3

ഗാർലൻഡ് (ടെക്സസ്): ടെക്സസിലെ ഗാർലൻഡിൽ ശനിയാഴ്ച ഉച്ചതിരിഞ്ഞുണ്ടായ വാഹനാപകടത്തിൽ സൈക്കിൾ യാത്രികൻ മരിച്ചു. ബ്രോഡ്‌വേ ബൊളിവാർഡിലെ 5400 ബ്ലോക്കിലാണ് അപകടമുണ്ടായത്.

പോലീസ് നൽകുന്ന വിവരമനുസരിച്ച്, ബ്രോഡ്‌വേയിലൂടെ തെക്കോട്ട് പോവുകയായിരുന്ന വാഹനം റോഡ് മുറിച്ചുകടക്കാൻ ശ്രമിച്ച സൈക്കിൾ യാത്രികനെ ഇടിക്കുകയായിരുന്നു. അപകടസ്ഥലത്തുതന്നെ ഇയാൾ മരണപ്പെട്ടു. മരിച്ചയാളുടെയോ വാഹനം ഓടിച്ചിരുന്നയാളുടെയോ തിരിച്ചറിയൽ വിവരങ്ങൾ പോലീസ് ഇതുവരെ പുറത്തുവിട്ടിട്ടില്ല.

അപകടത്തെത്തുടർന്ന് വാഹനം ഓടിച്ചിരുന്നയാൾ സ്ഥലത്തുതന്നെ തുടരുകയും പോലീസിന്‍റെ അന്വേഷണത്തോട് പൂർണമായി സഹകരിക്കുകയും ചെയ്യുന്നുണ്ടെന്ന് അധികൃതർ അറിയിച്ചു. നിലവിൽ ആരുടെയും അറസ്റ്റ് രേഖപ്പെടുത്തിയിട്ടില്ല.

അപകടത്തെ തുടർന്ന് ബ്രോഡ്‌വേ ബൊളിവാർഡിന്‍റെ തെക്കോട്ടുള്ള പാതകൾ വൈകുന്നേരം വരെ അടച്ചിട്ടു. ഈ വഴിയുള്ള യാത്രക്കാർ ബദൽ റോഡുകൾ ഉപയോഗിക്കണമെന്ന് പോലീസ് നിർദ്ദേശിച്ചു. അപകടത്തിന്‍റെ കൃത്യമായ കാരണം കണ്ടെത്താൻ പോലീസ് അന്വേഷണം തുടരുകയാണ്.

Tags : Cyclist dies in Garland crash