കൽപ്പറ്റ: ആദിവാസി സമൂഹത്തിന്റെ വിദ്യാഭ്യാസ പുരോഗതിക്ക് ഒന്പത് വർഷമായി സേവനം ചെയ്യുന്ന 211 മെന്റർ ടീച്ചർമാരെ പിരിച്ചുവിട്ട നടപടി പിൻവലിക്കണമെന്ന് രാഷ്ട്രീയ യുവജനതാദൾ ജില്ലാ കമ്മിറ്റി സർക്കാരിനോട് ആവശ്യപ്പെട്ടു.
ആദിവാസി വിഭാഗങ്ങളിൽനിന്നുള്ളവരാണ് തൊഴിൽ നഷ്ടമായ മെന്റർ ടീച്ചർമാർ. ആദിവാസി കുട്ടികൾ വിദ്യാലയങ്ങളിൽനിന്നു കൊഴിയുന്നത് തടയുന്നതിനും പഠന പിന്തുണ നൽകുന്നതിനും 2017ലാണ് മെന്റർ അധ്യാപകരെ നിയമിച്ചത്. വയനാട്, പാലക്കാട്, ഇടുക്കി ജില്ലകളിൽ 297 പേർക്കാണ് നിയമനം നൽകിയത്. മെന്റർ ടീച്ചർ നിയമനം ആദിവാസി വിദ്യാർഥികൾക്ക് അവരുടെ ഭാഷയിൽ പഠിക്കാൻ അവസരം ഒരുക്കി. കൊഴിഞ്ഞുപോക്ക് ഗണ്യമായി കുറഞ്ഞു.
നിരവധി കുട്ടികളെ സ്കൂളുകളിൽ എത്തിക്കാനും മെന്റർ ടീച്ചർമാർക്ക് കഴിഞ്ഞതായി യോഗം ചൂണ്ടിക്കാട്ടി. പ്രസിഡന്റ് പി.പി. ഷൈജൽ അധ്യക്ഷത വഹിച്ചു. കെ.ടി. ഹാഷിം, അജ്മൽ സാജിദ്, റിഷാബ് ശ്രേയാംസ്കുമാർ, പി.ജെ. ജോമിഷ്, ഷൈജൽ കൈപ്പ, ദൃശ്യ ശ്രീകാന്ത്, സനീഷ് സൈമണ് പുൽപ്പള്ളി എന്നിവർ പ്രസംഗിച്ചു.
കൽപ്പറ്റ: മെന്റർ ടീച്ചർമാരെ പിരിച്ചുവിട്ടത് പുനഃപരിശോധിക്കണമെന്ന് കെഎസ്കെടിയു ജില്ലാ പ്രവർത്തക യോഗം സർക്കാരിനോട് ആവശ്യപ്പെട്ടു. സംസ്ഥാന ജോയിന്റ് സെക്രട്ടറി കെ.കെ. ദിനേശൻ ഉദ്ഘാടനം ചെയ്തു. ജില്ലാ പ്രസിഡന്റ് കെ. ഷമീർ അധ്യക്ഷത വഹിച്ചു. ജില്ലാ സെക്രട്ടറി സുരേഷ് താളൂർ, സി.കെ. ശശീന്ദ്രൻ, എം.ഡി. സെബാസ്റ്റ്യൻ, ബീന രതീഷ്, വി.വി. രാജൻ, വി. ബാവ എന്നിവർ പ്രസംഗിച്ചു.
Tags : Local News Nattuvishesham Wayanad