പാലാ: സെന്സസ് 2027ന്റെ ഭാഗമായി പാലാ നഗരസഭാ പരിധിയിലെ 26 വാര്ഡുകളിലും ഒന്നാംഘട്ട വിവരശേഖരണ നടപടികള് ഇന്നുമുതല് 31 വരെ നടത്തും. പൊതുജനങ്ങള്ക്ക് സ്വയം വിവരങ്ങള് രേഖപ്പെടുത്തുന്നതിനുള്ള സെല്ഫ് എന്യൂമറേഷന് മൊഡ്യൂള് ഇന്നലെ പൂര്ത്തിയായി.
വിവരശേഖരണത്തിന്റെ ഭാഗമായി ഇന്നുമുതല് മൂന്നുവരെയുള്ള കാലയളവില് വീടുകള്ക്കും കെട്ടിടങ്ങള്ക്കും സെന്സസ് നമ്പറുകള് നല്കുന്നതിനും ഓരോ എന്യൂമറേറ്റര്ക്കും അനുവദിച്ചിട്ടുള്ള ഹൗസ് ലിസ്റ്റിംഗ് ബ്ലോക്കുകളുടെ മാപ്പ് തയാറാക്കുന്നതിനുമായാണ് എന്യൂമറേറ്റര്മാര് വീടുകളും കെട്ടിട്ടങ്ങളും സന്ദര്ശിക്കുന്നത്. നാലു മുതല് 31 വരെയുള്ള കാലയളവില് എച്ച്എല്ഒ മൊബൈല് ആപ്ലിക്കേഷന് ഉപയോഗിച്ച് വിവരശേഖരണം നടത്തുന്നതിനായി എന്യൂമറേറ്റര്മാര് മുഴുവന് വീടുകളും കെട്ടിടങ്ങളും വീണ്ടും സന്ദര്ശിക്കും. ഈ ഘട്ടത്തില് കെട്ടിടങ്ങളുടെയും വീടുകളുടെയും വിവരങ്ങളുമായി ബന്ധപ്പെട്ട 34 പ്രധാന ചോദ്യങ്ങളാണ് പൊതുജനങ്ങളോട് ചോദിച്ചറിയുന്നത്.
Tags : Nattuvishesham Districte News