക​ർ​ന്നു. അ​ത്യാ​വ​ശ്യ​മ​ല്ലാ​ത്ത യാ​ത്ര​ക​ൾ ഒ​ഴി​വാ​ക്ക​ണ​മെ​ന്ന് അ​ധി​കൃ​ത​ർ നി​ർ​ദേ​ശി​ച്ചു. അ​ടു​ത്ത മ​ണി​ക്കൂ​റു​ക​ളി​ലും ക​ന​ത്ത മ​ഴ തു​ട​രു​മെ​ന്ന മു​ന്ന​റി​യി​പ്പി​ന്‍റെ പ​ശ്ചാ​ത്ത​ല​ത്തി​ൽ ജാ​ഗ്ര​ത ശ​ക്ത​മാ​ക്കി​യി​ട്ടു​ണ്ട്.

Tags : Heavy rain Mumbai