സ്റ്റാ​ഫ് പാ​റ്റേ​ൺ ഉ​റ​പ്പാ​ക്ക​ണം: മ​നു​ഷ്യാ​വ​കാ​ശ ക​മ്മീ​ഷ​ൻ
Monday, May 6, 2024 3:39 AM IST
വണ്ടി​പ്പെ​രി​യാ​ർ: വ​ണ്ടി​പ്പെ​രി​യാ​ർ സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ ദേ​ശീ​യ പൊ​തു​ജ​നാ​രോ​ഗ്യ സൂ​ചി​ക​യി​ൽ നി​ഷ്ക​ർ​ഷി​ക്കു​ന്ന സ്റ്റാ​ഫ് പാ​റ്റേ​ൺ ഉ​റ​പ്പാ​ക്ക​ണ​മെ​ന്നും രാ​ത്രി​കാ​ല ചി​കി​ത്സ​യ്ക്ക് റെ​സി​ഡ​ൻ​ഷ്യ​ൽ ഡോ​ക്ട​റു​ടെ സേ​വ​നം ല​ഭ്യ​മാ​ക്ക​ണ​മെ​ന്നും മ​നു​ഷ്യാ​വ​കാ​ശ ക​മ്മീ​ഷ​ൻ.

പൊ​തു പ്ര​വ​ർ​ത്ത​ക​ൻ സ​മ​ർ​പ്പി​ച്ച പ​രാ​തി​യി​ൽ സ​മ​ർ​പ്പി​ച്ച റി​പ്പോ​ർ​ട്ടി​ൽ പ​രാ​തി​ക്കാ​ര​ൻ തൃ​പ്ത​ന​ല്ലെ​ന്നു ക​ണ്ട് മ​നു​ഷ്യാ​വ​കാ​ശ ക​മ്മീ​ഷ​ൻ അം​ഗം വി.കെ. ബീ​നാ​കു​മാ​രി സം​സ്ഥാ​ന ആ​രോ​ഗ്യ​വി​ഭാ​ഗ​ത്തോ​ട് വി​ശ​ദ​മാ​യ റി​പ്പോ​ർ​ട്ട് സ​മ​ർ​പ്പി​ക്കു​വാ​ൻ ആ​വ​ശ്യ​പ്പെ​ട്ടു.

സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ സ​ന്ദ​ർ​ശ​നം ന​ട​ത്തി​യ ശേ​ഷ​മാ​ണ് ക​മ്മീ​ഷ​ൻ ഉ​ത്ത​ര​വ് ന​ൽ​കി​യ​ത്. കേ​ര​ള​ത്തി​ൽ ഏ​റ്റ​വും കൂ​ടു​ത​ൽ ജ​ന​സം​ഖ്യ​യു​ള്ള ഗ്രാ​മ​പ​ഞ്ചാ​യ​ത്താ​ണ് വ​ണ്ടി​പ്പെ​രി​യാ​ർ. പ​ഞ്ചാ​യ​ത്തി​ലെ 23 വാ​ർ​ഡു​ക​ളി​ലെ​യും ഗോ​ത്ര​വ​ർ​ഗ കോ​ള​നി​ക​ളി​ലെ​യും തോ​ട്ടം തൊ​ഴി​ൽ മേ​ഖ​ല​യി​ലെ​യും സാ​ധാ​ര​ണ​ക്കാ​രും ശ​ബ​രി​മ​ല തീ​ർ​ഥാ​ട​ക​രും ആ​ശ്ര​യി​ക്കു​ന്ന ആ​രോ​ഗ്യ സ്ഥാ​പ​ന​ത്തി​ൽ 1998 ൽ ​നി​ല​വി​ലു​ണ്ടാ​യി​രു​ന്ന സ്റ്റാ​ഫ് പാ​റ്റേ​ൺ മാ​ത്ര​മാ​ണ് ഇ​പ്പോ​ഴും തു​ട​രു​ന്ന​ത്.

രാ​ത്രി​കാ​ല ചി​കി​ത്സ​യി​ല്ലാ​ത്ത​തി​നാ​ൽ രോ​ഗി മ​രി​ക്കു​ന്ന സ്ഥി​തി വ​രെ​യു​ണ്ടാ​യി​രു​ന്നു. ശ​ബ​രി​മ​ല തീ​ർ​ഥാ​ട​ന കാ​ല​ത്ത് പോ​ലും രാ​ത്രി​കാ​ല ചി​കി​ത്സ​ക്ക് ഇ​വി​ടെ ഡോ​ക്ട​ർ​മാ​രെ നി​യ​മി​ച്ചി​ട്ടി​ല്ല. സാ​മൂ​ഹ്യ പ്ര​വ​ർ​ത്ത​ക​ൻ സ​ജി പി. ​വ​ർ​ഗീ​സ് സ​മ​ർ​പ്പി​ച്ച പ​രാ​തി​യി​ലാ​ണ് ന​ട​പ​ടി.

Copyright @ 2022 , Rashtra Deepika Ltd.