സ്റ്റോ​പ്പ് മെ​മ്മോ​ക്ക് പു​ല്ലു​വി​ല: 150 ഓ​ളം കു​ടും​ബ​ങ്ങ​ളു​ടെ കു​ടി​വെ​ള്ളം മു​ട്ടി​ച്ചു അ​ന​ധി​കൃ​ത ചെ​ങ്ക​ൽ ഖ​ന​നം
Monday, April 22, 2024 5:09 AM IST
മു​ക്കം: പ​ഞ്ചാ​യ​ത്ത് സ്റ്റോ​പ്പ് മെ​മ്മോ ന​ൽ​കി​യി​ട്ടും ചെ​ങ്ക​ൽ ഖ​ന​നം തു​ട​രു​ന്ന​താ​യി പ​രാ​തി. ഇ​തോ​ടെ കാ​ര​ശേ​രി പ​ഞ്ചാ​യ​ത്തി​ലെ 11, 17 വാ​ർ​ഡു​ക​ളി​ൽ​പെ​ട്ട ക​ണ്ണാ​ട്ടു​കു​ഴി, കൂ​ടാം പൊ​യി​ൽ, പ​ട്ട​ർ​ചോ​ല, ഓ​ട​ത്തെ​രു എ​ന്നീ പ്ര​ദേ​ശ​ങ്ങ​ളി​ലെ 150 ഓ​ളം വ​രു​ന്ന കു​ടും​ബ​ങ്ങ​ൾ ചെ​ങ്ക​ൽ ഖ​ന​നം മൂ​ലം ദു​രി​ത​ത്തി​ലാ​യി​രി​ക്കു​ക​യാ​ണ്.

നാ​ട്ടു​കാ​രു​ടെ പ​രാ​തി​യെ തു​ട​ർ​ന്ന് കാ​ര​ശേ​രി പ​ഞ്ചാ​യ​ത്ത് സെ​ക്ര​ട്ട​റി ന​ട​ത്തി​യ പ​രി​ശോ​ധ​ന​യി​ൽ കു​ടി​വെ​ള്ള സ്രോ​ത​സു​ക​ൾ, കു​ടി​വെ​ള്ള പ​ദ്ധ​തി​ക​ൾ, നീ​ർ​ച്ചാ​ലു​ക​ൾ എ​ന്നി​വ​യി​ലെ കു​ടി​വെ​ള്ള ല​ഭ്യ​ത​യെ സാ​ര​മാ​യി ബാ​ധി​ക്കു​ന്ന​താ​യി ക​ണ്ടെ​ത്തു​ക​യും ഏ​പ്രി​ൽ 16ന് ​സ്റ്റോ​പ്പ് മെ​മ്മോ ന​ൽ​കു​ക​യും ചെ​യ്തി​രു​ന്നു. എ​ന്നാ​ൽ സ്റ്റോ​പ്പ് മെ​മ്മോ മ​റി​ക​ട​ന്നാ​ണ് ഇ​പ്പോ​ൾ ചെ​ങ്ക​ൽ ക്വാ​റി ഇ​വി​ടെ പ്ര​വ​ർ​ത്തി​ക്കു​ന്ന​ത്.

2019 ൽ ​കു​ടി​വെ​ള്ള ക്ഷാ​മം മൂ​ലം പ്ര​ദേ​ശ​ത്തു ഖ​ന​നം നി​ർ​ത്തി​വ​ച്ചി​രു​ന്നു. എ​ന്നാ​ൽ വീ​ണ്ടും എ​ങ്ങ​നെ​യാ​ണു ഇ​വ​ർ​ക്ക് അ​നു​മ​തി കി​ട്ടു​ന്ന​ത് എ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്.നി​ര​വ​ധി ലോ​ഡു​ക​ളാ​ണ് ഓ​രോ ദി​വ​സ​വും ഇ​വി​ടെ നി​ന്നും പോ​കു​ന്ന​ത്.

കു​ടി​വെ​ള്ള ക്ഷാ​മ​ത്തി​ന് പു​റ​മെ പൊ​ടി​ശ​ല്യ​വും രൂ​ക്ഷ​മാ​ണ്. സ്റ്റോ​പ്പ് മെ​മ്മോ ന​ൽ​കി​യി​ട്ടും നാ​ട്ടു​കാ​രെ​യും പ​ഞ്ചാ​യ​ത്തി​നെ​യും വെ​ല്ലു​വി​ളി​ച്ചാ​ണ് ഇ​വി​ടെ ഖ​ന​നം ന​ട​ത്തു​ന്ന​തെ​ന്നും ഇ​നി​യും ന​ട​പ​ടി ഉ​ണ്ടാ​യി​ട്ടി​ല്ലെ​ങ്കി​ൽ ശ​ക്ത​മാ​യ പ്ര​ക്ഷോ​ഭം സം​ഘ​ടി​പ്പി​ക്കു​മെ​ന്നും നാ​ട്ടു​കാ​ർ പ​റ​യു​ന്നു.

Copyright @ 2022 , Rashtra Deepika Ltd.