കൊല്ലം : ചെങ്കോട്ട വഴി തിരുവനന്തപുരം നോര്ത്തില് നിന്ന് ചെന്നൈ താംബരത്തേക്കുള്ള ട്രെയിന് നം. 06035/06036 ചെന്നൈ-താംബരം-തിരുവനന്തപുരം നോര്ത്ത് എസി സ്പെഷല് ട്രെയിന് സര്വീസ് പുനരാരംഭിക്കണമെന്ന് എന്.കെ. പ്രേമചന്ദ്രന് എംപി കേന്ദ്ര റെയില്വേ മന്ത്രിയോടും ദക്ഷിണ റെയില്വേ ജനറല് മാനേജരോടും ആവശ്യപ്പെട്ടു.
കൊല്ലം ചെങ്കോട്ട തീവണ്ടിപ്പാത കടന്നു പോകുന്ന പ്രദേശത്തെ ജനങ്ങള്ക്കുള്പ്പെടെ തിരുവനന്തപുരത്തെയും കൊല്ലത്തേയും പത്തനംതിട്ടയിലേയും ജനങ്ങള്ക്ക് വളരെയേറെ പ്രയോജനമുണ്ടായിരുന്ന ട്രെയിൻ സര്വീസാണ് നിര്ത്തലാക്കിയത്. ശബരിമല തീര്ഥാടകര്ക്കുള്പ്പെടെ പ്രയോജനപ്രദമായ സര്വീസാണിത്.
ശബരിമല തീര്ഥാടനത്തിനായി എല്ലാ മാസവും നിരവധി യാത്രക്കാരാണ് ഈ സര്വീസ് പ്രയോജനപ്പെടുത്തിയിരുന്നത്. ശബരിമലയ്ക്ക് ഏറ്റവും അടുത്തുള്ള റെയില്വേ സ്റ്റേഷനായ പുനലൂരിലൂടെ കടന്നുപോകുന്ന സര്വീസ് നിര്ത്തലാക്കിയത് തീര്ഥാടനത്തിനെത്തുന്ന ഭക്തര്ക്ക് ബുദ്ധിമുട്ടുണ്ടാക്കുന്നതാണ്. വിദ്യാര്ഥികളും ഉദ്യോഗസ്ഥരും സ്ഥിരം യാത്രക്കാരുമുള്പ്പെടെ നല്ല തിരക്കുണ്ടായിരുന്ന സര്വീസാണ് നിര്ത്തിവച്ചിരിക്കുന്നത്. ജനങ്ങള്ക്ക് വളരെ പ്രയോജനപ്രദമായ കൊല്ലം -ചെങ്കോട്ട വഴിയുള്ള സ്പെഷല് തീവണ്ടി സര്വീസ് പുനരാരംഭിക്കണമെന്നും എന്.കെ. പ്രേമചന്ദ്രന് എംപി ആവശ്യപ്പെട്ടു.
Tags : Local News Nattuvishesham Kollam