18

"എ​ന്‍റെ മ​ക​ന്‍റെ അ​മ്പ​താം പി​റ​ന്നാ​ളാ​യി​രു​ന്നു ഇ​ക്ക​ഴി​ഞ്ഞ 19ന്. ​അ​ര നൂ​റ്റാ​ണ്ട് പി​ന്നി​ടു​മ്പോ​ഴും അ​വ​ന്‍ എ​നി​ക്കൊ​പ്പം ഏ​ഴു വ​യ​സു​വ​രെ മാ​ത്ര​മേ ഉ​ണ്ടാ​യി​രു​ന്നു. ആ ​ഏ​ഴു വ​യ​സു​കാ​ര​നെ​ക്കു​റി​ച്ചു​ള്ള ഓ​ര്‍​മ​ക​ള്‍ മാ​ത്ര​മാ​ണ് എ​ന്നും എന്‍റെ മ​ന​സി​ലു​ള്ള​ത്.

ഒ​രു ഏ​ഴു വ​യ​സു​കാ​ര​ന്‍ എ​ന്‍റെ കൂ​ടെ ന​ട​ക്കു​ന്ന​തും വ​ര​ച്ച ചി​ത്ര​ങ്ങ​ള്‍ കാ​ണി​ക്കു​ന്ന​തും ഞാ​ന്‍ അ​വ​ന് ക​ഥ​ക​ളും പാ​ട്ടു​മൊ​ക്കെ പ​റ​ഞ്ഞു​കൊ​ടു​ക്കു​ന്ന​തും എ​ല്ലാം ഇ​ന്നും മ​ന​സി​ല്‍ കൊ​ണ്ടു ന​ട​ക്കു​ന്നൊ​രു അ​മ്മ. അ​വ​നെ 50കാ​ര​നാ​യി കാ​ണാ​ന്‍ എ​ന്‍റെ മ​ന​സ് ഇ​പ്പോ​ഴും പാ​ക​പ്പെ​ട്ടി​ട്ടി​ല്ല.

എ​ങ്കി​ലും 50 വ​യ​സി​ല്‍ താ​ഴെ​യു​ള്ള ചെ​റു​പ്പ​ക്കാ​രെ കാ​ണു​മ്പോ​ള്‍ അ​റി​യാ​തെ ഞാ​ന്‍ അ​വ​രി​ല്‍ എ​ന്‍റെ ക്ലി​ന്‍റിനെ കാ​ണാ​റു​ണ്ട്. എ​ന്‍റെ മ​ക​ന്‍ ഉ​ണ്ടാ​യി​രു​ന്നെ​ങ്കി​ല്‍ ഇ​ങ്ങ​നെ എ​ന്‍റെ കൂ​ടെ ന​ട​ക്കു​മാ​യി​രു​ന്നി​ല്ലേ​ന്ന്...' സ്വീ​ക​ര​ണ​മു​റി​യി​ല്‍ വ​ച്ചി​രി​ക്കു​ന്ന എ​ഡ്മ​ണ്ട് തോ​മ​സ് ക്ലി​ന്‍റ് എ​ന്ന മ​ക​ന്‍റെ പ്ര​തി​മ​യി​ല്‍ ത​ലോ​ടി​ക്കൊ​ണ്ട് ഇ​തു​പ​റ​യു​മ്പോ​ള്‍ ചി​ന്ന​മ്മ ജോ​സ​ഫ് എ​ന്ന അ​മ്മ​യു​ടെ ക​ണ്ണു​ക​ളി​ല്‍ ന​ന​വ് പ​ട​ര്‍​ന്നു.

ഏ​ഴു വ​ര്‍​ഷം മാ​ത്രം നീ​ണ്ട ജീ​വി​ത​ത്തി​ല്‍ കാ​ല്‍ ല​ക്ഷ​ത്തി​ലേ​റെ ചി​ത്ര​ങ്ങ​ള്‍ വ​ര​ച്ചു ലോ​ക​ത്തെ അ​ദ്ഭു​ത​പ്പെ​ടു​ത്തി ക​ട​ന്നു​പോ​യ ക്ലി​ന്‍റ് എ​ന്ന ബാ​ല​പ്ര​തി​ഭ​യു​ടെ അ​മ്മ​യാ​യ ചി​ന്ന​മ്മ ഇ​ന്നും മ​ക​ന്‍റെ ഓ​ര്‍​മ​ക​ളി​ല്‍ ജീ​വി​ക്കു​ക​യാ​ണ്.

ആ​റു വ​ര്‍​ഷം മു​മ്പ് ഭ​ര്‍​ത്താ​വ് സി​ഫ്ട് ഉ​ദ്യോ​ഗ​സ്ഥ​നാ​യി​രു​ന്ന എം.​ടി. ജോ​സ​ഫും ജീ​വി​ത​ത്തി​ല്‍ നി​ന്ന് പ​റ​ന്ന് അ​ക​ന്ന​തോ​ടെ ഈ ​അ​മ്മ ഇ​ന്ന് തി​ക​ച്ചും ഒ​റ്റ​യ്ക്കാ​ണ്. ക​ലൂ​ര്‍ ജ​ഡ്ജ​സ് അ​വ​ന്യൂ റോ​ഡി​ലെ ക്ലിന്‍റ് ് എ​ന്ന വീ​ട്ടി​ല്‍ ത​ന്‍റെ മ​ക​ന്‍റെ ചി​ത്ര​ങ്ങ​ളു​ടെ ശേ​ഖ​രം നി​ധി​പോ​ലെ ഇ​ന്നും ചി​ന്ന​മ്മ സൂ​ക്ഷി​ക്കു​ന്നു. ആ ​അ​മ്മ മ​ന​സ് വാ​യി​ക്കാം...

ക്ലി​ന്‍റ് എ​ന്ന അ​ദ്ഭു​ത പ്ര​തി​ഭ

1976 മേ​യ് 19ന് ​എ​റ​ണാ​കു​ളം മാ​ര്‍​ക്ക​റ്റ് റോ​ഡ് മു​ല്ല​പ്പ​റ​മ്പി​ല്‍ എം.​ടി ജോ​സ​ഫി​ന്‍റെ​യും ചി​ന്ന​മ്മ​യു​ടേ​യും മ​ക​നാ​യി​ട്ടാ​യി​രു​ന്നു ക്ലി​ന്‍റി​ന്‍റെ ജ​ന​നം. ഇ​ന്ന് ആ ​കു​ഞ്ഞ് ഉ​ണ്ടാ​യി​രു​ന്നെ​ങ്കി​ല്‍ മേ​യ് 19 ന് 50ാം ​പി​റ​ന്നാ​ള്‍ ആ​ഘോ​ഷി​ക്കു​മാ​യി​രു​ന്നു. ബാ​സ്‌​ക​റ്റ് ബോ​ള്‍ താ​ര​മാ​യി​രു​ന്നു ചി​ന്ന​മ്മ. ഗു​സ്തി​യി​ലൊ​ക്കെ ക​ഴി​വു തെ​ളി​യി​ച്ച​യാ​ളാ​ണ് ജോ​സ​ഫ്.

ത​ങ്ങ​ള്‍​ക്കൊ​രു കു​ഞ്ഞു​ണ്ടാ​യ​പ്പോ​ള്‍ എ​വ​റ​സ്റ്റ് കീ​ഴ​ട​ക്കി​യ എ​ഡ്മ​ണ്ട് ഹി​ല​രി​യു​ടെ​യും ഹോ​ളി​വു​ഡ് താ​രം ക്ലി​ന്‍റ് ഈ​സ്റ്റ്‌​വു​ഡി​ന്‍റെ​യും പേ​രു​ക​ളെ മു​ത്ത​ച്ഛ​ന്‍റെ പേ​രു​മാ​യി കോ​ര്‍​ത്തി​ണ​ക്കി​യ 'എ​ഡ്മ​ണ്ട് തോ​മ​സ് ക്ലി​ന്‍റ്' എ​ന്ന പേ​ര് മ​ക​നി​ട്ടു.

ക​ഥ​ക​ള്‍ കേ​ള്‍​ക്കാ​ന്‍ ഏ​റെ ഇ​ഷ്ട​പ്പെ​ട്ടി​രു​ന്ന ക്ലി​ന്റി​ന് ചി​ന്ന​മ്മ ക​ഥ​ക​ള്‍ പ​റ​ഞ്ഞു​കൊ​ടു​ക്കു​മാ​യി​രു​ന്നു. ആ​റ് മാ​സം പ്രാ​യ​മു​ള്ള കൈ​യി​ല്‍ കി​ട്ടി​യ ക​ല്ലു​ക​ഷ​ണം​കൊ​ണ്ട് അ​വ​ന്‍ ഭി​ത്തി​യി​ല്‍ വൃ​ത്തം വ​ര​ച്ച് മാ​താ​പി​താ​ക്ക​ളെ അ​ദ്ഭുത​പ്പെ​ടു​ത്തി.

പി​ന്നീ​ട​ങ്ങോ​ട്ട് പ​ക്ഷി​ക​ളും മൃ​ഗ​ങ്ങ​ളും ഉ​ത്സ​വ​ങ്ങ​ളു​മെ​ല്ലാം ആ ​വ​ര​ക​ളി​ല്‍ നി​റ​ഞ്ഞു. അ​മ്മ പ​റ​യു​ന്ന പു​രാ​ണ​ങ്ങ​ളി​ലെ ക​ഥാ​പാ​ത്ര​ങ്ങ​ളെ​ല്ലാം ക്ലി​ന്‍റിന്‍റെ ഭാ​വ​ന​യി​ലൂ​ടെ വ​ര​ക​ളാ​യി പു​ന​ര്‍​ജ​നി​ച്ചു. ഗ​ണ​പ​തി​യു​ടെ​യും ഭ​ദ്ര​കാ​ളി​യു​ടെ​യും വി​വി​ധ ഭാ​വ​ങ്ങ​ള്‍ മി​ക​വാ​ര്‍​ന്ന ചി​ത്ര​ങ്ങ​ളാ​യി പി​റ​വി​യെ​ടു​ത്തു.

ഭ​ഗ​വാ​ന്‍റെ വി​ശ്വ​രൂ​പം മു​ത​ല്‍ ശ​ര​ശ​യ്യ​വ​രെ ഉ​ള്‍​പ്പെ​ടെ ആ ​കൈ​വി​ര​ലു​ക​ള്‍​കൊ​ണ്ട് ആ ​കു​രു​ന്ന് മ​നോ​ഹ​ര​മാ​ക്കി. എ​വി​ടെ ചി​ത്ര​ര​ച​ന മ​ത്സ​ര​മു​ണ്ടെ​ങ്കി​ലും ചി​ന്ന​മ്മ​യും ജോ​സ​ഫും മ​ക​നെ അ​വി​ടെ​കൊ​ണ്ടു​പോ​കും. ഒ​ന്നാം സ​മ്മാ​ന​വു​മാ​യി​ട്ടാ​യി​രി​ക്കും ക്ലി​ന്‍റിന്‍റെ മ​ട​ക്കം.

ചാ​യ​ക്കൂ​ട്ടു​ക​ള്‍ ത​ട്ടി​ത്തെ​റി​പ്പി​ച്ച്...

2,522 ദി​വ​സ​ങ്ങ​ള്‍ മാ​ത്ര​മാ​ണ് ക്ലി​ന്‍റ് ഈ ​ഭൂ​മി​യി​ല്‍ ജീ​വി​ച്ച​ത്. മൂ​ന്നാം വ​യ​സി​ല്‍ പ​നി​ക്കു മാ​റി​ന​ല്‍​കി​യ മ​രു​ന്നാ​ണു മ​ക​നെ വൃ​ക്ക​രോ​ഗി​യാ​ക്കി​യ​തെ​ന്നും പി​ന്നീ​ടു മ​ര​ണ​ത്തി​ലേ​ക്കു ന​യി​ച്ച​തെ​ന്നും ചി​ന്ന​മ്മ ഓ​ര്‍​ക്കു​ന്നു. "ഏ​ഴു വ​യ​സു​ക​ഴി​ഞ്ഞാ​ല്‍​പ്പി​ന്നെ പേ​ടി​ക്കേ​ണ്ട​തി​ല്ലെ​ന്ന് ഡോ​ക്ട​ര്‍ പ​റ​ഞ്ഞി​രു​ന്നു.

എ​ന്നാ​ല​തി​നു കാ​ത്തു​നി​ല്‍​ക്കാ​തെ ഏ​ഴാം​പി​റ​ന്നാ​ളി​ന് ഒ​രു മാ​സം മു​ന്നേ ക്ലി​ന്‍റ് ഞ​ങ്ങ​ളെ വി​ട്ട​ക​ന്നു'- ചി​ന്ന​മ്മ പ​റ​ഞ്ഞു. 1983 ഏ​പ്രി​ല്‍ 15ന് ​നി​റ​മു​ള്ള ഓ​ര്‍​മ​ക​ള്‍ ബാ​ക്കി​യാ​ക്കി ഏ​ഴാം വ​യ​സി​ലാ​ണ് ക്ലി​ന്‍റ് ഈ ​ലോ​ക​ത്തോ​ട് വി​ട​പ​റ​ഞ്ഞ​ത്. എ​ന്നാ​ല്‍ ആ ​ചെ​റി​യ കാ​ല​യ​ള​വി​ല്‍ ക്ലി​ന്‍റ് വ​ര​ച്ച് തീ​ര്‍​ത്ത​ത് 25,000 ചി​ത്ര​ങ്ങ​ളാ​യി​രു​ന്നു.

ഒ​ടു​വി​ല്‍ വ​ര​ച്ച​ത് മു​ച്ചി​ലോ​ട്ടു ഭ​ഗ​വ​തി​ത്തെ​യ്യം

ക്ലി​ന്‍റ് അ​വ​സാ​നം വ​ര​ച്ച ജ​ല​ച്ചാ​യ ചി​ത്രം മു​ച്ചി​ലോ​ട്ടു ഭ​ഗ​വ​തി​യു​ടേ​താ​യി​രു​ന്നു. പ​പ്പു​വെ​ന്ന് ക്ലി​ന്‍റ് വി​ളി​ച്ചി​രു​ന്ന പി​താ​വ് ജോ​സ​ഫു​മൊ​ത്ത് കോ​ഴി​ക്കോ​ട്ട് നി​ന്ന് കൊ​യി​ലാ​ണ്ടി​യി​ലേ​ക്കു​ള്ള യാ​ത്ര​യ്ക്കി​ടെ വ​ഴി​വ​ക്കി​ല്‍ ക​ണ്ട തെ​യ്യ​ത്തിന്‍റെ കാ​ഴ്ച​യാ​യി​രു​ന്നു അ​ത്.

ട്രാ​ഫി​ക് ബ്ലോ​ക്കി​ല്‍ അ​ല്‍​പ​നേ​രം കി​ട​ന്ന​പ്പോ​ള്‍ ക​ണ്ട ആ ​ദൃ​ശ്യം ക്ലി​ന്‍റ് മ​നോ​ഹ​ര​ച്ചി​ത്ര​മാ​ക്കു​ക​യാ​യി​രു​ന്നു. ക്ലി​ന്‍റിന്‍റെ മ​ര​ണ​ശേ​ഷം തി​രു​വ​ന​ന്ത​പു​രം ക​ന​ക​ക്കു​ന്നി​ല്‍ ന​ട​ത്തി​യ പ്ര​ദ​ര്‍​ശ​ന​ത്തി​ല്‍ ഈ ​ചി​ത്രം ഉ​ള്‍​പ്പെ​ടു​ത്തി​യി​രു​ന്നു.

ഈ ​ചി​ത്രം ക​ണ്ട മു​തി​ര്‍​ന്നൊ​രു തെ​യ്യം​ക​ലാ​കാ​ര​ന്‍– "ചി​ത്രം വ​ര​ച്ച​യാ​ളെ വി​ളി​ക്കാ​മോ' എ​ന്ന് ക്ലി​ന്‍റിന്‍റെ മാ​താ​പി​താ​ക്ക​ളോ​ടു ചോ​ദി​ച്ചു. ചി​ത്ര​കാ​ര​ന്‍ ജീ​വി​ച്ചി​രി​പ്പു​ണ്ടോ എ​ന്ന​താ​യി​രു​ന്നു അ​ദ്ദേ​ഹ​ത്തി​ന്‍റെ സം​ശ​യം. അ​തി​ന്‍റെ കാ​ര​ണ​വും അ​ദ്ദേ​ഹം​ത​ന്നെ വെ​ളി​പ്പെ​ടു​ത്തി.

തെ​യ്യം​കെ​ട്ടു​മ്പോ​ള്‍ പോ​ലും മു​ച്ചി​ലോ​ട്ടു ഭ​ഗ​വ​തി​യു​ടെ രൂ​പം അ​തി​ന്‍റെ സ​മ്പൂ​ര്‍​ണ​ത​യി​ല്‍ അ​വ​ര്‍ കെ​ട്ടാ​റി​ല്ല​ത്രേ. അ​ങ്ങ​നെ ചെ​യ്താ​ല്‍ മ​ര​ണ​മാ​യി​രി​ക്കും ഫ​ലം. എ​ന്നാ​ല്‍ ക്ലി​ന്‍റിന്‍റെ ചി​ത്രം അ​ത്ര​മേ​ല്‍ പൂ​ര്‍​ണ​മാ​യി​രു​ന്നു​വെ​ന്ന്.

ക്ലി​ന്‍റിനാ​യൊ​രു മു​റി

ക​ലൂ​രി​ലെ വീ​ട്ടി​ലെ മു​ക​ളി​ല​ത്തെ നി​ല​യി​ല്‍ ചി​ന്ന​മ്മ ഒ​രു മു​റി ക്ലി​ന്‍റിനാ​യി ഒ​രു​ക്കി​യി​ട്ടു​ണ്ട്. ക്ലി​ന്‍റ് വ​ര​ച്ച 25,000ല​ധി​കം ചി​ത്ര​ങ്ങ​ള്‍ മൂ​ന്ന് പെ​ട്ടി​ക​ളി​ലാ​യി ഇ​വി​ടെ സൂ​ക്ഷി​ച്ചി​ട്ടു​ണ്ട്. ക്ലി​ന്‍റ് ഉ​പ​യോ​ഗി​ച്ചി​രു​ന്ന വ​സ്ത്ര​ങ്ങ​ള്‍, ക​ളി​പ്പാ​ട്ട​ങ്ങ​ള്‍, സൈ​ക്കി​ള്‍, ക്രി​ക്ക​റ്റ് ബാ​റ്റ്, ഷ​ട്ടി​ല്‍ ബാ​റ്റ്, മ​ത്സ​ര​ങ്ങ​ളി​ലെ വി​ജ​യ​ങ്ങ​ളി​ല്‍ ല​ഭി​ച്ച ട്രോ​ഫി​ക​ള്‍ ഇ​തെ​ല്ലാം ചി​ന്ന​മ്മ ആ ​മു​റി​യി​ല്‍ ഭ​ദ്ര​മാ​യി സൂ​ക്ഷി​ച്ചി​രി​ക്കു​ന്നു.

ചി​ത്ര​ങ്ങ​ളു​ടെ സം​ര​ക്ഷ​ണ​ത്തി​നാ​യി ക്ലി​ന്‍റ് ഫൗ​ണ്ടേ​ഷ​ന്‍ എ​ന്ന പേ​രി​ല്‍ ഒ​രു ട്ര​സ്റ്റും രൂ​പീ​ക​രി​ച്ചി​ട്ടു​ണ്ട്. ക്ലിന്‍റ് ക​ഴു​ത്തി​ല്‍ അ​ണി​ഞ്ഞി​രു​ന്ന മാ​ല ഇ​പ്പോ​ഴും ക്ലി​ന്‍റിന്‍റെ ശി​ല്‍​പ​ത്തി​ല്‍ ചി​ന്ന​മ്മ ചാ​ര്‍​ത്തി​യി​ട്ടു​ണ്ട്. പൂ​ക്ക​ളെ ഏ​റെ ഇ​ഷ്ട​പ്പെ​ട്ടി​രു​ന്ന ക്ലി​ന്‍റിന്‍റെ ഫോ​ട്ടോ​യ്ക്കു മു​ന്നി​ല്‍ ചി​ന്ന​മ്മ എ​ന്നും പു​ഷ്പ​ങ്ങ​ള്‍ ചാ​ര്‍​ത്തും.

വി​ശ്വ​സി​ച്ച​വ​ര്‍ പോ​ലും വ​ഞ്ച​ക​രാ​യി

താ​നും ഭ​ര്‍​ത്താ​വും ഏ​റെ വി​ശ്വ​സി​ച്ചി​രു​ന്ന ഒ​രു ബ​ന്ധു മൂ​ന്നു ല​ക്ഷ​ത്തി​ല​ധി​കം രൂ​പ ത​ട്ടി​യെ​ടു​ത്ത കാ​ര്യം പ​റ​ഞ്ഞ​പ്പോ​ള്‍ ചി​ന്ന​മ്മ​യു​ടെ ശ​ബ്ദം ഇ​ട​റി. ' 2019 ലാ​യി​രു​ന്നു ഭ​ര്‍​ത്താ​വി​ന്‍റെ മ​ര​ണം. അ​തു​വ​രെ ഞ​ങ്ങ​ള്‍​ക്കൊ​പ്പം നി​ന്നി​രു​ന്ന ഒ​രു ബ​ന്ധു മൂ​ന്നു ല​ക്ഷ​ത്തി​ല​ധി​കം രൂ​പ ഞ​ങ്ങ​ളി​ല്‍ നി​ന്ന് ത​ട്ടി​യെ​ടു​ത്തു.

ഇ​നി​യും അ​ത് ത​ന്ന് തീ​ര്‍​ത്തി​ട്ടി​ല്ല.​അ​തു​കൊ​ണ്ട് ആ​രെ​യും എ​നി​ക്കി​പ്പോ​ള്‍ വി​ശ്വാ​സ​മി​ല്ല. പ്രാ​യാ​ധി​ക്യം മൂ​ല​മു​ള്ള അ​വ​ശ​ത​ക​ളു​ണ്ട്. ജോ​ലി​ക്കാ​രെ വീ​ട്ടി​ല്‍ നി​ര്‍​ത്താ​ന്‍​പോ​ലും എ​നി​ക്ക് ഭ​യ​മാ​ണ്. എ​ന്‍റെ മ​ക​ന്‍റെ ചി​ത്ര​ങ്ങ​ള്‍ നി​ധി​പോ​ലെ​യാ​ണ് ഞാ​ന്‍ സൂ​ക്ഷി​ക്കു​ന്ന​ത്. മ​റ്റൊ​രാ​ള്‍ വ​ന്നാ​ല്‍ അ​തി​ല്‍ വ​ല്ല​തും ന​ഷ്ട​മാ​കു​മോ​യെ​ന്ന് വ​ല്ലാ​തെ ഭ​യ​മു​ണ്ട്' ചി​ന്ന​മ്മ പ​റ​ഞ്ഞു.

ചി​ന്ന​മ്മ​യു​ടെ 34-ാം വ​യ​സി​ലാ​ണ് മ​ക​നെ ന​ഷ്ട​മാ​യ​ത്. ക്ലി​ന്‍റിന്‍റെ മ​ര​ണ​ശേ​ഷം ല​ക്ഷ്മി​ക്കു​ട്ടി എ​ന്ന ത​ത്ത​യും ക​ണ്ണ​ന്‍ എ​ന്ന് പേ​രിട്ടു വി​ളി​ച്ച അ​ണ്ണാ​നും ഇ​വ​രു​ടെ ജീ​വി​ത​ത്തി​ന് കു​റ​ച്ചു​കാ​ലം നി​റം ന​ല്‍​കി​യി​രു​ന്നു.

ക്ലിന്‍റ് ആ​ര്‍​ട്ട് ഗാ​ല​റി

ക്ലി​ന്‍റിന്‍റെ സ്മാ​ര​ക​മാ​യി കൊ​ച്ചി​യി​ല്‍ ജി​സി​ഡി​എ ആ​സ്ഥാ​ന മ​ന്ദി​ര​ത്തി​നു പി​ന്നി​ലെ ഗാ​ന്ധി​ന​ഗ​ര്‍ ഷോ​പ്പി​ങ് കോം​പ്ല​ക്‌​സി​ന്‍റെ ഒ​ന്നാം നി​ല​യി​ല്‍ 3,500 ച​തു​ര​ശ്ര​യ​ടി​യി​ല്‍ ആ​ര്‍​ട് ഗ്യാ​ല​റി​യു​ണ്ട്. ക്ലി​ന്‍റ് വ​ര​ച്ച​തി​ല്‍ ഏ​റ്റ​വും മി​ക​ച്ച 101 ചി​ത്ര​ങ്ങ​ളു​ടെ പ​ക​ര്‍​പ്പാ​ണു ഫ്രെ​യിം ചെ​യ്തു ഗാ​ല​റി​യി​ല്‍ വ​ച്ചി​രി​ക്കു​ന്ന​ത്.

ചി​ത്ര​ങ്ങ​ള്‍ വ​ര​ച്ച​തി​നെ കു​റി​ച്ച് ചി​ന്ന​മ്മ പ​റ​ഞ്ഞ അ​നു​ഭ​വ​ങ്ങ​ളും ഇ​വ​യെ കു​റി​ച്ചു​ള്ള ല​ഘു വി​വ​ര​ണ​ങ്ങ​ളും വാ​യി​ക്കാ​നും കാ​ണാം ആ​സ്വ​ദി​ക്കാ​നു​മാ​കും വി​ധം മ​നോ​ഹ​ര​മാ​യി സ​ജ്ജീ​ക​രി​ച്ചി​ട്ടു​ണ്ട്.

"എ​ന്‍റെ കാ​ര്യ​ങ്ങ​ള്‍ ഞാ​ന്‍ ത​നി​ച്ച് ത​ന്നെ​യാ​ണ് ചെ​യ്യു​ന്ന​ത്. മു​മ്പ് ഭ​ര്‍​ത്താ​വി​ന്‍റെ നി​ഴ​ല്‍​പ്പ​റ്റി ന​ട​ന്നി​രു​ന്ന ഞാ​നി​ന്ന് എ​ല്ലാം സ്വ​ന്ത​മാ​യി ചെ​യ്യാ​ന്‍ ശീ​ലി​ച്ചു. എ​നി​ക്ക് സ​ങ്ക​ട​മി​ല്ല. കാ​ര​ണം അ​ച്ഛ​നും മ​ക​നും ഒ​ന്നി​ച്ചു​ണ്ട​ല്ലോ. മു​മ്പ് ക്ലി​ന്‍റ് ത​നി​ച്ചാ​യി​രു​ന്നു. ഇ​പ്പോ​ള്‍ അ​വ​ന്‍ പ​പ്പു അ​വ​നൊ​പ്പ​മു​ണ്ട്.

ഏ​തു​ലോ​ക​ത്താ​യാ​ലും അ​വ​ര്‍ ര​ണ്ടാ​ളും ഹാ​പ്പി​യാ​യി​ട്ട് ഇ​രി​ക്കു​ന്നു​ണ്ടാ​കും. ഇ​നി ഞാ​ന്‍ അ​ങ്ങോ​ട്ട് ചെ​ന്നാ​ല്‍ മ​തി​യ​ല്ലോ... മ​ക​ന്‍റെ​യും ഭ​ര്‍​ത്താ​വി​ന്‍റെ​യും ഓ​ര്‍​മ​ക​ളി​ല്‍ 73കാ​രി​യാ​യ ചി​ന്ന​മ്മ പ​റ​ഞ്ഞു നി​ര്‍​ത്തു​ന്നു.

ചി​ത്ര​ങ്ങ​ള്‍: ബ്രി​ല്യ​ന്‍ ചാ​ള്‍​സ്

Tags : Edmund Thomas Clint Child Artist Special News