3

പൊ​ൻ​കു​ന്നം: പു​ന​ലൂ​ർ - മൂ​വാ​റ്റു​പു​ഴ സം​സ്ഥാ​ന​പാ​ത​യി​ൽ ചി​റ​ക്ക​ട​വ് അ​മ്പ​ലം ക​വ​ല​യി​ൽ ഓ​ട്ടോ​റി​ക്ഷ മി​നി​ലോ​റി​യി​ൽ ഇ​ടി​ച്ചു​ണ്ടാ​യ അ​പ​ക​ട​ത്തി​ൽ യു​വാ​വ് മ​രി​ച്ചു​വെ​ന്ന് ഒ​രു ഓ​ൺ​ലൈ​ൻ ന്യൂ​സി​ന്‍റെ ഫേ​സ്ബു​ക്ക് പേ​ജി​ൽ തെ​റ്റാ​യ വാ​ർ​ത്ത. പ​രി​ക്കേ​റ്റ​യാ​ളെ ആ​ശു​പ​ത്രി​യി​ൽ കൊ​ണ്ടു​പോ​കാ​ൻ ആ​രും ത​യാ​റാ​കാ​ത്ത​തി​നാ​ൽ അ​ര​മ​ണി​ക്കൂ​റോ​ളം റോ​ഡി​ൽ കി​ട​ന്നു​വെ​ന്നും നാ​ടി​ന് ഇ​തു നാ​ണ​ക്കേ​ടെ​ന്നു​മാ​ണ് വാ​ർ​ത്ത പ്ര​സി​ദ്ധീ​ക​രി​ച്ച​ത്.

മൂ​ന്നു പേ​ർ​ക്കു പ​രി​ക്കേ​റ്റ​ത​ല്ലാ​തെ അ​പ​ക​ട​ത്തി​ൽ ആ​രും മ​രി​ച്ചി​രു​ന്നി​ല്ല. നാ​ടി​ന് നാ​ണ​ക്കേ​ടു​ണ്ടാ​കു​ന്ന ത​ര​ത്തി​ൽ തെ​റ്റാ​യ പ്ര​ചാ​ര​ണം ന​ട​ത്തി​യ​തി​ൽ ചി​റ​ക്ക​ട​വ് അ​മ്പ​ലം ക​വ​ല​യി​ലെ ഓ​ട്ടോ​റി​ക്ഷാ തൊ​ഴി​ലാ​ളി​ക​ളും വ്യാ​പാ​രി​ക​ളും നാ​ട്ടു​കാ​രും പ്ര​തി​ഷേ​ധി​ച്ചു. സാ​മൂ​ഹ്യ മാ​ധ്യ​മ​ങ്ങ​ളി​ലൂ​ടെ​യും നാ​ട്ടു​കാ​ർ പ്ര​തി​ഷേ​ധി​ച്ചു.

ഞാ​യ​റാ​ഴ്ച വൈ​കു​ന്നേ​ര​മു​ണ്ടാ​യ അ​പ​ക​ട​ത്തി​ൽ ഓ​ട്ടോ​യി​ലു​ണ്ടാ​യി​രു​ന്ന റാ​ന്നി സ്വ​ദേ​ശി​ക​ളാ​യ മൂ​ന്നു​ പേ​ർ​ക്ക് പ​രി​ക്കേ​റ്റ അ​പ​ക​ട​ത്തി​ൽ ര​ക്ഷാ​പ്ര​വ​ർ​ത്ത​നം ന​ട​ത്തി​യ​ത് സ​മീ​പ​വാ​സി​ക​ളാ​ണ്. ഗു​രു​ത​ര​മാ​യി പ​രി​ക്കേ​റ്റ​വ​രെ ഓ​ട്ടോ​റി​ക്ഷ​യി​ൽ ക​യ​റ്റി​യാ​ൽ കൂ​ടു​ത​ൽ അ​പ​ക​ട​ക​ര​മാ​കു​മെ​ന്ന​തി​നാ​ൽ ഇ​വി​ടെ കൂ​ടി​യ​വ​ർത​ന്നെ​യാ​ണ് ആം​ബു​ല​ൻ​സ് വി​ളി​ച്ചു​വ​രു​ത്തി​യ​ത്.

നാ​ട്ടു​കാ​രു​ടെ നേ​തൃ​ത്വ​ത്തി​ലാ​ണ് ആം​ബു​ല​ൻ​സി​ൽ ക​യ​റ്റി കാ​ഞ്ഞി​ര​പ്പ​ള്ളി ജ​ന​റ​ൽ ആ​ശു​പ​ത്രി​യി​ൽ എ​ത്തി​ച്ച​തും. പി​ന്നീ​ട് പ്ര​ഥ​മ​ശു​ശ്രൂ​ഷ ന​ൽ​കി പാ​ലാ​യി​ലെ സ്വ​കാ​ര്യാ​ശു​പ​ത്രി​യി​ലേ​ക്കു കൊ​ണ്ടു​പോ​യി.

അ​പ​ക​ട​സ​മ​യ​ത്തെ​ടു​ത്ത ഫോ​ട്ടോ​യി​ൽ എ​ഐ മാ​റ്റം​വ​രു​ത്തി ചി​ല​ർ മൊ​ബൈ​ലി​ൽ ചി​ത്ര​മെ​ടു​ക്കു​ന്ന​താ​യ ഫോ​ട്ടോ​യാ​ണ് വാ​ർ​ത്ത​യ്ക്കൊ​പ്പം ചേ​ർ​ത്ത​ത്. ചി​റ​ക്ക​ട​വ് അ​മ്പ​ലം ക​വ​ല​യി​ലെ ആ​ൾ​ക്കാ​ർ അ​പ​ക​ട​സ്ഥ​ല​ത്ത് ഇ​ത്ത​ര​ത്തി​ൽ ചെ​യ്യു​ന്ന​വ​രാ​ണെ​ന്ന് തെ​റ്റി​ദ്ധാ​ര​ണ​യു​ണ്ടാ​ക്കി​യെ​ന്നും പ്ര​തി​ഷേ​ധ​ക്കാ​ർ പ​റ​യു​ന്നു. തെ​റ്റാ​യ വാ​ർ​ത്ത പി​ന്നീ​ട് പേ​ജി​ൽ നി​ന്ന് പി​ൻ​വ​ലി​ച്ചു

Tags : fake news NattuVishasham DistrictNews