ഫിലഡൽഫിയ: അമേരിക്കയിലെ സൗത്ത് വെസ്റ്റ് ഫിലഡൽഫിയയിൽ അമ്മയുടെ ആൺസുഹൃത്തിനെ വെടിവച്ചു കൊലപെടുത്തി മകൻ. 30 വയസുകാരനായ ജെയ്മീർ ജോൺസ് വാക്കർ ആണ് കൊല്ലപ്പെട്ടത്.
വാക്കറും കാമുകിയും (കുട്ടിയുടെ അമ്മ) തമ്മിൽ ഇവരുടെ നവജാത ശിശുവിനെ സന്ദർശിക്കുന്നതുമായി ബന്ധപ്പെട്ട് തർക്കം നിലനിന്നിരുന്നു. തർക്കം രൂക്ഷമായതോടെ വാക്കർ യുവതിയെ മുറിക്കുള്ളിലിട്ട് മർദിക്കാൻ തുടങ്ങി. അമ്മയെ ശാരീരികോപദ്രവം ഏൽപ്പിക്കുന്നത് കണ്ട കുട്ടി, തോക്കെടുത്ത് വാക്കർക്ക് നേരെ വെടിയുതിർക്കുകയായിരുന്നു.
സംഭവസ്ഥലത്ത് വച്ച് തന്നെ ഇയാൾ മരിച്ചു.അമ്മയെ രക്ഷിക്കാൻ വേണ്ടിയാണ് വെടിയുതിർത്തതെന്ന് കുട്ടി പൊലീസിനു മൊഴി നൽകി. കൊലപാതകത്തിന് ഉപയോഗിച്ച സെമി ഓട്ടോമാറ്റിക് പിസ്റ്റൾ പൊലീസ് സംഭവസ്ഥലത്തുനിന്ന് കണ്ടെടുത്തു. നിലവിൽ കുട്ടിയ്ക്കെതിരെ കേസ് റജിസ്റ്റർ ചെയ്തിട്ടില്ല.
Tags : 11-year-old shoots and kills boyfriend