12

ടാ​റ്റ അ​ത്യാ​ധു​നി​ക ഇ​ല​ക്‌ട്രി​ക് രൂ​പ​ത്തി​ൽ ത​ങ്ങ​ളു​ടെ ഐ​തി​ഹാ​സി​ക മോ​ഡ​ലാ​യ സി​യ​റ​യെ വിപണിയിൽ അ​വ​ത​രി​പ്പി​ച്ചി​രി​ക്കു​ക​യാ​ണ്. പ​ഴ​യ സി​യ​റ​യു​ടെ വി​ന്‍റേ​ജ് ഡി​സൈ​നും ആ​ൽ​പൈ​ൻ ഗ്ലാ​സ് റൂ​ഫും നി​ല​നി​ർ​ത്തി​ക്കൊ​ണ്ട് പു​തി​യ ത​ല​മു​റ പ്ര​തീ​ക്ഷി​ക്കു​ന്ന സാ​ങ്കേ​തി​ക​വി​ദ്യ​യും പ്ര​ക​ട​ന​വു​മാ​ണ് ടാ​റ്റ പു​തി​യ സി​യ​റ ഇ​വി​യി​ൽ ഒ​രു​ക്കി​യി​രി​ക്കു​ന്ന​ത്.

പ്രീ​മി​യം കാ​ബി​ൻ

പു​തി​യ സി​യ​റ​യു​ടെ ഇ​ന്‍റീ​രി​യ​ർ ആ​ധു​നി​ക സാ​ങ്കേ​തി​ക​വി​ദ്യ​യു​ടെ മി​ക​ച്ച ഉ​ദാ​ഹ​ര​ണ​മാ​ണ്. ഡാ​ഷ്ബോ​ർ​ഡി​ലു​ട​നീ​ളം നീ​ളു​ന്ന ട്രി​പ്പി​ൾ സ്ക്രീ​ൻ ലേ​ഒൗ​ട്ടി​ൽ 12.3 ഇ​ഞ്ച് ട​ച്ച്സ്ക്രീ​ൻ ഇ​ൻ​ഫോ​ടെ​യ്ൻ​മെ​ന്‍റ് സി​സ്റ്റം, 10.25 ഇ​ഞ്ച് ഡി​ജി​റ്റ​ൽ ഇ​ൻ​സ്ട്രു​മെ​ന്‍റ് ക്ല​സ്റ്റ​ർ, മു​ൻ​സീ​റ്റ് യാ​ത്രി​ക​ർ​ക്കാ​യി പ്ര​ത്യേ​കം 12.3 ഇ​ഞ്ച് എ​ന്‍റ​ർ​ടെ​യ്ൻ​മെ​ന്‍റ് സ്ക്രീ​ൻ എ​ന്നി​വ ഉ​ൾ​പ്പെ​ടു​ത്തി​യി​ട്ടു​ണ്ട്. പ​നോ​ര​മി​ക് സ​ണ്‍​റൂ​ഫ്, വെ​ന്‍റി​ലേ​റ്റ​ഡ് ഫ്ര​ണ്ട് സീ​റ്റു​ക​ൾ, ഡോ​ൾ​ബി അ​റ്റ്മോ​സ് പി​ന്തു​ണ​യു​ള്ള 12 സ്പീ​ക്ക​ർ ജെ​ബി​എ​ൽ പ്രീ​മി​യം ഓ​ഡി​യോ സി​സ്റ്റം എ​ന്നി​വ യാ​ത്ര​യെ കൂ​ടു​ത​ൽ ആ​സ്വാ​ദ്യ​ക​ര​മാ​ക്കു​ന്നു. വി2​എ​ൽ, വി2​വി ചാ​ർ​ജി​ങ് സം​വി​ധാ​ന​ങ്ങ​ൾ, ബൂ​സ്റ്റ് മോ​ഡ്, ഡ്രി​ഫ്റ്റ് മോ​ഡ് എ​ന്നി​വ​യും വാ​ഹ​ന​ത്തി​ന്‍റെ ഹൈ​ലൈ​റ്റു​ക​ളാ​ണ്.

സു​ര​ക്ഷ​യി​ൽ

എ​ല്ലാ വേ​രി​യ​ന്‍റു​ക​ളി​ലും ആ​റ് എ​യ​ർ​ബാ​ഗു​ക​ൾ സ്റ്റാ​ൻ​ഡേ​ർ​ഡാ​യി ന​ൽ​കി​യി​ട്ടു​ണ്ട്. 22 ഫീ​ച്ച​റു​ക​ൾ ഉ​ൾ​പ്പെ​ടു​ന്ന ലെ​വ​ൽ 2+ അ​ഡാ​സ് സാ​ങ്കേ​തി​ക​വി​ദ്യ, അ​ഡാ​പ്റ്റീ​വ് ക്രൂ​യി​സ് ക​ണ്‍​ട്രോ​ൾ, ലെ​യ്ൻ കീ​പ്പ് അ​സി​സ്റ്റ്, 540-ഡി​ഗ്രി സ​റൗ​ണ്ട് വ്യൂ ​കാ​മ​റ, എ​ല്ലാ വീ​ലു​ക​ളി​ലും ഡി​സ്ക് ബ്രേ​ക്കു​ക​ൾ, ഇ​ല​ക്ട്രോ​ണി​ക് സ്റ്റെ​ബി​ലി​റ്റി പ്രോ​ഗ്രാം, ഹി​ൽ ഹോ​ൾ​ഡ്, ഹി​ൽ ഡി​സെ​ന്‍റ് ക​ണ്‍​ട്രോ​ൾ തു​ട​ങ്ങി​യ സു​ര​ക്ഷാ സം​വി​ധാ​ന​ങ്ങ​ളും സി​യ​റ​യെ വേ​റി​ട്ടു​നി​ർ​ത്തു​ന്നു.

ബാ​റ്റ​റി പാ​ക്ക്

63 കി​ലോ​വാ​ട്ട്, 75 കി​ലോ​വാ​ട്ട് എ​ന്നി​ങ്ങ​നെ ര​ണ്ട് ബാ​റ്റ​റി പാ​ക്ക് ഓ​പ്ഷ​നു​ക​ളാ​ണുള്ളത്. 63 കി​ലോ​വാ​ട്ട് ബാ​റ്റ​റി​യു​ള്ള റി​യ​ർ വീ​ൽ ഡ്രൈ​വ് പ​തി​പ്പ് 238 പി​എ​സ് ക​രു​ത്തും 315 എ​ൻ​എം ടോ​ർ​ക്കും ഉ​ത്പാ​ദി​പ്പി​ക്കും. ഒ​റ്റ​ത്ത​വ​ണ ചാ​ർ​ജ് ചെ​യ്താ​ൽ 535 കി​ലോ​മീ​റ്റ​ർ സ​ഞ്ച​രി​ക്കാ​നാ​കും. കൂ​ടു​ത​ൽ ശേ​ഷി​യു​ള്ള 75 കി​ലോ​വാ​ട്ട് ബാ​റ്റ​റി പാ​ക്ക് പ​ര​മാ​വ​ധി 665 കി​ലോ​മീ​റ്റ​ർ റേ​ഞ്ച് വാ​ഗ്ദാ​നം ചെ​യ്യു​ന്നു. ഡ്യു​വ​ൽ മോ​ട്ടോ​റോ​ടു​കൂ​ടി​യ ഈ ഓ​ൾ-​വീ​ൽ ഡ്രൈ​വ് പ​തി​പ്പ് 349 പി​എ​സ് ക​രു​ത്തും 504 എ​ൻ​എം ടോ​ർ​ക്കും ഉ​ത്പാ​ദി​പ്പി​​ക്കു​ം. 110 കി​ലോ​വാ​ട്ട് ഡി​സി ഫാ​സ്റ്റ് ചാ​ർ​ജ​റി​ലൂ​ടെ വെ​റും 25 മി​നി​റ്റി​ൽ 20 മു​ത​ൽ 80 ശ​ത​മാ​നം വ​രെ ബാ​റ്റ​റി ചാ​ർ​ജ് ചെ​യ്യാ​നാ​കു​ന്ന​തും ശ്ര​ദ്ധേ​യ​മാ​ണ്.

ഇ​വി​യു​ടെ വി​ല

18.79 ല​ക്ഷം മു​ത​ലാ​ണ് സി​യ​റ ഇ​വി​യു​ടെ എ​ക്സ്-​ഷോ​റൂം വി​ല ആരംഭിക്കുന്നത്. പ്യു​വ​ർ, പ്യു​വ​ർ എ​സ്, അ​ഡ്വ​ഞ്ച​ർ, എം​പ​വേ​ർ​ഡ്, എം​പ​വേ​ർ​ഡ് എ ​എ​ന്നീ അ​ഞ്ച് വേ​രി​യ​ന്‍റു​ക​ളി​ലാ​യാ​ണ് വാ​ഹ​നം വി​പ​ണി​യി​ലെ​ത്തു​ന്ന​ത്. ടോ​പ് വേ​രി​യ​ന്‍റി​ൽ ഓ​ൾ-​വീ​ൽ ഡ്രൈ​വ് സം​വി​ധാ​ന​വും ല​ഭ്യ​മാ​ണ്. ഇ​ന്ത്യ​ൻ പ്രീ​മി​യം ഇ​ല​ക്‌ട്രി​ക് എ​സ‌്‌യുവി വി​ഭാ​ഗ​ത്തി​ൽ മ​ഹീ​ന്ദ്ര ബി​ഇ 6, ഹ്യു​ണ്ടാ​യ് ക്രെ​റ്റ ഇ​വി, എം​ജി ഇ​സ​ഡ്എ​സ് ഇ​വി എ​ന്നി​വ​യു​മാ​യാ​ണ് സി​യ​റ ഇ​വി മ​ത്സ​രി​ക്കു​ന്ന​ത്.

വി​ല: 18.79 ല​ക്ഷം

റേ​ഞ്ച്: 665 കി​ലോ​മീ​റ്റ​ർ ‍

Tags : Vintage looking EV TataSierra Automobile Autospot