1

ഐ​വ​റി കോ​സ്റ്റി​ലും തെ​ക്കു​കി​ഴ​ക്ക്‌ ഏ​ഷ്യ​ൻ രാ​ജ്യ​ങ്ങ​ളും റ​ബ​ർ ടാ​പ്പിം​ഗ് സീ​സ​ണി​ന് ഒ​രു​ങ്ങു​ന്ന​തു ക​ണ്ട്‌ രാ​ജ്യാ​ന്ത​ര നി​ക്ഷേ​പ​ക​ർ റ​ബ​റി​ൽ ലാ​ഭ​മെ​ടു​പ്പി​നു നീ​ക്കം തു​ട​ങ്ങി, വ​ര​ണ്ട കാ​ലാ​വ​സ്ഥ തു​ട​രു​ന്ന​തി​നാ​ൽ കേ​ര​ള​ത്തി​ൽ ടാ​പ്പിം​ഗ് സ്‌​തം​ഭ​ന​ത്തി​ലാ​ണ്. ഈ​സ്റ്റ​ർ ഡി​മാ​ൻ​ഡ് മു​ന്നി​ൽ​ക്ക​ണ്ട്‌ വെ​ളി​ച്ചെ​ണ്ണ ക​രു​ത്ത്‌ സ്വ​രൂ​പി​ക്കു​ന്നു. കു​രു​മു​ള​ക്‌ തി​രി​ച്ചു​വ​ര​വി​നു ശ്ര​മം ന​ട​ത്തി​യെ​ങ്കി​ലും ഇ​ട​പാ​ടു​കാ​രി​ൽ നി​ന്നു​ള്ള പി​ന്തു​ണ ഉ​റ​പ്പ്‌ വ​രു​ത്താ​നാ​യി​ല്ല.

ആ​ഗോ​ള റ​ബ​ർ ഉ​ത്പാ​ദ​ന​ത്തി​ൽ വ​ൻ ശ​ക്തി​യാ​യി മാ​റു​ന്ന ആ​ഫ്രി​ക്ക​ൻ രാ​ജ്യ​മാ​യ ഐ​വ​റി കോ​സ്റ്റ്‌ ടാ​പ്പിം​ഗ് സീ​സ​ണി​ന് ഒ​രു​ങ്ങു​ന്നു. പു​തി​യ സാ​ഹ​ച​ര്യ​ത്തി​ൽ ഏ​പ്രി​ൽ ആ​ദ്യ ര​ണ്ടാ​ഴ്‌​ച​ക​ളി​ൽ പു​തി​യ ഷീ​റ്റ്‌ വി​ൽ​പ്പ​ന​യ്‌​ക്ക്‌ സ​ജ്ജ​മാ​കു​മെ​ന്ന വി​വ​രം ട​യ​ർ വ്യ​വ​സാ​യി​ക​ളെ തി​ര​ക്കി​ട്ടു​ള്ള റ​ബ​ർ സം​ഭ​ര​ണ​ത്തി​ൽ നി​ന്നും പി​ൻ​തി​രി​പ്പി​ക്കാം. ഏ​താ​നും മാ​സ​ങ്ങ​ളാ​യി നി​ക്ഷേ​പ​ക​രാ​യി നി​ല​കൊ​ണ്ട്‌ അ​വ​ധി വ്യാ​പാ​ര രം​ഗ​ത്ത്‌ ആ​വേ​ശം സൃ​ഷ്‌​ടി​ച്ച ഫ​ണ്ടു​ക​ൾ ചു​വ​ട്‌ മാ​റി ച​വി​ട്ടാ​നു​ള്ള അ​ണി​യ​റ നീ​ക്ക​ത്തി​ലാ​ണ്. ഇ​തി​ന്‍റെ മു​ന്നോ​ടി​യെ​ന്നോ​ണം ജ​പ്പാ​ൻ ഒ​സാ​ക്ക അ​ട​ക്ക​മു​ള്ള അ​വ​ധി വ്യാ​പാ​ര കേ​ന്ദ്ര​ങ്ങ​ളി​ൽ അ​വ​ർ ലാ​ഭ​മെ​ടു​പ്പ്‌ തു​ട​ങ്ങി.

ജ​നു​വ​രി ആ​ദ്യം ഒ​സാ​ക്ക എ​ക്‌​സ്‌​ചേ​ഞ്ചി​ൽ കി​ലോ 346 യെ​ന്നി​ൽ വി​പ​ണ​നം ന​ട​ന്ന റ​ബ​ർ ഈ ​മാ​സം 386 യെ​ൻ വ​രെ ഉ​യ​ർ​ന്ന് ഇ​ട​പാ​ടു​ക​ൾ ന​ട​ന്നു. വാ​ര​ത്തി​ന്‍റെ തു​ട​ക്ക​ത്തി​ൽ 380 യെ​ന്നി​ൽ നീ​ങ്ങി​യ റ​ബ​ർ പ​ക്ഷേ വാ​രാ​ന്ത്യം 365ലേ​ക്ക്‌ ഇ​ടി​ഞ്ഞു. നി​ല​വി​ൽ 356 യെ​ന്നി​ൽ സ​പ്പോ​ർ​ട്ടു​ണ്ട്‌. ഈ ​താ​ങ്ങ്‌ വി​പ​ണി​ക്കു നി​ല​നി​ർ​ത്താ​നാ​യി​ല്ലെ​ങ്കി​ൽ 340 റേ​ഞ്ചി​ലേ​ക്ക്‌ ജ​ാപ്പ​നീ​സ്‌ മാ​ർ​ക്ക​റ്റ്‌ തി​രി​യും. സാ​ങ്കേ​തി​ക​മാ​യി റ​ബ​ർ ദു​ർ​ബ​ലാ​വ​സ്ഥ​യി​ലേ​ക്ക്‌ പ്ര​വേ​ശി​ക്കു​ക​യാ​ണ്.

ഈ​സ്റ്റ​ർ ക​ഴി​യു​ന്ന​തോ​ടെ വി​വി​ധ രാ​ജ്യ​ങ്ങ​ളി​ൽ​നി​ന്നും പു​തി​യ ക്വ​ട്ടേ​ഷ​നു​ക​ൾ​ക്കു സാ​ധ്യ​ത തെ​ളി​യു​ന്ന​തി​നാ​ൽ വ്യ​വ​സാ​യി​ക​ൾ ബാ​ങ്കോ​ക്കി​ൽ തി​ര​ക്കി​ട്ടു പു​തി​യ ക​രാ​റു​ക​ൾ​ക്കു നീ​ക്കം ന​ട​ത്താ​ൻ ഇ​ട​യി​ല്ല. അ​തേ​സ​മ​യം, രാ​ജ്യാ​ന്ത​ര ത​ല​ത്തി​ൽ ക്രൂ​ഡ്‌ ഓ​യി​ൽ വി​ല വീ​ണ്ടും ഉ​യ​രു​ന്ന​ത്‌ സി​ന്ത​റ്റി​ക്ക്‌ റ​ബ​റി​നു താ​ങ്ങ്‌ പ​ക​ർ​ന്നാ​ൽ അ​ത്‌ റ​ബ​ർ ഉ​ത്പാ​ദ​ക രാ​ജ്യ​ങ്ങ​ൾ​ക്കും ആ​ശ്വാ​സം പ​ക​രും.

സം​സ്ഥാ​ന​ത്തെ വി​പ​ണി​ക​ളി​ൽ നാ​ലാം ഗ്രേ​ഡ്‌ റ​ബ​ർ 21,500 രൂ​പ​യി​ൽ നി​ന്നും വാ​രാ​മ​ധ്യം 21,800 രൂ​പ വ​രെ ക​യ​റി​യെ​ങ്കി​ലും വ്യ​വ​സാ​യി​ക​ളി​ൽ നി​ന്നു​ള്ള ഡി​മാ​ൻ​ഡ് കു​റ​ഞ്ഞ​തോ​ടെ 21,600ലേ​ക്ക്‌ താ​ഴ്‌​ന്നു. അ​ഞ്ചാം ഗ്രേ​ഡ്‌ 21,300 രൂ​പ​യി​ലും ഒ​ട്ടു​പാ​ൽ 13,600 രൂ​പ​യി​ലും ലാ​റ്റ​ക്‌​സ്‌ 14,400 രൂ​പ​യി​ലു​മാ​ണ്. വേ​ന​ൽമ​ഴ വേ​ണ്ട വി​ധം ഇ​നി​യും ക​നി​ഞ്ഞി​ട്ടി​ല്ല, ഉ​ത്പാ​ദ​ന രം​ഗ​ത്തെ സ്‌​തം​ഭ​നം തു​ട​രു​ന്ന​തി​നാ​ൽ ടാ​പ്പിം​ഗ് പു​ന​രാ​രം​ഭി​ക്കാ​ൻ കാ​ല​താ​മ​സം നേ​രി​ടാം.

നാ​ളി​കേ​രോ​ത്പ​ന്ന​ങ്ങ​ളു​ടെ വി​ല​യി​ൽ കാ​ര്യ​മാ​യ മാ​റ്റ​മി​ല്ല, ഈ​സ്റ്റ​ർ അ​ടു​ക്കു​ന്ന​തി​നാ​ൽ വെ​ളി​ച്ചെ​ണ്ണ​യ്‌​ക്ക്‌ പ്രാ​ദേ​ശി​ക ഡി​മാ​ൻ​ഡ് ശ​ക്ത​മാ​കു​മെ​ന്ന ക​ണ​ക്കു​കൂ​ട്ട​ലി​ലാ​ണ് ഒ​രു വി​ഭാ​ഗം വ്യ​വ​സാ​യി​ക​ൾ. അ​തു​കൊ​ണ്ടുത​ന്നെ ച​ര​ക്ക്‌ റി​ലീ​സിം​ഗ് അ​വ​ർ നി​യ​ന്ത്രി​ച്ച്‌ മോ​ഹ​വി​ല​യ്‌​ക്കാ​യി കാ​ത്തി​രി​ക്കു​ന്നു. അ​തേ​സ​മ​യം മാ​സാ​രം​ഭ വേ​ള​യി​ൽ വെ​ളി​ച്ചെ​ണ്ണ​യ്‌​ക്ക്‌ പ്രാ​ദേ​ശി​ക ഡി​മാ​ൻ​ഡ് ഉ​യ​രാ​ഞ്ഞ​ത്‌ മി​ല്ലു​കാ​രി​ൽ സ​മ്മ​ർ​ദ​മു​ള​വാ​ക്കി. കൊ​ച്ചി​യി​ൽ എ​ണ്ണ 26,900 രൂ​പ​യി​ലും കൊ​പ്ര 15,100 രൂ​പ​യി​ലു​മാ​ണ്.

അ​ന്ത​ർ​സം​സ്ഥാ​ന വ്യാ​പാ​രി​ക​ൾ ഹൈ​റേ​ഞ്ചി​ൽ നി​ന്നും സം​സ്ഥാ​ന​ത്തി​ന്‍റെ മ​റ്റ്‌ ഭാ​ഗ​ങ്ങ​ളി​ൽ​നി​ന്നു​മു​ള്ള കു​രു​മു​ള​ക്‌ സം​ഭ​ര​ണ തോ​ത്‌ അ​ല്പം കു​റ​ച്ചു. നാ​ട​ൻ കു​രു​മു​ള​ക്‌ കാ​ര്യ​മാ​യി വി​ല്പ​ന​യ്‌​ക്ക്‌ ഇ​റ​ങ്ങു​ന്നി​ല്ലെ​ങ്കി​ലും നി​ര​ക്ക്‌ അ​ല്പം താ​ഴ്‌​ത്തി കാ​ർ​ഷി​ക മേ​ഖ​ല​യു​ടെ ഹൃ​ദ​യതു​ടി​പ്പ്‌ അ​റി​യാ​നു​ള്ള ശ്ര​മ​ത്തി​ലാ​ണ്.

ഈ​സ്റ്റ​ർ ആ​ഘോ​ഷ​വേ​ള​യി​ൽ പ​ണ​ത്തി​ന് ആ​വ​ശ്യം ഉ​യ​രു​മെ​ന്ന​തി​നാ​ൽ കൈ​വ​ശ​മു​ള്ള ച​ര​ക്ക്‌ അ​വ​ർ വി​പ​ണി​യി​ൽ ഇ​റ​ക്കു​മെ​ന്ന നി​ഗ​മ​ത്തി​ലാ​ണു വാ​ങ്ങ​ലു​കാ​ർ. ഈ​യൊ​രു ക​ണ​ക്കു​കൂ​ട്ട​ലി​ൽ കൊ​ച്ചി​യി​ൽ അ​വ​ർ അ​ൺ​ഗാ​ർ​ബി​ൾ​ഡ്‌ 69,900 രൂ​പ​യി​ൽ​നി​ന്ന് 69,500 രൂ​പ​യാ​യി കു​റ​ച്ചു, ഗാ​ർ​ബി​ൾ​ഡ്‌ മു​ള​ക്‌ വി​ല 71,500 രൂ​പ.

Tags : Agriculture sector without increase