പിച്ച് സ്പിന്നിന് അനുകൂലം: കുല്‍ദീപ്
Tuesday, June 17, 2025 2:24 AM IST
ലണ്ടന്‍: ഇംഗ്ലണ്ടിലെ പിച്ച് സ്പിന്നിനെ തുണയ്ക്കുമെന്ന വിശ്വാസം പങ്കുവച്ച് ഇന്ത്യന്‍ ബൗളര്‍ കുല്‍ദീപ് യാദവ്. ഇംഗ്ലണ്ടിന് എതിരേ 20ന് ആരംഭിക്കാനിരിക്കുന്ന അഞ്ച് മത്സര ടെസ്റ്റ് ക്രിക്കറ്റിനു മുന്നോടിയായി നടത്തിയ ഇന്‍ട്രാ സ്‌ക്വാഡ് പോരാട്ടത്തിനുശേഷമാണ് കുല്‍ദീപിന്‍റെ പ്രതികരണം.
“സ്പിന്നേഴ്‌സിനെ തുണയ്ക്കുന്ന പിച്ചാണെന്നു തോന്നുന്നു. അതുപോലെ ബാറ്റിംഗിനും അനുകൂലമാണ്. ആദ്യദിനം ഈര്‍പ്പം ഉണ്ടാകും. അത് പേസര്‍മാര്‍ക്കു ഗുണമാണ്. എന്നാല്‍, മത്സരം പുരോഗമിക്കുമ്പോള്‍ സ്പിന്നേഴ്‌സിനും അനുകൂലമായി മാറും’’- കുല്‍ദീപ് യാദവ് പറഞ്ഞു.
ഇംഗ്ലണ്ട് പര്യടനത്തിനായുള്ള ഇന്ത്യന്‍ ടീമിലെ ഏക സ്‌പെഷലിസ്റ്റ് സ്പിന്നറാണ് കുല്‍ദീപ് യാദവ്. കുല്‍ദീപും സ്പിന്‍ ഓള്‍ റൗണ്ടര്‍ രവീന്ദ്ര ജഡേജയുമായിരിക്കും ഇന്ത്യയുടെ സ്പിന്‍ ആക്രമണം നയിക്കുക.