4

ഇ​ന്ത്യ-യുഎസ് വ്യാ​പാ​ര ക​രാ​ർ രാ​ജ്യാ​ന്ത​ര ധ​ന​കാ​ര്യ​സ്ഥാ​പ​ന​ങ്ങ​ളെ ന​മ്മു​ടെ വി​പ​ണി​ക​ളി​ലേ​ക്ക്‌ കൂ​ടു​ത​ലാ​യി ആ​ക​ർ​ഷി​ക്കും. ഏ​താ​നും മാ​സ​ങ്ങ​ളാ​യി വി​ല്പ​ന​യ്‌​ക്ക്‌ മാ​ത്രം മു​ൻ​തൂ​ക്കം ന​ൽ​കി​യ അ​വ​ർ നി​ക്ഷേ​പ​ക​ന്‍റെ പു​തി​യ കു​പ്പാ​യും അ​ണി​ഞ്ഞു രം​ഗ​ത്തി​റ​ങ്ങു​മെ​ന്ന​തു വൈ​കാ​തെ ബോം​ബെ സെ​ൻ​സെ​ക്‌​സി​നെ 90,000 പോ​യി​ന്‍റി​ലേ​ക്ക്‌ ഉ​യ​ർ​ത്താം. സാ​മ്പ​ത്തി​ക മേ​ഖ​ല​യി​ൽ ഉ​ണ​ർ​വ്‌ ക​ണ്ടുതു​ട​ങ്ങു​ന്ന​തോ​ടെ രൂ​പ​യു​ടെ മൂ​ല്യ​ത്തി​ലും ശ്ര​ദ്ധേ​യ​മാ​യ തി​രി​ച്ചുവ​ര​വ്‌ പ്ര​തീ​ക്ഷി​ക്കാം.

യൂ​റോ​പ്യ​ൻ യൂ​ണി​യ​നു​മാ​യും യു​എ​സു​മാ​യും ഉ​റ​പ്പി​ച്ച പു​തി​യ വ്യാ​പാ​ര ക​രാ​റു​ക​ളു​ടെ നേ​ട്ടം വ​രും മാ​സ​ങ്ങ​ളി​ൽ വി​പ​ണി​യി​ൽ ക​ണ്ടുതു​ട​ങ്ങും. ബ​ജ​റ്റ്‌ വേ​ള​യി​ൽ ഡെ​റി​വേ​റ്റീ​വ്‌ ഇ​ട​പാ​ടു​ക​ളി​ൽ സെ​ക്യൂ​രി​റ്റീ​സ് ട്രാ​ൻ​സാ​ക്‌ഷ​ൻ ടാ​ക്‌​സ് വ​ർ​ധി​പ്പി​ച്ച ന​ട​പ​ടി വി​പ​ണി​യെ അ​ക്ഷ​രാ​ർ​ത്ഥ​ത്തി​ൽ പി​ടി​ച്ചു​ല​ച്ചെ​ങ്കി​ലും പ്ര​തി​സ​ന്ധി​ക​ളി​ൽ​നി​ന്നും അ​തി​ശ​ക്ത​മാ​യി തി​രി​ച്ചു​വ​ര​വാ​ണു‌ കാ​ഴ്‌​ച​വ​ച്ച​ത്‌.

നാ​ണ​യ​പെ​രു​പ്പം സം​ബ​ന്ധി​ച്ച പു​തി​യ ക​ണ​ക്കു​ക​ൾ ഈ ​വാ​രം ഓ​ഹ​രി വി​പ​ണി​യു​ടെ ദി​ശ നി​ർ​ണ​യി​ക്കു​ന്ന​തി​ൽ മു​ഖ്യ പ​ങ്ക്‌ വ​ഹി​ക്കും. കോ​ർ​പ​റേ​റ്റ്‌ മേ​ഖ​ല​യു​ടെ മൂ​ന്നാം പാ​ദ​ത്തി​ലെ പ്ര​വ​ർ​ത്ത​ന ഫ​ല​ങ്ങ​ളെ​യും വി​പ​ണി ഉ​റ്റു​നോ​ക്കു​ന്നു. റി​സ​ർ​വ് ബാ​ങ്ക്‌ ധ​ന​ന​യ സ​മി​തി സാ​മ്പ​ത്തി​ക വ​ർ​ഷ​ത്തെ ജി​ഡി​പി വ​ള​ർ​ച്ചാ പ്ര​വ​ച​നം 7.4 ശ​ത​മാ​ന​മാ​യി ഉ​യ​ർ​ത്തി. പു​തി​യ വ്യാ​പാ​ര ക​രാ​റു​ക​ൾ പ്ര​ഖ്യാ​പി​ച്ച​തി​നു പി​ന്നാ​ലെ റി​സ​ർ​വ്‌ ബാ​ങ്ക്‌ റി​പ്പോ നി​ര​ക്ക്‌ 5.25 ശ​ത​മാ​ന​ത്തി​ൽ സ്റ്റെ​ഡി​യാ​യി നി​ല​നി​ർ​ത്താ​ൻ തീ​രു​മാ​നി​ച്ചു.

നി​ഫ്‌​റ്റി സൂ​ചി​ക ക​ഴി​ഞ്ഞ ഞാ​യ​റാ​ഴ്‌​ച ന​ട​ന്ന പ്ര​ത്യേ​ക വ്യാ​പാ​ര​ത്തി​ൽ ബ​ജ​റ്റ്‌ സൃ​ഷ്‌​ടി​ച്ച ആ​ഘാ​ത​ത്തി​ൽ 25,472ലേ​ക്ക്‌ ഇ​ടി​ഞ്ഞ​തി​ന്‍റെ തു​ട​ർ​ച്ച​യെ​ന്നോ​ണം ഓ​പ്പ​ണിം​ഗ് വേ​ള​യി​ൽ വീ​ണ്ടും ത​ള​ർ​ന്ന്‌ 24,686 പോ​യി​ന്‍റ് വ​രെ പ​രീ​ക്ഷ​ണ​ങ്ങ​ൾ ന​ട​ത്തി. താ​ഴ്‌​ന്ന റേ​ഞ്ചി​ൽ പു​തി​യ നി​ക്ഷേ​പ​ക​ർ രം​ഗ​ത്ത്‌ ഇ​ടം​പി​ടി​ച്ച​തോ​ടെ സൂ​ചി​ക 25,861ലേ​ക്ക്‌ തി​രി​ച്ചു​വ​ര​വ്‌ ന​ട​ത്തി​യ ശേ​ഷം വാ​രാ​ന്ത്യം 25,693ലാ​ണ്. ഈ​വാ​രം ആ​ദ്യ താ​ങ്ങ്‌ 24,965 പോ​യി​ന്‍റി​ലാ​ണ്. ഇ​ത്‌ നി​ല​നി​ർ​ത്താ​ൻ ക്ലേ​ശി​ച്ചാ​ൽ 24,238ലേ​ക്ക്‌ പ​രീ​ക്ഷ​ണം ന​ട​ത്താം. എ​ന്നാ​ൽ, ബു​ൾ ഓ​പ്പ​റേ​റ്റ​ർ​മാ​രു​ടെ നി​റ​ഞ്ഞ സാ​ന്നി​ധ്യം ക​ണ​ക്കി​ലെ​ടു​ത്താ​ൽ പ്ര​തി​രോ​ധ മേ​ഖ​ല​യാ​യ 26,140 - 26,588 പോ​യി​ന്‍റി​നെ ഉ​റ്റുനോ​ക്കാം.

നി​ഫ്‌​റ്റി ഫെ​ബ്രു​വ​രി സീ​രീ​സി​ൽ പി​ന്നി​ട്ട​വാ​രം ഒ​രു ശ​ത​മാ​നം ഉ​യ​ർ​ന്നു. ബ​ജ​റ്റ്‌ പ്ര​ഖ്യാ​പ​ന വേ​ള​യി​ൽ താ​ഴ്ന്ന ക​രാ​റുകൾ തി​രി​ച്ചു​വ​ര​വി​ൽ 26,320 വ​രെ ഉ​യ​ർ​ന്ന ശേ​ഷം വ്യാ​പാ​രാ​ന്ത്യം 25,735ലാ​ണ്. നി​ല​വി​ൽ 21 ദി​വ​സ​ങ്ങ​ളി​ലെ ശ​രാ​ശ​രി​ക്ക്‌ മു​ക​ളി​ൽ നി​ല​കൊ​ള്ളു​ന്ന​ത്‌ അ​ടു​ത്ത കു​തി​പ്പി​നു ശ​ക്തി​പ​ക​രാം. വി​പ​ണി​യി​ലെ ഓ​പ്പ​ൺ ഇ​ന്‍റ​റ​സ്റ്റ്‌ 182 ല​ക്ഷം ക​രാ​റു​ക​ളി​ൽനി​ന്ന് 160 ല​ക്ഷ​മാ​യി. ശ​ക്ത​മാ​യ ഷോർ​ട്ട് ക​വ​റിം​ഗി​നു പി​ന്നി​ട്ട​വാ​രം ഊ​ഹ​ക്ക​ച്ച​വ​ട​ക്കാ​ർ നീ​ക്കം ന​ട​ത്തി.

സെ​ൻ​സെ​ക്‌​സ് 80,386 പോ​യി​ന്‍റി​ൽ​നി​ന്നു​ള്ള തി​രി​ച്ചു​വ​ര​വി​ൽ പ്ര​തി​രോ​ധ​ങ്ങ​ൾ ഓ​രോ​ന്നാ​യി ത​ക​ർ​ത്ത്‌ 84,185 വ​രെ ഉ​യ​ർ​ന്നെ​ങ്കി​ലും ക്ലോ​സിം​ഗി​ൽ 83,580 പോ​യി​ന്‍റി​ലാ​ണ്. ഈ ​വാ​രം സെ​ൻ​സെ​ക്‌​സ്‌ 85,048ലെ ​ആ​ദ്യ പ്ര​തി​രോ​ധം മ​റി​ക​ട​ന്നാ​ൽ 86,516നെ ​ല​ക്ഷ്യ​മാ​ക്കും. സ്ഥി​തി​ഗ​തി​ക​ൾ അ​നു​കൂ​ല​മാ​യാ​ൽ സാ​മ്പ​ത്തി​ക വ​ർ​ഷാ​ന്ത്യ​തോ​ടെ സൂ​ചി​ക 90,315 പോ​യി​ന്‍റി​ലേ​ക്ക്‌ സ​ഞ്ച​രി​ക്കാം. ഈ ​വാ​രം വി​ല്പ​ന സ​മ്മ​ർ​ദ​മു​ണ്ടാ​യാ​ൽ 81,249 പോ​യി​ന്‍റി​ൽ താ​ങ്ങു​ണ്ട്‌.

ഫോ​റെ​ക്‌​സ്‌ മാ​ർ​ക്ക​റ്റി​ൽ ഡോ​ള​റി​നു മു​ന്നി​ൽ രൂ​പ​യു​ടെ മൂ​ല്യം ശ​ക്തി​പ്രാ​പി​ച്ചു. രൂ​പ 92.08ലേ​ക്ക്‌ ദു​ർ​ബ​ലമായ അ​വ​സ​ര​ത്തി​ൽ പു​റ​ത്തു​വ​ന്ന അ​നു​കൂ​ല വാ​ർ​ത്ത​ക​ളും റി​സ​ർ​വ്‌ ബാ​ങ്ക്‌ റി​പ്പോ നി​ര​ക്ക്‌ സ്റ്റെ​ഡി​യാ​യി നി​ല​നി​ർ​ത്തി​യ പ്ര​ഖ്യാ​പ​ന​വും വി​നി​മ​യ നി​ര​ക്ക്‌ മെ​ച്ച​പ്പെ​ടു​ത്തി. രൂ​പ 90.11ലേ​ക്ക്‌ ക​രു​ത്ത്‌ നേ​ടി​യ ശേ​ഷം വാ​രാ​ന്ത്യം 90.66ലാ​ണ്.

ഇ​ന്ത്യ-യുഎ​സ്‌ വ്യാ​പാ​ര ക​രാ​ർ സൂ​ച​ന​ക​ൾ രൂ​പ​യ്ക്ക്‌ ക​രു​ത്താ​യി. മൂ​ന്നു വ​ർ​ഷ​ത്തി​നി​ട​യി​ലെ ഏ​റ്റ​വും മി​ക​ച്ച തി​രി​ച്ചുവ​ര​വാ​ണു ക​ഴി​ഞ്ഞ​വാ​രം രൂ​പ കാ​ഴ്‌​ച​വ​ച്ച​ത്‌. ഈ ​മാ​സം വി​ദേ​ശ പോ​ർ​ട്ട്‌ഫോ​ളി​യോ നി​ക്ഷേ​പ​ക​ർ ഏ​ക​ദേ​ശം ഒ​രു ബി​ല്യ​ൺ ഡോ​ള​ർ നി​ക്ഷേ​പി​ച്ചു. ജ​നു​വ​രി​യി​ൽ അ​വ​ർ നാ​ലു‌ ബി​ല്യ​ൺ ഡോ​ള​റി​ന്‍റെ വി​റ്റ​ഴി​ക്ക​ൽ ന​ട​ത്തി​യി​രു​ന്നു. ഇ​ന്ത്യ​ൻ വി​പ​ണി​യോ​ട്‌ വി​ദേ​ശ നി​ക്ഷേ​പ​ക​രു​ടെ മ​നോ​ഭാ​വ​ത്തി​ലു​ണ്ടാ​യ മാ​റ്റം പ​ണ​പ്ര​വാ​ഹ​ത്തി​ന് അ​വ​സ​രം ഒ​രു​ക്കാം.

രാ​ജ്യാ​ന്ത​ര വി​പ​ണി​യി​ൽ ക്രൂ​ഡ് ഓ​യി​ൽ വി​ല ബാ​ര​ലി​ന് 68.10 ഡോ​ള​റി​ലാ​ണ്. ഇ​ന്ത്യ-റ​ഷ്യ ക്രൂ​ഡ്‌ ഓ​യി​ൽ ഇ​റ​ക്കു​മ​തി വി​ഷ​യം ചൂ​ടു​പി​ടി​ച്ചു നി​ൽ​ക്കു​ന്ന സാ​ഹ​ച​ര്യ​ത്തി​ൽ നി​ര​ക്ക്‌ 69 - 71 ഡോ​ള​ർ വ​രെ ഉ​യ​രാം. അ​തേ​സ​മ​യം ഇ​ന്ത്യ​ൻ ഇ​റ​ക്കു​മ​തി​ക്കാ​രു​ടെ പി​ൻ​മാ​റ്റ​ത്തി​നി​ട​യി​ൽ ചൈ​ന റി​ക്കാ​ർ​ഡ്‌ അ​ള​വി​ൽ എ​ണ്ണ ഇ​റ​ക്കു​മ​തി​ക്ക്‌ റ​ഷ്യ​യു​മാ​യി പു​തി​യ ക​രാ​റു​ക​ൾ ഉ​റ​പ്പി​ച്ചു.

Tags : Potential for rebound in stock market