കര്‍ണാടകത്തില്‍ നേതൃമാറ്റം?
Monday, June 30, 2025 1:45 AM IST
ന്യൂഡല്‍ഹി: കര്‍ണാടകത്തിലെ കോണ്‍ഗ്രസ് സര്‍ക്കാരില്‍ നേതൃമാറ്റത്തിനു സാധ്യതയേറിയതായി സൂചന. കോണ്‍ഗ്രസ് എംഎല്‍എയായ എച്ച്.എ. ഇക്ബാല്‍ ഹുസൈനാണു നേതൃമാറ്റം സംബന്ധിച്ച സൂചനകള്‍ നല്‍കിയത്. മുഖ്യമന്ത്രി സിദ്ധരാമയ്യയെ നീക്കി ഉപമുഖ്യമന്ത്രി ഡി.കെ.ശിവകുമാറിനെ നിയമിക്കുമെന്നാണ് ഇക്ബാല്‍ ഹുസൈന്‍റെ വെളിപ്പെടുത്തല്‍. രണ്ടോ മൂന്നോ മാസത്തിനുള്ളില്‍ നേതൃമാറ്റം നടക്കും.
സെപ്റ്റംബറിനുശേഷം വിപ്ലവകരമായൊരു രാഷ് ട്രീയസംഭവവികാസം അരങ്ങേറുമെന്ന് സഹകരണമന്ത്രി കെ.എന്‍. രാജണ്ണ നേരത്തെ സൂചന നല്‍കിയിരുന്നു.
ഡി.കെ. ശിവകുമാര്‍ മുഖ്യമന്ത്രിയാകുമോയെന്ന ചോദ്യത്തിന് ഉചിതമായ സമയത്ത് കോണ്‍ഗ്രസ് ഹൈക്കമാന്‍ഡ് ആവശ്യമായ തീരുമാനമെടുക്കുമെന്നായിരുന്നു എംഎല്‍എയുടെ മറുപടി.