1

ച​ങ്ങ​നാ​ശേ​രി: തു​രു​ത്തി-​മു​ള​യ്ക്കാം​തു​രു​ത്തി-​വാ​ല​ടി റോ​ഡ് നി​ര്‍​മാ​ണ​ത്തി​ന്‍റെ ഭാ​ഗ​മാ​യി ക​ലു​ങ്കു​ക​ളു​ടെ നി​ര്‍​മാ​ണം പൂ​ര്‍​ത്തി​യാ​യി​ട്ടും കെ​എ​സ്ആ​ര്‍​ടി​സി ബ​സ് സ​ര്‍​വീ​സ് പു​ന​രാ​രം​ഭി​ച്ചി​ല്ല. പ്ര​ദേ​ശ​ത്ത് യാ​ത്രാ​ക്ലേ​ശം അ​തി​രൂ​ക്ഷം. വാ​ല​ടി ഒ​ന്നാം​ക​ലു​ങ്കി​ന്‍റെ നി​ര്‍​മാ​ണ​വു​മാ​യി ബ​ന്ധ​പ്പെ​ട്ടാ​ണ് ഈ ​റൂ​ട്ടി​ലെ ഗ​താ​ഗ​തം കെ​എ​സ്ടി​പി ര​ണ്ടു​മാ​സം​മു​മ്പ് നി​രോ​ധി​ച്ച​ത്. ക​ലു​ങ്ക് നി​ര്‍​മാ​ണം പൂ​ര്‍​ത്തി​യാ​ക്കി റോ​ഡ് തു​റ​ന്ന് മ​റ്റെ​ല്ലാ വാ​ഹ​ന​ങ്ങ​ളും ഓ​ടു​ന്നു​ണ്ടെ​ങ്കി​ലും കെ​എ​സ്ആ​ര്‍​ടി​സി ബ​സു​ക​ള്‍ ഓ​ടാ​ന്‍ തു​ട​ങ്ങി​യി​ട്ടി​ല്ല.
കെ​എ​സ്ആ​ര്‍​ടി​സി ബ​സു​ക​ളെ മാ​ത്രം ആ​ശ്ര​യി​ച്ച് യാ​ത്ര ചെ​യ്യു​ന്ന തോ​ട്ടു​ങ്ക​ൽ, സെ​ന്‍റ് ജൂ​ഡ് പ​ള്ളി, സെ​ന്‍റ് ജൂ​ഡ് ആ​ശു​പ​ത്രി, ശാ​സ്താ​ങ്ക​ല്‍ ക്ഷേ​ത്രം, മു​ള​യ്ക്കാം​തു​രു​ത്തി, ക​ട​മ്പാ​ടം ബ​ണ്ട്, അ​മ്പ​ല​ത്തി​നാ​ടി​ചി​റ ഭാ​ഗ​ങ്ങ​ളി​ലു​ള്ള വി​ദ്യാ​ര്‍​ഥി​ക​ൾ, വി​വി​ധ സ്ഥ​ല​ങ്ങ​ളി​ലും സ്ഥാ​പ​ന​ങ്ങ​ളി​ലും ജോ​ലി​ക്കു​പോ​കു​ന്ന ഉ​ദ്യോ​ഗ​സ്ഥ​ർ, ക​ര്‍​ഷ​ക തൊ​ഴി​ലാ​ളി​ക​ള്‍ തു​ട​ങ്ങി​യ നൂ​റു​ക​ണ​ക്കി​നു യാ​ത്ര​ക്കാ​രാ​ണ് ബ​സ് സ​ര്‍​വീ​സ് ഇ​ല്ലാ​ത്ത​തു​മൂ​ലം ദു​രി​ത​പ്പെ​ടു​ന്ന​ത്.
ടി​പ്പ​റു​ക​ൾ, സ്‌​കൂ​ള്‍ ബ​സു​ക​ള്‍, ഓ​ട്ടോ​ക​ൾ, ടൂ​റി​സ്റ്റ്ബ​സു​ക​ള്‍ തു​ട​ങ്ങി​യ​ വാ​ഹ​ന​ങ്ങ​ളൊ​ക്കെ ഈ ​റൂ​ട്ടി​ല്‍ സ​ഞ്ച​രി​ക്കു​ന്നു​ണ്ട്. എ​ന്നാ​ല്‍ കെ​എ​സ്ആ​ര്‍​ടി​സി ബ​സ് സ​ര്‍​വീ​സു​ക​ള്‍ ആ​രം​ഭി​ക്കാ​ന്‍ എ​ന്തു ത​ട​സ​മാ​ണെ​ന്ന ചോ​ദ്യ​മാ​ണ് നാ​ട്ടു​കാ​ര്‍ ഉ​യ​ര്‍​ത്തു​ന്ന​ത്.
തു​രു​ത്തി-​മു​ള​യ്ക്കാം​തു​രു​ത്തി റോ​ഡി​ന്‍റെ ഡി​ജി​ബി​എം ടാ​റിം​ഗ് നേ​ര​ത്തേപൂ​ര്‍​ത്തി​യാ​യി​രു​ന്നു. ഇ​ത്ര​യും ഭാ​ഗ​ത്ത് വൈ​ദ്യു​തി പോ​സ്റ്റു​ക​ള്‍ മാ​റ്റു​ന്ന ജോ​ലി​ക​ളും ന​ട​ന്നു​വ​രി​ക​യാ​ണ്. മു​ള​യ്ക്കാം​തു​രു​ത്തി മു​ത​ല്‍ വാ​ല​ടി- കി​ട​ങ്ങ​റ​വ​രെ റോ​ഡ് നി​ര്‍​മാ​ണ ജോ​ലി​ക​ള്‍ പു​രോ​ഗ​മി​ക്കു​ക​യാ​ണ്.

ബ​സു​ക​ള്‍ ഓ​ടു​ന്ന​ത് പ​റാ​ൽ-കു​മ​ര​ങ്ക​രി- വാ​ല​ടി​വ​ഴി
വാ​ല​ടി ഒ​ന്നാം​ക​ലു​ങ്ക് അ​ട​ച്ച​തി​നെ തു​ട​ര്‍​ന്ന് ച​ങ്ങ​നാ​ശേ​രി​യി​ല്‍ നി​ന്നു​ള്ള നാ​ല് ബ​സു​ക​ള്‍ എ​ട്ട് ട്രി​പ്പ് വീ​തം ച​ങ്ങ​നാ​ശേ​രി മാ​ര്‍​ക്ക​റ്റ്, പ​റാ​ൽ, കു​മ​ര​ങ്ക​രി, വാ​ല​ടി​വ​ഴി കൃ​ഷ്ണ​പു​രം കാ​വാ​ലം റൂ​ട്ടി​ലാ​ണ് ക​ഴി​ഞ്ഞ ര​ണ്ട് മാ​സ​ക്കാ​ല​മാ​യി സ​ര്‍​വീ​സ് ന​ട​ത്തു​ന്ന​ത്.
വാ​ഹ​ന​ത്തി​ര​ക്കു​ള്ള ച​ങ്ങ​നാ​ശേ​രി മാ​ര്‍​ക്ക​റ്റി​ലൂ​ടെ ബ​സു​ക​ള്‍ സ​ഞ്ച​രി​ക്കു​ന്ന​ത് ഗ​താ​ഗ​ത​ക്കു​രു​ക്കി​നും സ​മ​യ​ന​ഷ്‌​ട​ത്തി​നു​മി​ട​യാ​ക്കു​ന്നു​ണ്ട്. മു​ള​യ്ക്കാം​തു​രു​ത്തി-​തു​രു​ത്തി​വ​ഴി ബ​സ് സ​ര്‍​വീ​സ് ഇ​ല്ലാ​ത്ത​തു​മൂ​ലം കാ​വാ​ലം, വാ​ല​ടി ഭാ​ഗ​ങ്ങ​ളി​ല്‍​നി​ന്നും കോ​ട്ട​യ​ത്തേ​ക്കു പോ​കേ​ണ്ട യാ​ത്ര​ക്കാ​ര്‍ ച​ങ്ങ​നാ​ശേ​രി​യി​ല്‍ എ​ത്തി​യ​ശേ​ഷ​മാ​ണ് കോ​ട്ട​യ​ത്തേ​ക്കു പോ​കു​ന്ന​ത്.
ച​ങ്ങ​നാ​ശേ​രി​യി​ല്‍നി​ന്നു രാ​വി​ലെ​യും വൈ​കു​ന്നേ​ര​ങ്ങ​ളി​ലും ഓ​രോ ട്രി​പ്പ് ബ​സ് മു​ള​യ്ക്കാം​തു​രു​ത്തി​വ​രെ സ​ര്‍​വീ​സ് ന​ട​ത്തു​ന്നു​ണ്ട്. ഈ ​സ​ര്‍​വീ​സു​ക​ള്‍ യാ​ത്രാ​ദു​രി​ത​ത്തി​നു പ​രി​ഹാ​ര​മാ​കു​ന്നി​ല്ല.
കോ​ട്ട​യം ഡി​പ്പോ​യി​ല്‍നി​ന്നും രാ​വി​ലെ​യും വൈ​കു​ന്നേ​ര​ങ്ങ​ളി​ലും തു​രു​ത്തി-മു​ള​യ്ക്കാം​തു​രു​ത്തി​വ​ഴി കാ​വാ​ല​ത്തേ​ക്ക് ബ​സ് സ​ര്‍​വീ​സ് ന​ട​ത്തി​യി​രു​ന്നു. റോ​ഡ് നി​ര്‍​മാ​ണ​ത്തെ തു​ട​ര്‍​ന്ന് നി​ര്‍​ത്തിവ​ച്ചി​രി​ക്കു​ക​യാ​ണ്. പൊ​തു​മ​രാ​മ​ത്ത് വ​കു​പ്പി​ന്‍റെ നി​ർ​ദേ​ശ​പ്ര​കാ​ര​മാ​ണ് കെ​എ​സ്ആ​ർ​ടി​സി ബ​സു​ക​ൾ സ​ർ​വീ​സ് നി​ർ​ത്തി​വ​ച്ച​ത്. പൊ​തു​മ​രാ​മ​ത്ത് വ​കു​പ്പ് അ​നു​മ​തി ന​ൽ​കി​യാ​ൽ ഉ​ട​ൻ ബ​സ് സ​ർ​വീ​സ് ആ​രം​ഭി​ക്കും എന്നാണ് കെഎസ് ആർടി സിയുടെ വിശദീകരണം.
ച​ങ്ങ​നാ​ശേ​രി​യി​ലനിന്നും രാ​ത്രി 9.30ന് ​കാ​വാ​ല​ത്തേ​ക്ക് സ​ര്‍​വീ​സ് ന​ട​ത്തി​യി​രു​ന്ന സ്റ്റേ​ബ​സും കോ​വി​ഡി​നു​ശേ​ഷം ഓ​ടു​ന്നി​ല്ല. ഈ ​സ​ര്‍​വീ​സു​ക​ളും പു​ന​രാ​രം​ഭി​ക്ക​ണ​മെ​ന്ന ആ​വ​ശ്യ​വു​മാ​യി നാ​ട്ടു​കാ​ര്‍ രം​ഗ​ത്തെ​ത്തി​യി​ട്ടു​ണ്ട്.

Tags : Nattuvishesham Districte News