ന്യൂ​ഡ​ൽ​ഹി: ബു​ധാ​ഴ്ച പു​ല​ർ​ച്ചെ പാ​ക്കി​സ്ഥാ​ൻ ന​ട​ത്തി​യ ക​ന​ത്ത ആ​ക്ര​മ​ണ​ത്തി​ൽ ജ​മ്മു കാ​ഷ്മീ​രി​ലെ പൂ​ഞ്ചി​ൽ കാ​ർ​മ​ലേ​റ്റ് ഓ​ഫ് മേ​രി ഇ​മ്മാ​ക്കു​ലേ​റ്റ് (സി​എം​ഐ) സ​ഭ ന​ട​ത്തു​ന്ന ക്രൈ​സ്റ്റ് സ്കൂ​ളി​ന് സ​മീ​പം പ​തി​ച്ച ഷെ​ൽ പൊ​ട്ടി​ത്തെ​റി​ച്ച് ര​ണ്ട് കു​ട്ടി​ക​ൾ മ​രി​ച്ച​താ​യും മാ​താ​പി​താ​ക്ക​ൾ​ക്ക് പ​രി​ക്കേ​റ്റ​താ​യും വി​ദേ​ശ​കാ​ര്യ സെ​ക്ര​ട്ട​റി വി​ക്രം മി​സ്രി. ക്രൈ​സ്റ്റ് സ്കൂ​ളി​ലെ വി​ദ്യാ​ർ​ഥി​ക​ളു​ടെ വീ​ടി​ന് മു​ക​ളി​ലാ​ണ് പാ​ക്കി​സ്ഥാ​ൻ തൊ​ടു​ത്ത ഒ​രു ഷെ​ൽ പ​തി​ച്ച​ത്.

ഇ​താ​ണ് കു​ട്ടി​ക​ളു​ടെ മ​ര​ണ​ത്തി​ന് ഇ​ട​യാ​ക്കി​യ​ത്. മ​ദ​ർ ഓ​ഫ് കാ​ർ​മ​ൽ (സി​എം​സി) സി​സ്റ്റേ​ഴ്സി​ന്‍റെ മ​ഠ​ത്തി​ന് സ​മീ​പ​വും ഷെ​ൽ ആ​ക്ര​മ​ണ​മു​ണ്ടാ​യ​താ​യും വി​ദേ​ശ കാ​ര്യ സെ​ക്ര​ട്ട​റി സ്ഥി​രീ​ക​രി​ച്ചു. മ​ഠ​ത്തി​നോ​ട് ചേ​ർ​ന്നു​ണ്ടാ​യ ഷെ​ൽ ആ​ക്ര​മ​ണ​ത്തി​ൽ വാ​ട്ട​ർ ടാ​ങ്കു​ക​ൾ​ക്കും സോ​ളാ​ർ പാ​ന​ലു​ക​ൾ​ക്കും കേ​ടു​പാ​ട് സം​ഭ​വി​ച്ചി​ട്ടു​ണ്ടെ​ന്നും ആ​ള​പാ​യം ഉ​ണ്ടാ​യി​ട്ടി​ല്ലെ​ന്നും മി​സ്രി വ്യ​ക്ത​മാ​ക്കി.


ഷെ​ൽ ആ​ക്ര​മ​ണം ന​ട​ക്കു​ന്ന സ​മ​യ​ത്ത് ക്രൈ​സ്റ്റ് സ്കൂ​ളി​നു​ള്ളി​ൽ ഉ​ണ്ടാ​യി​രു​ന്ന വൈ​ദി​ക​രും സ്കൂ​ൾ ജീ​വ​ന​ക്കാ​രും സ​ന്യാ​സി​നി​മാ​രും ബ​ങ്ക​റു​ക​ളി​ലേ​ക്കു മാ​റി. അ​തോ​ടൊ​പ്പം സ്കൂ​ൾ പ്ര​വ​ർ​ത്തി​ക്കാ​തി​രു​ന്ന​തി​നാ​ലും കൂ​ടു​ത​ൽ അ​പ​ക​ടം ഒ​ഴി​വാ​യെ​ന്ന് ജ​മ്മു ബി​ഷ​പ് ഇ​വാ​ൻ പെ​രേ​ര വ്യ​ക്ത​മാ​ക്കി.

നി​ല​വി​ൽ വൈ​ദി​ക​രും സ​ന്യാ​സി​നി​മാ​രും സു​ര​ക്ഷി​ത​രാ​ണെ​ന്നും ഇ​പ്പോ​ൾ വെ​ടി​വ​യ്പ് ന​ട​ക്കു​ന്നി​ല്ലെ​ന്നും ക്രൈ​സ്റ്റ് സ്കൂ​ളി​ലെ വൈ​ദി​ക​ൻ ഫാ. ​ജോ​ർ​ജ് സി ​എം ഐ ​വ്യ​ക്ത​മാ​ക്കി.

നി​യ​ന്ത്ര​ണ​രേ​ഖ​യ്ക്കു സ​മീ​പ​മു​ള്ള സ്കൂ​ളു​ക​ളും ആ​രാ​ധ​നാ​ല​യ​ങ്ങ​ളും ല​ക്ഷ്യം​വ​ച്ചാ​ണ് പാ​ക്കി​സ്ഥാ​ൻ ആ​ക്ര​മ​ണം ന​ട​ത്തി​യ​തെ​ന്ന് ഇ​ന്ന​ലെ ന​ട​ന്ന വാ​ർ​ത്താ​സ​മ്മേ​ള​ന​ത്തി​ൽ മി​സ്രി വി​മ​ർ​ശി​ച്ചു.