ഇലക്‌ട്രിക് സ്കൂട്ടർ പൊട്ടിത്തെറിച്ച് വീട്ടമ്മയ്ക്കു ദാരുണാന്ത്യം
Saturday, June 28, 2025 2:41 AM IST
കടപ്പ: ആന്ധ്രപ്രദേശിലെ കടപ്പയിൽ ചാർജ്ചെയ്യുന്നതിനിടെ ഇലക്‌ട്രിക് സ്കൂട്ടർ പൊട്ടിത്തെറിച്ച് വീട്ടമ്മയ്ക്കു ദാരുണാന്ത്യം.
യെരഗുണ്ട‌്‌ലയിലെ പൊട്ടലദുർത്തി സ്വദേശിനി വെങ്കടലക്ഷ്മി എന്ന 62 കാരിയാണു വെള്ളിയാഴ്ച അർധരാത്രിയുണ്ടായ അപകടത്തിൽ മരിച്ചത്. സ്കൂട്ടർ പാർക്ക്ചെയ്തിരുന്നതിനു സമീപം സോഫയിൽ കിടന്നുറങ്ങുകയായിരുന്നു വീട്ടമ്മ.
ചാർജിംഗിനിടെ സ്കൂട്ടറിന്‍റെ ബാറ്ററി പൊട്ടിത്തെറിച്ച് പൊള്ളലേറ്റ അവരെ ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെയാണു മരണം. പോലീസ് കേസെടുത്ത് അന്വേഷണം തുടങ്ങി.