10

റോ​പ്പ് വേയു​ടെ പ്രാ​രം​ഭ പ​രി​ശോ​ധ​ന തു​ട​ങ്ങി

മു​ഹ​മ്മ: കാ​യി​പ്പു​റം നി​വാ​സി​ക​ൾ പ്ര​തീ​ക്ഷ​യു​ടെ പൂ​വാ​ടി​യി​ലാ​ണ്. ലോ​കോ​ത്ത​ര ടൂ​റി​സ്റ്റ് കേ​ന്ദ്ര​മാ​യി പാ​തി​രാ​മ​ണ​ൽ ദ്വീ​പി​നെ മാ​റ്റു​ന്ന​തി​നാ​യി ന​ട​പ്പാ​ക്കു​ന്ന റോ​പ്പ് വേ​യു​ടെ​യും ഇ​ക്കോ ടൂ​റി​സം പ​ദ്ധ​തി​യു​ടെ​യും സ​ർ​വേ ന​ട​പ​ടി​ക​ൾ ആ​രം​ഭി​ച്ചു. ദ്വീ​പി​ന്‍റെ മു​ഖ്യ​പ്ര​വേ​ശ​ന ക​വാ​ട​മാ​യ കാ​യി​പ്പു​റം ജെ​ട്ടി​യി​ലും ദ്വീ​പി​ലും കാ​യ​ൽ പ്ര​ദേ​ശ​ങ്ങ​ളി​ലും വി​ദ​ഗ്ദ സം​ഘം സ​ന്ദ​ർ​ശ​നം ന​ട​ത്തി.

സാ​മ്പ​ത്തിക ഉ​ന്ന​മ​ന​ത്തി​നൊ​പ്പം തൊ​ഴി​ൽസാ​ധ്യ​ത​ക​ളു​ടെ വ​ലി​യ വാ​താ​യ​ന​ങ്ങ​ൾകൂ​ടി നാ​ടി​ന് സ​മ്മാ​നി​ക്കു​ന്ന പ​ദ്ധ​തി​ക്കാ​​ണ് പാ​തി​രാ​മ​ണ​ൽ അ​ണി​ഞ്ഞൊ​രു​ങ്ങു​ന്ന​ത്. കു​ട്ട​നാ​ട് ബാ​ക്ക് വാ​ട്ട​ർ ടൂ​റി​സം പ​ദ്ധ​തി​യു​ടെ ഭാ​ഗ​മാ​യി ആ​ല​പ്പു​ഴ​യി​ൽനി​ന്നു​ള്ള ടൂ​റി​സ്റ്റ് ബോ​ട്ടു​ക​ൾ നി​റ​യെ യാ​ത്ര​ക്കാ​രു​മാ​യാ​ണ് ദി​വ​സേ​ന ദ്വീ​പി​ൽ എ​ത്തു​ന്ന​ത്. മു​ഹ​മ്മ പ​ഞ്ചാ​യ​ത്തി​ന്‍റെ വ​രു​മാ​ന​ത്തി​ൽ വ​ൻ കു​തി​ച്ചുചാ​ട്ടം സൃ​ഷ്ടി​ക്കാ​ൻ പ​ര്യാ​പ്ത​മാ​യ പ​ദ്ധ​തി​യാ​ണി​ത്.
ദ്വീ​പി​ലേ​ക്ക് ഏ​റ്റ​വും എ​ളു​പ്പ​ത്തി​ൽ എ​ത്തി​ച്ചേ​രാ​ൻ ക​ഴി​യു​ന്ന പ്ര​ദേ​ശ​മാ​ണ് കാ​യി​പ്പു​റം ബോ​ട്ടു​ജെ​ട്ടി.

കാ​യി​പ്പു​റ​ത്തു നി​ന്ന് ഒ​രു കി​ലോ​മീ​റ്റ​ർ അ​ക​ലം മാ​ത്ര​മേ പാ​തി​രാ​മ​ണ​ൽ ദ്വീ​പി​ലേ​ക്കു​ള്ളൂ. മു​ഖ്യ​മ​ന്ത്രി വി.​ഡി. സ​തീ​ശ​ൻ ദ്വീപിന്‍റെ വി​ക​സ​ന സാ​ധ്യ​ത​ക​ൾ മ​ന​സി​ലാ​ക്കാ​ൻ ഇവിടെ സ​ന്ദ​ർ​ശ​നം ന​ട​ത്തി​യി​ട്ടു​ണ്ട്. 2012ൽ ​അ​ഞ്ച് എം​എ​ൽ​എ മാ​രു​മാ​യി എ​ത്തി​യ അ​ദ്ദേ​ഹം കാ​യി​പ്പു​റം ബോ​ട്ടു​ജെ​ട്ടി​യി​ൽനി​ന്ന് പ്ര​ത്യേ​ക ബോ​ട്ടി​ലാ​ണ് ദ്വീ​പി​ലെ​ത്തി​യ​ത്. കാ​യി​പ്പു​റം സൗ​ഹൃ​ദവേ​ദി വാ​യ​ന​ശാ​ല​യി​ൽ കു​ട്ടി​ക​ളു​മാ​യി ന​ട​ത്തി​യ സം​വാ​ദ​ത്തി​ലും പാ​തി​രാ​മ​ണ​ൽ ദ്വീ​പ് വി​ക​സ​ന​ത്തി​ന്‍റെ പ്രാ​ധാ​ന്യം സ​തീ​ശ​ൻ എ​ടു​ത്ത് പ​റ​ഞ്ഞി​രി​ന്നു.

ആ​ല​പ്പു​ഴ, കോ​ട്ട​യം, എ​റ​ണാ​കു​ളം മേ​ഖ​ല​ക​ളി​ൽനി​ന്നു​ള്ള ടൂ​റി​സ്റ്റു​ക​ൾ​ക്ക് എ​ളു​പ്പ​ത്തി​ൽ എ​ത്തി​ച്ചേ​രാ​ൻ ക​ഴി​യു​മെ​ന്ന​തും കാ​യി​പ്പു​റ​ത്തി​ന്‍റെ മെ​ച്ച​മാ​ണ്. കാ​യി​പ്പു​റം ജം​ഗ്ഷ​നി​ൽനി​ന്ന് ജെ​ട്ടിവ​രെ ദേ​ശീ​യ​പാ​തപോ​ലെ വീ​തി​യേ​റി​യ റോ​ഡാ​ണുള്ള​ത്. ഇ​ത് വാ​ഹ​ന ഗ​താ​ഗ​തം സു​ഗ​മ​മാ​ക്കും. വാ​ഹ​ന പാ​ർ​ക്കിം​ഗ് സൗ​ക​ര്യ​വും ക​യി​പ്പു​റം ജെ​ട്ടി​യി​ലു​ണ്ട്.
പാ​തി​രാ​മ​ണ​ൽ ദ്വീ​പു​മാ​യി ബ​ന്ധ​പ്പെ​ട്ട് ക​ഴി​ഞ്ഞി​ടെ ന​ട​പ്പാ​ക്കി​യ കു​ട്ട​നാ​ട് സ​ഫാ​രി, ആം​ഫി തി​യേ​റ്റ​ർ, സോ​ളാ​ർ ബോ​ട്ട് എ​ന്നി​വ ടൂ​റി​സ്റ്റു​ക​ളു​ടെ എ​ണ്ണ​ത്തി​ൽ ഗ​ണ്യ​മാ​യ വ​ർ​ധ​ന​ സൃ​ഷ്ടി​ച്ചി​ട്ടു​ണ്ട്.​ടൂ​റി​സ​ത്തിന്‍റെ അ​പാ​ര​സാ​ധ്യ​ത​ക​ൾ ഒ​ളി​ഞ്ഞു കി​ട​ക്കു​ന്ന ദ്വീ​പാ​ണ് പാ​തി​രാ​മ​ണ​ൽ.

ബോ​ട്ട് നി​റ​യെ എ​ത്തു​ന്ന സ​ഞ്ചാ​രി​ക​ൾ മ​നം നി​റ​ഞ്ഞാ​ണ് ദ്വീ​പി​ൽ നി​ന്ന് മ​ട​ങ്ങു​ന്ന​ത്. കു​ട്ടി​ക​ളു​ടെ പാ​ർ​ക്ക്, ഏ​റു​മാ​ട​ങ്ങ​ൾ, ന​ട​വ​ഴി​ക​ൾ, വ​ള്ളിയൂ​ഞ്ഞാ​ലു​ക​ൾ, വി​ശ്ര​മ വാ​ടി​ക​ൾ, നാ​ട​ൻ ഭ​ക്ഷ​ണശാ​ല​ക​ൾ എ​ന്നി​വ​യെ​ല്ലാം സ​ഞ്ചാ​രി​ക​ളെ ആ​ക​ർ​ഷി​ക്കു​ന്നു. വി​നോ​ദം പ​ക​ർ​ന്നുന​ൽ​കു​ന്ന വി​വി​ധ ക​ലാരൂപങ്ങ​ളാ​ണ് ദ്വീ​പി​ലെ ആം​ഫി തി​യേ​റ്റ​റി​ൽ അ​ര​ങ്ങേ​റു​ന്ന​ത്. ഓ​ല​മേ​യ​ൽ, ക​യ​ർ പി​രി​ത്തം, ഓ​ലപ​ന്ത് നി​ർ​മാ​ണം, നാ​ട​ൻപാ​ട്ടു​ക​ളു​ടെ അ​വ​ത​ര​ണം, പു​തു​മ നി​റ​ഞ്ഞ ക​ലാ​രൂ​പ​ങ്ങ​ൾ, പ​ര​മ്പ​രാ​ഗ​ത മ​ത്സ്യബ​ന്ധ​ന രീ​തി​ക​ൾ എ​ന്നി​വ​യും സ​ഞ്ചാ​രി​ക​ളെ ആ​ക​ർ​ഷി​ക്കു​ന്നു.

Tags : Nattuvishesham District News