26

കി​യ​യു​ടെ പു​തി​യ ഫ്ലാ​ഗ്ഷി​പ്പ് എ​സ‌്‌യുവി സൊ​റെ​ന്‍റോ ഇ​ന്ത്യ​ൻ വി​പ​ണി​യി​ലെ​ത്തി. ആ​റ് സീ​റ്റ​ർ, ഏ​ഴ് സീ​റ്റ​ർ കോ​ണ്‍​ഫി​ഗ​റേ​ഷ​നു​ക​ളി​ലും ഫ്ര​ണ്ട് വീ​ൽ ഡ്രൈ​വ്, ഓ​ൾ വീ​ൽ ഡ്രൈ​വ് ഓ​പ്ഷ​നു​ക​ളി​ലു​മാ​ണ് വാ​ഹ​നം ല​ഭ്യ​മാ​കു​ക. 27.99 ല​ക്ഷം മു​ത​ൽ 40.39 ല​ക്ഷം വ​രെ​യാ​ണ് സൊ​റെ​ന്‍റോ​യു​ടെ എ​ക്സ് ഷോ​റൂം വി​ല.

പു​റം​മോ​ടി​

മ​സ്കു​ലാ​ർ ബോ​ഡി ലൈ​നു​ക​ളും 18, 19 ഇ​ഞ്ച് അ​ലോ​യ് വീ​ൽ ഓ​പ്ഷ​നു​ക​ളും വാ​ഹ​ന​ത്തി​ന് പ്രീ​മി​യം എ​സ്‌യു​വി ലു​ക്ക് ന​ൽ​കു​ന്നു. നീ​ള​മേ​റി​യ ബോ​ഡി​യും വ​ലി​യ വീ​ൽ​ബേ​സും ഉ​ള്ളി​ലെ മൂ​ന്ന് നി​ര​ക​ളി​ലും കൂ​ടു​ത​ൽ ക്യാ​ബി​ൻ സ്പേ​സ് ഉ​റ​പ്പാ​ക്കു​ന്ന രീ​തി​യി​ലാ​ണ് ഒ​രു​ക്കി​യി​രി​ക്കു​ന്ന​ത്. 

മു​ന്നി​ലെ വ​ലി​യ ഗ്രി​ൽ, ക്രി​സ്റ്റ​ൽ ക്യൂ​ബ് എ​ൽ​ഇ​ഡി ഹെ​ഡ്‌​ലാ​ന്പു​ക​ൾ, സ്റ്റാ​ർ​മാ​പ്പ് എ​ൽ​ഇ​ഡി ലൈ​റ്റു​ക​ൾ എ​ന്നി​വ​ സൊ​റെ​ന്‍റോ​യു​ടെ പു​റം​മോ​ടി​ കൂട്ടുന്നു.

അകത്തളം

സൊ​റെ​ന്‍റോ​യു​ടെ അ​ക​ത്തെ പ്ര​ധാ​ന ആ​ക​ർ​ഷ​ണ​ങ്ങ​ളി​ലൊ​ന്ന് ഡാ​ഷ്ബോ​ർ​ഡി​ലെ 12.3 ഇ​ഞ്ച് ഡി​ജി​റ്റ​ൽ ഇ​ൻ​സ്ട്രു​മെ​ന്‍റ് ക്ല​സ്റ്റ​റും 12.3 ഇ​ഞ്ച് ഇ​ൻ​ഫോ​ടെ​യ്ൻ​മെ​ന്‍റ് സി​സ്റ്റ​വു​മാ​ണ്. 12 സ്പീ​ക്ക​റു​ക​ളു​ള്ള ബോ​സ് പ്രീ​മി​യം ഓ​ഡി​യോ സി​സ്റ്റം, പ​നോ​ര​മി​ക് സ​ണ്‍​റൂ​ഫ്, ഡ്യു​വ​ൽ സോ​ണ്‍ ക്ലൈ​മ​റ്റ് ക​ണ്‍​ട്രോ​ൾ, ഹെ​ഡ്-​അ​പ്പ് ഡി​സ്പ്ലേ, പ​വേർ​ഡ് ടെ​യി​ൽ​ഗേ​റ്റ് തു​ട​ങ്ങി​യ ഫീ​ച്ച​റു​ക​ളും വാ​ഹ​ന​ത്തി​ലുണ്ട്.

10 വേ ​പ​വ​ർ അ​ഡ്ജ​സ്റ്റ്മെ​ന്‍റ് ലം​ബ​ർ സ​പ്പോ​ർ​ട്ട് വെ​ന്‍റി​ലേ​റ്റ​ഡ് സീ​റ്റു​ക​ൾ, ര​ണ്ടാം നി​ര സീ​റ്റു​ക​ൾ ഇ​ല​ക്‌ട്രോ​ണി​ക്കാ​യി മ​ട​ക്കാ​നു​ള്ള സം​വി​ധാ​നം എ​ന്നി​വ​യാ​ണ് ക്യാ​ബി​നി​ലെ പ്ര​ധാ​ന സൗ​ക​ര്യ​ങ്ങ​ൾ. ആ​റ് സീ​റ്റ​ർ പ​തി​പ്പി​ൽ ര​ണ്ടാം നി​ര​യി​ലും വെ​ന്‍റി​ലേ​ഷ​ൻ സൗ​ക​ര്യ​മു​ണ്ട്.

സു​ര​ക്ഷാ

10 എ​യ​ർ​ബാ​ഗു​ക​ൾ, 360 ഡി​ഗ്രി ക്യാ​മ​റ, ഡി​ജി​റ്റ​ൽ ഇ​ൻ​സൈ​ഡ് റി​യ​ർ​വ്യൂ മി​റ​ർ, ഓ​ട്ടോ​മാ​റ്റി​ക് പാ​ർ​ക്കിം​ഗ് അ​സി​സ്റ്റ്, ഫ്ര​ണ്ട്-​റി​യ​ർ ഡാ​ഷ് ക്യാ​മ​റ, ട​യ​ർ പ്ര​ഷ​ർ മോ​ണി​റ്റ​റിംഗ് സി​സ്റ്റം എ​ന്നി​വ പ്ര​ധാ​ന സു​ര​ക്ഷാ സം​വി​ധാ​ന​ങ്ങ​ളാ​ണ്. ലെ​വ​ൽ 2 അ​ഡാ​സ് സം​വി​ധാ​ന​വും വാ​ഹ​ന​ത്തി​ലു​ണ്ട്.

ഉൾക്കരുത്ത്

ര​ണ്ട് പ​വ​ർ​ട്രെ​യി​ൻ ഓ​പ്ഷ​നു​ക​ളാ​ണ് കി​യ സൊ​റെ​ന്‍റോ​യ്ക്ക് ന​ൽ​കി​യി​രി​ക്കു​ന്ന​ത്. 1.6 ലിറ്റ​ർ ട​ർ​ബോ പെ​ട്രോ​ൾ സ്ട്രോം​ഗ് ഹൈ​ബ്രി​ഡ് എ​ൻ​ജി​ൻ 180 എ​ച്ച്പി​യും 265 എ​ൻ​എം ടോ​ർ​ക്കും ഉ​ത്​പാ​ദി​പ്പി​ക്കും. ഇ​തോ​ടൊ​പ്പം 65 എ​ച്ച്പി​യും 264 എ​ൻ​എം ടോ​ർ​ക്കും ന​ൽ​കു​ന്ന ഇ​ല​ക്‌​ട്രി​ക് മോ​ട്ടോ​റു​മു​ണ്ട്. 6-സ്പീ​ഡ് ഓ​ട്ടോ​മാ​റ്റി​ക് ഗി​യ​ർ​ബോ​ക്സാ​ണ് ഹൈ​ബ്രി​ഡ് പ​തി​പ്പി​ൽ.

ഡീ​സ​ൽ പ​തി​പ്പി​ൽ 2.2 ലി​റ്റ​ർ എ​ൻ​ജി​നാ​ണ് ഉ​പ​യോ​ഗി​ക്കു​ന്ന​ത്. 193 എ​ച്ച്പി ക​രു​ത്തും 442 എ​ൻ​എം ടോ​ർ​ക്കും ന​ൽ​കു​ന്ന ഡീ​സ​ൽ എ​ൻ​ജി​നൊ​പ്പം 8-സ്പീ​ഡ് ഡ്യു​വ​ൽ ക്ല​ച്ച് ട്രാ​ൻ​സ്മി​ഷ​നാ​ണ് ന​ൽ​കി​യി​രി​ക്കു​ന്ന​ത്.

സ്കോ​ഡ കൊ​ഡി​യാ​ക്, ഫോ​ക്സ്‌വാ​ഗ​ണ്‍ ടെ​യ്റോ​ണ്‍, ജീ​പ്പ് മെ​റി​ഡി​യ​ൻ എ​ന്നി​വ​രാ​ണ് നേ​രി​ട്ടു​ള്ള എ​തി​രാ​ളി​ക​ൾ. ടൊ​യോ​ട്ട ഫോ​ർ​ച്യൂ​ണ​ർ, എം​ജി ഗ്ലോ​സ്റ്റ​ർ തു​ട​ങ്ങി​യ വ​ലി​യ 7-സീ​റ്റ​ർ എ​സ്‌യുവി​ക​ളു​മാ​യും സൊ​റെ​ന്‍റോ മ​ത്സ​രി​ക്കും.

ഫ്ര​ണ്ട് വീ​ൽ ഡ്രൈ​വ്, ഓ​ൾ വീ​ൽ ഡ്രൈ​വ് ഓ​പ്ഷ​നു​ക​ളി​ലാ​ണ് വാ​ഹ​നം ല​ഭ്യ​മാ​കു​ക. 27.99 ല​ക്ഷം മു​ത​ൽ 40.39 ല​ക്ഷം വ​രെ​യാ​ണ് എ​ക്സ് ഷോ​റൂം വി​ല

Tags : Kia Sorento India Automotive Launches