4

ന്യൂ​ഡ​ൽ​ഹി: ഇ​ന്ത്യ​ൻ ച​ര​ക്ക് ക​പ്പ​ലു​ക​ൾ​ക്ക് സു​ര​ക്ഷ​യൊ​രു​ക്കാ​ൻ ഇ​ന്ത്യ​ൻ നാ​വി​ക​സേ​ന യു​ദ്ധ​ക്ക​പ്പ​ലു​ക​ൾ ഒ​മാ​ൻ ഉ​ൾ​ക്ക​ട​ലി​ൽ നി​ല​യു​റ​പ്പി​ച്ചി​ട്ടു​ണ്ടെ​ന്ന് റി​പ്പോ​ർ​ട്ട്. പ​ശ്ചി​മേ​ഷ്യ​യി​ൽ സം​ഘ​ർ​ഷം തു​ട​രു​ന്ന സാ​ഹ​ച​ര്യ​ത്തി​ൽ പേ​ർ​ഷ്യ​ൻ ഗ​ൾ​ഫ് മേ​ഖ​ല​യി​ൽ കു​ടു​ങ്ങി​ക്കി​ട​ക്കു​ന്ന ഇ​ന്ത്യ​ൻ ച​ര​ക്ക് ക​പ്പ​ലു​ക​ൾ​ക്ക് അ​ക​മ്പ​ടി സേ​വി​ക്കാ​നാ​ണ് ഇ​വ​യെ വി​ന്യ​സി​ച്ചി​രി​ക്കു​ന്ന​ത്.

ഹോ​ർ​മു​സ് ക​ട​ലി​ടു​ക്ക് വ​ഴി ഇ​ന്ത്യ​യി​ലേ​ക്കു​ള്ള ഇ​ന്ധ​ന വി​ത​ര​ണം ത​ട​സ​പ്പെ​ടാ​തി​രി​ക്കാ​നും ഇ​ന്ത്യ​ൻ ക​പ്പ​ലു​ക​ൾ​ക്ക് നേ​രെ ആ​ക്ര​മ​ണ​മു​ണ്ടാ​കു​ന്ന​ത് ഒ​ഴി​വാ​ക്കാ​നു​മാ​ണ് ഈ ​അ​ടി​യ​ന്ത​ര ന​ട​പ​ടി. നി​ല​വി​ൽ മൂ​ന്ന് യു​ദ്ധ​ക്ക​പ്പ​ലു​ക​ലാ​ണ് ഒ​മാ​ൻ ഉ​ൾ​ക്ക​ട​ലി​ൽ നി​ല​യു​റ​പ്പി​ച്ചി​ട്ടു​ള്ള​ത്.

ഇ​ന്ത്യ​ൻ പ​താ​ക വ​ഹി​ച്ചു​ള്ള ‘ശി​വാ​ലി​ക്', ‘ന​ന്ദാ​ദേ​വി' എ​ന്നീ എ​ൽ​പി​ജി ച​ര​ക്ക് ക​പ്പ​ലു​ക​ൾ ക​ഴി​ഞ്ഞ ദി​വ​സം നാ​വി​ക​സേ​ന യു​ദ്ധ​ക്ക​പ്പ​ലു​ക​ളു​ടെ അ​ക​മ്പ​ടി​യോ​ടെ സു​ര​ക്ഷി​ത​മാ​യി ഹോ​ർ​മു​സ് ക​ട​ലി​ടു​ക്ക് പി​ന്നി​ട്ടി​രു​ന്നു. ഈ ​ക​പ്പ​ലു​ക​ൾ വ​രും ദി​വ​സ​ങ്ങ​ളി​ൽ ഗു​ജ​റാ​ത്തി​ലെ മു​ന്ദ്ര, ക​ണ്ട്‌‌‌​ല തു​റ​മു​ഖ​ങ്ങ​ളി​ൽ എ​ത്തും.

ഫെ​ബ്രു​വ​രി 28ന് ​സം​ഘ​ർ​ഷം തു​ട​ങ്ങി​യ ശേ​ഷം ഇ​താ​ദ്യ​മാ​യാ​ണ് ഇ​ന്ത്യ​ൻ ക​പ്പ​ലു​ക​ൾ നാ​വി​ക​സേ​ന​യു​ടെ നേ​രി​ട്ടു​ള്ള സു​ര​ക്ഷ​യി​ൽ ഈ ​ക​ട​ൽ​പ്പാ​ത​യി​ലൂ​ടെ യാ​ത്ര ചെ​യ്യു​ന്ന​ത്. നി​ല​വി​ൽ പേ​ർ​ഷ്യ​ൻ ഗ​ൾ​ഫ് മേ​ഖ​ല​യി​ൽ നി​ര​വ​ധി ഇ​ന്ത്യ​ൻ ക​പ്പ​ലു​ക​ൾ ഇ​ത്ത​ര​ത്തി​ൽ കു​ടു​ങ്ങി​ക്കി​ട​ക്കു​ന്നു​ണ്ട്. ഏ​ക​ദേ​ശം 23,000 ഇ​ന്ത്യ​ൻ നാ​വി​ക​ർ വി​വി​ധ ക​പ്പ​ലു​ക​ളി​ലാ​യി ഈ ​മേ​ഖ​ല​യി​ൽ ജോ​ലി ചെ​യ്യു​ന്നു​ണ്ടെ​ന്നാ​ണ് ക​ണ​ക്ക്.

ക​പ്പ​ലു​ക​ളു​ടെ സു​ര​ക്ഷി​ത​മാ​യ യാ​ത്ര ഉ​റ​പ്പാ​ക്കാ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും വി​ദേ​ശ​കാ​ര്യ മ​ന്ത്രി എ​സ്. ജ​യ​ശ​ങ്ക​റും ഇ​റാ​നി​യ​ൻ അ​ധി​കൃ​ത​രു​മാ​യി ച​ർ​ച്ച​ക​ൾ ന​ട​ത്തി​വ​രി​ക​യാ​ണ്. സു​ര​ക്ഷാ ഭീ​ഷ​ണി നി​ല​നി​ൽ​ക്കു​ന്ന​തി​നാ​ൽ ഇ​ന്ത്യ​ൻ ക​പ്പ​ലു​ക​ൾ​ക്ക് ‘ഓ​പ്പ​റേ​ഷ​ൻ സ​ങ്ക​ൽ​പ്പി​ന്‍റെ' ഭാ​ഗ​മാ​യി തു​ട​ർ​ന്നും നാ​വി​ക​സേ​ന​യു​ടെ അ​ക​മ്പ​ടി ന​ൽ​കാ​നാ​ണ് കേ​ന്ദ്ര സ​ർ​ക്കാ​രി​ന്‍റെ തീ​രു​മാ​നം.

Tags : Security Indian ships Navy deploys warships Gulf Oman