14

"എ​ന്‍റെ മ​ക​ന്‍റെ അ​മ്പ​താം പി​റ​ന്നാ​ളാ​ണ് 19ന്. ​അ​വ​ന്‍ എ​നി​ക്കൊ​പ്പം ഏ​ഴു വ​യ​സു​വ​രെ മാ​ത്ര​മേ ഉ​ണ്ടാ​യി​രു​ന്നു​ള്ളൂ. ആ ​ഏ​ഴു വ​യ​സു​കാ​ര​നെ​ക്കു​റി​ച്ചു​ള്ള ഓ​ര്‍​മ​ക​ള്‍ മാ​ത്ര​മാ​ണ് എ​ന്നും എ​ന്‍റെ മ​ന​സി​ൽ. അ​വ​ന്‍ എ​ന്‍റെ​കൂ​ടെ ന​ട​ക്കു​ന്ന​തും വ​ര​ച്ച ചി​ത്ര​ങ്ങ​ള്‍ കാ​ണി​ക്കു​ന്ന​തും ഞാ​ന്‍ അ​വ​ന് ക​ഥ​ക​ളും പാ​ട്ടു​മൊ​ക്കെ പ​റ​ഞ്ഞു​കൊ​ടു​ക്കു​ന്ന​തും എ​ല്ലാം.. അ​വ​നെ 50കാ​ര​നാ​യി കാ​ണാ​ന്‍ എ​ന്‍റെ മ​ന​സ് ഇ​പ്പോ​ഴും പാ​ക​പ്പെ​ട്ടി​ട്ടി​ല്ല...' സ്വീ​ക​ര​ണ​മു​റി​യി​ല്‍ വ​ച്ചി​രി​ക്കു​ന്ന എ​ഡ്മ​ണ്ട് തോ​മ​സ് ക്ലി​ന്‍റ് എ​ന്ന മ​ക​ന്‍റെ പ്ര​തി​മ​യി​ല്‍ ത​ലോ​ടി​ക്കൊ​ണ്ട് ഇ​തു​പ​റ​യു​മ്പോ​ള്‍ ചി​ന്ന​മ്മ ജോ​സ​ഫ് എ​ന്ന അ​മ്മ​യു​ടെ ക​ണ്ണു​ക​ളി​ല്‍ ന​ന​വു​പ​ട​ര്‍​ന്നു...

കാ​ല്‍​ല​ക്ഷ​ത്തി​ലേ​റെ ചി​ത്ര​ങ്ങ​ള്‍ വ​ര​ച്ചു ലോ​ക​ത്തെ അ​ദ്ഭു​ത​പ്പെ​ടു​ത്തി ക​ട​ന്നു​പോ​യ ക്ലി​ന്‍റ് എ​ന്ന ബാ​ല​പ്ര​തി​ഭ​യു​ടെ അ​മ്മ​യാ​യ ചി​ന്ന​മ്മ​യു​ടെ ജീ​വി​തം മ​ക​ന്‍റെ ഓ​ർ​മ​ക​ളി​ലൂ​ടെ​യാ​ണ് ഒ​ഴു​കു​ന്ന​ത്. ആ​റു വ​ര്‍​ഷം​മു​മ്പ് ഭ​ര്‍​ത്താ​വ് സി​ഫ്ട് ഉ​ദ്യോ​ഗ​സ്ഥ​നാ​യി​രു​ന്ന എം.​ടി. ജോ​സ​ഫും ജീ​വി​ത​ത്തി​ല്‍​നി​ന്ന് പ​റ​ന്ന​ക​ന്ന​തോ​ടെ ഈ ​അ​മ്മ ഒ​റ്റ​യ്ക്കാ​ണ്. ക​ലൂ​ര്‍ ജ​ഡ്ജ​സ് അ​വ​ന്യൂ റോ​ഡി​ലെ ക്ലി​ന്‍റ് എ​ന്ന വീ​ട്ടി​ല്‍ മ​ക​ന്‍റെ ചി​ത്ര​ങ്ങ​ളു​ടെ ശേ​ഖ​രം ചി​ന്ന​മ്മ നി​ധി​പോ​ലെ സൂ​ക്ഷി​ക്കു​ന്നു. ആ ​അ​മ്മ​മ​ന​സ് വാ​യി​ക്കാം...

ക്ലി​ന്‍റ് എ​ന്ന അ​ദ്ഭു​ത​പ്ര​തി​ഭ

1976 മേ​യ് 19ന് ​എ​റ​ണാ​കു​ളം മാ​ര്‍​ക്ക​റ്റ് റോ​ഡ് മു​ല്ല​പ്പ​റ​മ്പി​ല്‍ എം.​ടി. ജോ​സ​ഫി​ന്‍റെ​യും ചി​ന്ന​മ്മ​യു​ടെ​യും മ​ക​നാ​യി​ട്ടാ​യി​രു​ന്നു ക്ലി​ന്‍റി​ന്‍റെ ജ​ന​നം. അ​വ​ൻ ഇ​ന്നു ജീ​വി​ച്ചി​രു​ന്നെ​ങ്കി​ൽ‍ 19ന് ​അ​ന്പ​താം പി​റ​ന്നാ​ള്‍ ആ​ഘോ​ഷി​ക്കു​മാ​യി​രു​ന്നു. ബാ​സ്‌​ക​റ്റ് ബോ​ള്‍ താ​ര​മാ​യി​രു​ന്നു ചി​ന്ന​മ്മ. ഗു​സ്തി​യി​ലൊ​ക്കെ ക​ഴി​വു തെ​ളി​യി​ച്ച​യാ​ളാ​ണ് ജോ​സ​ഫ്. ത​ങ്ങ​ള്‍​ക്കൊ​രു കു​ഞ്ഞു​ണ്ടാ​യ​പ്പോ​ള്‍ എ​വ​റ​സ്റ്റ് കീ​ഴ​ട​ക്കി​യ എ​ഡ്മ​ണ്ട് ഹി​ല​രി​യു​ടെ​യും ഹോ​ളി​വു​ഡ് താ​രം ക്ലി​ന്‍റ് ഈ​സ്റ്റ്‌​വു​ഡി​ന്‍റെ​യും പേ​രു​ക​ളെ മു​ത്ത​ച്ഛ​ന്‍റെ പേ​രു​മാ​യി കോ​ര്‍​ത്തി​ണ​ക്കി​യ എ​ഡ്മ​ണ്ട് തോ​മ​സ് ക്ലി​ന്‍റ് എ​ന്ന പേ​രി​ട്ടു. ‌

ആ​റു​മാ​സം പ്രാ​യ​മു​ള്ള​പ്പോ​ൾ കൈ​യി​ല്‍ കി​ട്ടി​യ ക​ല്ലു​ക​ഷ​ണം​കൊ​ണ്ട് ഭി​ത്തി​യി​ല്‍ വൃ​ത്തം​വ​ര​ച്ച് അ​വ​ന്‍ മാ​താ​പി​താ​ക്ക​ളെ അ​ദ്ഭു​ത​പ്പെ​ടു​ത്തി. പി​ന്നീ​ട​ങ്ങോ​ട്ട് പ​ക്ഷി​ക​ളും മൃ​ഗ​ങ്ങ​ളും ഉ​ത്സ​വ​ങ്ങ​ളു​മെ​ല്ലാം ആ ​വ​ര​ക​ളി​ല്‍ നി​റ​ഞ്ഞു. അ​മ്മ പ​റ​ഞ്ഞു​കൊ​ടു​ക്കു​ന്ന പു​രാ​ണ​ങ്ങ​ളി​ലെ ക​ഥാ​പാ​ത്ര​ങ്ങ​ളെ​ല്ലാം ക്ലി​ന്‍റി​ന്‍റെ ഭാ​വ​ന​യി​ലൂ​ടെ വ​ര​ക​ളാ​യി പു​ന​ര്‍​ജ​നി​ച്ചു. ഗ​ണ​പ​തി​യു​ടെ​യും ഭ​ദ്ര​കാ​ളി​യു​ടെ​യും വി​വി​ധ ഭാ​വ​ങ്ങ​ള്‍ മി​ക​വാ​ര്‍​ന്ന ചി​ത്ര​ങ്ങ​ളാ​യി. ഭ​ഗ​വാ​ന്‍റെ വി​ശ്വ​രൂ​പം​മു​ത​ല്‍ ശ​ര​ശ​യ്യ​വ​രെ ആ ​കു​രു​ന്ന് വ​ര​ച്ചെ​ടു​ത്തു. എ​വി​ടെ ചി​ത്ര​ര​ച​നാ മ​ത്സ​ര​മു​ണ്ടെ​ങ്കി​ലും ചി​ന്ന​മ്മ​യും ജോ​സ​ഫും മ​ക​നെ കൊ​ണ്ടു​പോ​കും. ഒ​ന്നാം സ​മ്മാ​ന​വു​മാ​യി​ട്ടാ​യി​രി​ക്കും ക്ലി​ന്‍റി​ന്‍റെ മ​ട​ക്കം.

ചാ​യ​ക്കൂ​ട്ടു​ക​ള്‍ ത​ട്ടി​ത്തെ​റി​പ്പി​ച്ച്...

2,522 ദി​വ​സ​ങ്ങ​ള്‍ മാ​ത്ര​മാ​ണ് ക്ലി​ന്‍റ് ഈ ​ഭൂ​മി​യി​ല്‍ ജീ​വി​ച്ച​ത്. മൂ​ന്നാം​വ​യ​സി​ല്‍ പ​നി​ക്കു മാ​റി​ന​ല്‍​കി​യ മ​രു​ന്നാ​ണു മ​ക​നെ വൃ​ക്ക​രോ​ഗി​യാ​ക്കി​യ​തെ​ന്നും പി​ന്നീ​ടു മ​ര​ണ​ത്തി​ലേ​ക്കു ന​യി​ച്ച​തെ​ന്നും ചി​ന്ന​മ്മ ഓ​ര്‍​ക്കു​ന്നു. "ഏ​ഴു വ​യ​സു​ക​ഴി​ഞ്ഞാ​ല്‍ പി​ന്നെ പേ​ടി​ക്കേ​ണ്ട​തി​ല്ലെ​ന്ന് ഡോ​ക്ട​ര്‍ പ​റ​ഞ്ഞി​രു​ന്നു. എ​ന്നാ​ല​തി​നു കാ​ത്തു​നി​ല്‍​ക്കാ​തെ ഏ​ഴാം​പി​റ​ന്നാ​ളി​ന് ഒ​രു മാ​സം മു​ന്നേ ക്ലി​ന്‍റ് ഞ​ങ്ങ​ളെ വി​ട്ട​ക​ന്നു'- ചി​ന്ന​മ്മ പ​റ​ഞ്ഞു. 1983 ഏ​പ്രി​ല്‍ 15നാ​ണ് നി​റ​മു​ള്ള ഓ​ര്‍​മ​ക​ള്‍ ബാ​ക്കി​യാ​ക്കി ക്ലി​ന്‍റ് ഈ ​ലോ​ക​ത്തോ​ടു വി​ട​പ​റ​ഞ്ഞ​ത്. എ​ന്നാ​ല്‍ ആ ​ചെ​റി​യ കാ​ല​യ​ള​വി​ല്‍ ക്ലി​ന്‍റ് വ​ര​ച്ചു​തീ​ര്‍​ത്ത​ത് 25,000 ചി​ത്ര​ങ്ങ​ൾ...

ക്ലി​ന്‍റി​നാ​യൊ​രു മു​റി

ക​ലൂ​രി​ലെ വീ​ട്ടി​ലെ മു​ക​ളി​ല​ത്തെ നി​ല​യി​ല്‍ ചി​ന്ന​മ്മ ഒ​രു മു​റി ക്ലി​ന്‍റി​നാ​യി ഒ​രു​ക്കി​യി​ട്ടു​ണ്ട്. അ​വ​ൻ വ​ര​ച്ച ചി​ത്ര​ങ്ങ​ള്‍ മൂ​ന്നു പെ​ട്ടി​ക​ളി​ലാ​യി ഇ​വി​ടെ സൂ​ക്ഷി​ച്ചി​രി​ക്കു​ന്നു. ക്ലി​ന്‍റ് ഉ​പ​യോ​ഗി​ച്ചി​രു​ന്ന വ​സ്ത്ര​ങ്ങ​ള്‍, ക​ളി​പ്പാ​ട്ട​ങ്ങ​ള്‍, സൈ​ക്കി​ള്‍, ക്രി​ക്ക​റ്റ് ബാ​റ്റ്, ഷ​ട്ടി​ല്‍ ബാ​റ്റ്, മ​ത്സ​ര​ങ്ങ​ളി​ലെ വി​ജ​യ​ങ്ങ​ളി​ല്‍ ല​ഭി​ച്ച ട്രോ​ഫി​ക​ള്‍... ഇ​തെ​ല്ലാം ആ ​മു​റി​യി​ല്‍ ഭ​ദ്രം. ചി​ത്ര​ങ്ങ​ളു​ടെ സം​ര​ക്ഷ​ണ​ത്തി​നാ​യി ക്ലി​ന്‍റ് ഫൗ​ണ്ടേ​ഷ​ന്‍ എ​ന്ന പേ​രി​ല്‍ ഒ​രു ട്ര​സ്റ്റും രൂ​പീ​ക​രി​ച്ചി​ട്ടു​ണ്ട്. ക്ലി​ന്‍റ് ക​ഴു​ത്തി​ല്‍ അ​ണി​ഞ്ഞി​രു​ന്ന മാ​ല അ​വ​ന്‍റെ ശി​ല്പ​ത്തി​ല്‍ ചാ​ര്‍​ത്തി​യി​രി​ക്കു​ന്നു. പൂ​ക്ക​ളെ ഏ​റെ ഇ​ഷ്ട​പ്പെ​ട്ടി​രു​ന്ന ക്ലി​ന്‍റി​ന്‍റെ ഫോ​ട്ടോ​യ്ക്കു മു​ന്നി​ല്‍ ചി​ന്ന​മ്മ എ​ന്നും പു​ഷ്പ​ങ്ങ​ള്‍ വ​യ്ക്കും.

2019 ലാ​യി​രു​ന്നു ഭ​ര്‍​ത്താ​വി​ന്‍റെ മ​ര​ണം. അ​തു​വ​രെ ഞ​ങ്ങ​ള്‍​ക്കൊ​പ്പം നി​ന്നി​രു​ന്ന ഒ​രു ബ​ന്ധു മൂ​ന്നു ല​ക്ഷ​ത്തി​ല​ധി​കം രൂ​പ ഞ​ങ്ങ​ളി​ല്‍​നി​ന്ന് ത​ട്ടി​യെ​ടു​ത്തു. അ​തു​കൊ​ണ്ട് ആ​രെ​യും എ​നി​ക്കി​പ്പോ​ള്‍ വി​ശ്വാ​സ​മി​ല്ല. പ്രാ​യാ​ധി​ക്യം മൂ​ല​മു​ള്ള അ​വ​ശ​ത​ക​ളു​ണ്ട്. ജോ​ലി​ക്കാ​രെ വീ​ട്ടി​ല്‍ നി​ര്‍​ത്താ​ന്‍​പോ​ലും എ​നി​ക്ക് ഭ​യ​മാ​ണ്. എ​ന്‍റെ മ​ക​ന്‍റെ ചി​ത്ര​ങ്ങ​ള്‍ നി​ധി​പോ​ലെ​യാ​ണ് ഞാ​ന്‍ സൂ​ക്ഷി​ക്കു​ന്ന​ത്. മ​റ്റൊ​രാ​ള്‍ വ​ന്നാ​ല്‍ അ​തി​ല്‍ വ​ല്ല​തും ന​ഷ്ട​മാ​കു​മോ​യെ​ന്ന് വ​ല്ലാ​തെ ഭ​യ​മു​ണ്ട്'- ചി​ന്ന​മ്മ പ​റ​ഞ്ഞു. ചി​ന്ന​മ്മ​യു​ടെ 34-ാം വ​യ​സി​ലാ​ണ് മ​ക​നെ ന​ഷ്ട​മാ​യ​ത്. ക്ലി​ന്‍റി​ന്‍റെ മ​ര​ണ​ശേ​ഷം ല​ക്ഷ്മി​ക്കു​ട്ടി എ​ന്ന ത​ത്ത​യും ക​ണ്ണ​നെ​ന്നു പേ​രി​ട്ടു വി​ളി​ച്ച അ​ണ്ണാ​നും ഇ​വ​രു​ടെ ജീ​വി​ത​ത്തി​ന് കു​റ​ച്ചു​കാ​ലം നി​റം​ന​ല്‍​കി​യി​രു​ന്നു.

ക്ലി​ന്‍റ് ആ​ര്‍​ട്ട് ഗാ​ല​റി

ക്ലി​ന്‍റി​ന്‍റെ സ്മാ​ര​ക​മാ​യി കൊ​ച്ചി​യി​ല്‍ ജി​സി​ഡി​എ ആ​സ്ഥാ​ന മ​ന്ദി​ര​ത്തി​നു പി​ന്നി​ലെ ഗാ​ന്ധി​ന​ഗ​ര്‍ ഷോ​പ്പിം​ഗ് കോം​പ്ല​ക്‌​സി​ന്‍റെ ഒ​ന്നാം​നി​ല​യി​ല്‍ 3,500 ച​തു​ര​ശ്ര​യ​ടി​യി​ല്‍ ആ​ര്‍​ട്ട് ഗാ​ല​റി​യു​ണ്ട്. ക്ലി​ന്‍റ് വ​ര​ച്ച​തി​ല്‍ തെ​ര​ഞ്ഞെ​ടു​ത്ത 101 ചി​ത്ര​ങ്ങ​ളു​ടെ പ​ക​ര്‍​പ്പാ​ണു ഫ്രെ​യിം ചെ​യ്തു ഗാ​ല​റി​യി​ല്‍ വ​ച്ചി​രി​ക്കു​ന്ന​ത്. ചി​ത്ര​ങ്ങ​ള്‍ വ​ര​ച്ച​തി​നെ​ക്കു​റി​ച്ച് ചി​ന്ന​മ്മ പ​റ​ഞ്ഞ അ​നു​ഭ​വ​ങ്ങ​ളും, അ​വ​യെ​ക്കു​റി​ച്ചു​ള്ള ല​ഘു വി​വ​ര​ണ​ങ്ങ​ളും വാ​യി​ക്കാ​നും ഇ​വി​ടെ ക​ഴി​യും.

"എ​ന്‍റെ കാ​ര്യ​ങ്ങ​ള്‍ ഞാ​ന്‍ ത​നി​ച്ചു​ത​ന്നെ​യാ​ണ് ചെ​യ്യു​ന്ന​ത്. മു​മ്പ് ഭ​ര്‍​ത്താ​വി​ന്‍റെ നി​ഴ​ല്‍​പ​റ്റി ന​ട​ന്നി​രു​ന്ന ഞാ​നി​ന്ന് എ​ല്ലാം സ്വ​ന്ത​മാ​യി ചെ​യ്യാ​ന്‍ ശീ​ലി​ച്ചു. എ​നി​ക്ക് സ​ങ്ക​ട​മി​ല്ല. കാ​ര​ണം അ​ച്ഛ​നും മ​ക​നും ഒ​ന്നി​ച്ചു​ണ്ട​ല്ലോ. മു​മ്പ് ക്ലി​ന്‍റ് ത​നി​ച്ചാ​യി​രു​ന്നു. ഇ​പ്പോ​ള്‍ അ​വ​ന്‍റെ പ്രി​യ​പ്പെ​ട്ട "പ​പ്പു' അ​വ​നൊ​പ്പ​മു​ണ്ട്. ഏ​തു​ലോ​ക​ത്താ​യാ​ലും അ​വ​ര്‍ ര​ണ്ടാ​ളും ഹാ​പ്പി​യാ​യി​ട്ട് ഇ​രി​ക്കു​ന്നു​ണ്ടാ​കും. ഇ​നി ഞാ​ന്‍ അ​ങ്ങോ​ട്ട് ചെ​ന്നാ​ല്‍ മ​തി​യ​ല്ലോ.... മ​ക​ന്‍റെ​യും ഭ​ര്‍​ത്താ​വി​ന്‍റെ​യും ഓ​ര്‍​മ​ക​ളി​ല്‍ 73കാ​രി​യാ​യ ചി​ന്ന​മ്മ പ​റ​ഞ്ഞു​നി​ര്‍​ത്തു​ന്നു.

Tags : colourful memories clint sunday deepika