കൊച്ചി: വനിതകള്ക്ക് പ്രഫഷണല് ടാക്സി ഡ്രൈവര്മാരാകാന് പരിശീലനവും തൊഴിലും നല്കുന്ന ഐബിഎസ് സോഫ്റ്റ്വേറിന്റെ സിഎസ്ആര് പദ്ധതിയായ ഫ്യൂച്ചർ പോയിന്റ് കാബ്സ്, 40 പുതിയ വനിതാ ഡ്രൈവര്മാരെ നിയമിക്കും.
ഇതിലേക്ക് 21നും 45നും ഇടയില് പ്രായമുള്ള വനിതകളില്നിന്ന് അപേക്ഷ ക്ഷണിച്ചു. എറണാകുളത്തെ കാക്കനാടാണ് പരിശീലനകേന്ദ്രം. രണ്ട് മാസമാണ് പരിശീലന കാലാവധി. ഭക്ഷണമടക്കം പൂര്ണമായും സൗജന്യമായാണ് പരിശീലനം. ഫോര് വീല് ഡ്രൈവര് ലൈസന്സ് ഉള്ളവര്ക്ക് മുന്ഗണന.
ലൈസന്സ് ഇല്ലാത്തവരെയും പരിഗണിക്കും. താത്പര്യമുള്ളവര് 8129902043 എന്ന നമ്പറില് നേരിട്ടോ വാട്സാപ്പിലൂടെയോ ബന്ധപ്പെടണം.
കൊച്ചി കേന്ദ്രമായി നടക്കുന്ന ഈ പദ്ധതി രണ്ടാം വര്ഷത്തിലേക്ക് കടക്കുമ്പോള് ആധുനിക സൗകര്യങ്ങളോടുകൂടിയ പത്ത് കാറുകളും 25 വനിതാ ഡ്രൈവര്മാരും 4,500 ലധികം ട്രിപ്പുകളുമായി വളർന്നെന്ന് അധികൃതർ പറഞ്ഞു.
നിലവില് ഇൻഫോ പാര്ക്ക് കേന്ദ്രീകരിച്ചു നടത്തുന്ന കാബ്സ് സേവനങ്ങള് നഗരത്തിലെ കൂടുതല് പ്രദേശങ്ങളിലേക്ക് വ്യാപിപ്പിക്കുമെന്ന് ഐബിഎസ് സ്ഥാപകനും ചെയര്മാനുമായ വി.കെ. മാത്യൂസ് പറഞ്ഞു.
E-paper LOGIN
LOGIN