9

പാം​പ്ലോ​ണ (സ്‌​പെ​യി​ൻ): ലോ​ക​പ്ര​ശ​സ്ത​മാ​യ സ്‌​പെ​യി​നി​ലെ "റ​ണ്ണിം​ഗ് ഓ​ഫ് ദി ​ബു​ൾ​സ്' (Running of the Bulls) അ​ഥ​വാ സാ​ൻ ഫെ​ർ​മി​ൻ ഉ​ത്സ​വ​ത്തി​ന് വ​ട​ക്ക​ൻ സ്‌​പെ​യി​നി​ലെ പാം​പ്ലോ​ണ ന​ഗ​ര​ത്തി​ൽ ആ​വേ​ശ​ക​ര​മാ​യ തു​ട​ക്ക​മാ​യി.

ന​ഗ​ര​ത്തിന്‍റെ കാ​വ​ൽ വി​ശു​ദ്ധ​നാ​യ സാ​ൻ ഫെ​ർ​മിന്‍റെ സ്മ​ര​ണാ​ർ​ഥം സം​ഘ​ടി​പ്പി​ക്കു​ന്ന എ​ട്ടു​ദി​വ​സ​ത്തെ ഉ​ത്സ​വ​ത്തി​ന്‍റെ ഉ​ദ്ഘാ​ട​ന​ച്ച​ട​ങ്ങി​ൽ പ​ന്ത്ര​ണ്ടാ​യി​ര​ത്തി​ല​ധി​കം ആ​ളു​ക​ൾ പ​ങ്കെ​ടു​ത്തു. പ​ര​മ്പ​രാ​ഗ​ത​മാ​യ "ചു​പി​നാ​സോ' (Chupinazo) റോ​ക്ക​റ്റ് വി​ക്ഷേ​പ​ണ​ത്തോ​ടെ​യാ​ണ് ഉ​ത്സ​വ​ത്തി​ന് ഔ​ദ്യോ​ഗി​ക തു​ട​ക്ക​മാ​യ​ത്.

പാം​പ്ലോ​ണ ടൗ​ൺ ഹാ​ളി​ന്‍റെ ബാ​ൽ​ക്ക​ണി​യി​ൽ നി​ന്ന് റോ​ക്ക​റ്റ് ആ​കാ​ശ​ത്തേ​ക്ക് ഉ​യ​ർ​ന്ന​തോ​ടെ ന​ഗ​ര​ച​ത്വ​ര​ത്തി​ൽ ത​ടി​ച്ചു​കൂ​ടി​യ ജ​ന​ക്കൂ​ട്ടം ചു​വ​ന്ന സ്കാ​ർ​ഫു​ക​ൾ വീ​ശി​യും പ​ര​സ്പ​രം വീ​ഞ്ഞും മു​ന്തി​രി​ച്ചാ​റും ഒ​ഴി​ച്ചും ആ​ഘോ​ഷ​ങ്ങ​ളി​ൽ മു​ഴു​കി.

സാ​ൻ ഫെ​ർ​മി​നോ​ടു​ള്ള ആ​ദ​ര​സൂ​ച​ക​മാ​യാ​ണ് ചു​വ​ന്ന സ്കാ​ർ​ഫ് ധ​രി​ക്കു​ന്ന പ​തി​വ്. ഉ​ത്സ​വ​ത്തി​ലെ പ്ര​ധാ​ന ആ​ക​ർ​ഷ​ണ​മാ​യ കാ​ള​യോ​ട്ടം ചൊ​വ്വാ​ഴ്ച രാ​വി​ലെ ആ​രം​ഭി​ക്കും.

ജൂ​ലൈ 14 വ​രെ എ​ല്ലാ ദി​വ​സ​വും രാ​വി​ലെ എട്ടിന് ന​ട​ക്കു​ന്ന കാ​ള​യോ​ട്ട​ത്തി​ൽ ഏ​ക​ദേ​ശം 600 കി​ലോ​ഗ്രാം വ​രെ ഭാ​ര​മു​ള്ള ആ​റ് പോ​രു​കാ​ള​ക​ളെ 848 മീ​റ്റ​ർ നീ​ള​മു​ള്ള ന​ഗ​ര​ത്തി​ലെ ഇ​ടു​ങ്ങി​യ പാ​ത​യി​ലൂ​ടെ ഓ​ടി​ച്ചു​വി​ടും.

കാ​ള​ക​ൾ​ക്ക് മു​ന്നി​ലാ​യി നൂ​റു​ക​ണ​ക്കി​ന് സാ​ഹ​സി​ക​രാ​ണ് ജീ​വ​ൻ പ​ണ​യം​വെ​ച്ച് ഓ​ടു​ന്ന​ത്. എ​ല്ലാ വ​ർ​ഷ​വും നി​ര​വ​ധി പേ​ർ​ക്ക് പ​രി​ക്കേ​ൽ​ക്കാ​റു​ണ്ടെ​ന്നും 1924 മു​ത​ൽ രേ​ഖ​ക​ൾ സൂ​ക്ഷി​ച്ചു​വ​രു​ന്ന​തി​നി​ടെ ഇ​തു​വ​രെ 16 പേ​ർ മ​രി​ച്ചി​ട്ടു​ണ്ടെ​ന്നും ക​ണ​ക്കു​ക​ൾ വ്യ​ക്ത​മാ​ക്കു​ന്നു.

രാ​വി​ലെ കാ​ള​യോ​ട്ട​ത്തി​ൽ പ​ങ്കെ​ടു​ത്ത കാ​ള​ക​ളെ വൈ​കു​ന്നേ​രം ന​ഗ​ര​ത്തി​ലെ ബു​ൾ​റിം​ഗി​ൽ ന​ട​ക്കു​ന്ന പ​ര​മ്പ​രാ​ഗ​ത കാ​ള​പ്പോ​രി​ൽ കൊ​ല്ലു​ന്ന​താ​ണ് പ​തി​വ്. ഇ​തി​നെ​തി​രെ മൃ​ഗ​സം​ര​ക്ഷ​ണ സം​ഘ​ട​ന​ക​ൾ ശ​ക്ത​മാ​യ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യി​ട്ടു​ണ്ട്.

ഉ​ത്സ​വ​ത്തി​ന് മു​ന്നോ​ടി​യാ​യി പ്ര​വ​ർ​ത്ത​ക​ർ ത​ല​യി​ൽ കാ​ള​ക്കൊ​മ്പു​ക​ൾ ധ​രി​ക്കു​ക​യും ശ​രീ​ര​ത്തി​ൽ ചു​വ​ന്ന പെ​യി​ന്‍റ് പൂ​ശു​ക​യും ചെ​യ്ത് പ്ര​തി​ഷേ​ധം രേ​ഖ​പ്പെ​ടു​ത്തി.

പ​തി​നാ​റാം നൂ​റ്റാ​ണ്ടി​ന്‍റെ അ​വ​സാ​ന​ത്തി​ൽ ആ​രം​ഭി​ച്ച സാ​ൻ ഫെ​ർ​മി​ൻ ഉ​ത്സ​വ​ത്തെ ലോ​ക​ശ്ര​ദ്ധ​യി​ലെ​ത്തി​ച്ച​തി​ൽ അ​മേ​രി​ക്ക​ൻ എ​ഴു​ത്തു​കാ​ര​ൻ ഏ​ണ​സ്റ്റ് ഹെ​മി​ങ്വേ​യു​ടെ ദി ​സ​ൺ ഓ​ൾ​സോ റൈ​സ​സ് എ​ന്ന നോ​വ​ലി​ന് നി​ർ​ണാ​യ​ക പ​ങ്കു​ണ്ട്.

ഉ​ത്സ​വ​ത്തെ പ​ശ്ചാ​ത്ത​ല​മാ​ക്കി ര​ചി​ച്ച ഈ ​കൃ​തി പ്ര​സി​ദ്ധീ​ക​രി​ച്ചി​ട്ട് ഈ ​വ​ർ​ഷം 100 വ​ർ​ഷം തി​ക​യു​ന്ന​തും ശ്ര​ദ്ധേ​യ​മാ​ണ്.

യൂ​റോ​പ്പ്, ഏ​ഷ്യ, ഓ​സ്‌​ട്രേ​ലി​യ, അ​മേ​രി​ക്ക എ​ന്നി​വി​ട​ങ്ങ​ളി​ൽ നി​ന്നു​ള്ള ല​ക്ഷ​ക്ക​ണ​ക്കി​ന് വി​നോ​ദ​സ​ഞ്ചാ​രി​ക​ളാ​ണ് ഉ​ത്സ​വ​ത്തി​ൽ പ​ങ്കെ​ടു​ക്കാ​നും കാ​ള​യോ​ട്ടം കാ​ണാ​നു​മാ​യി പാം​പ്ലോ​ണ​യി​ലേ​ക്ക് എ​ത്തു​ന്ന​ത്. സം​ഗീ​ത​പ​രി​പാ​ടി​ക​ൾ, പ​രേ​ഡു​ക​ൾ, സാം​സ്‌​കാ​രി​ക ആ​ഘോ​ഷ​ങ്ങ​ൾ എ​ന്നി​വ​യും ഉ​ത്സ​വ​ത്തി​ന്റെ ഭാ​ഗ​മാ​യി ന​ഗ​ര​മൊ​ട്ടാ​കെ അ​ര​ങ്ങേ​റു​ന്നു​ണ്ട്.

Tags : Spain BullRun Festival NRI News