12

ലോ​ക​ത്തി​ലെ വി​സ്മ​യ​ നി​ർ​മി​തി​ക​ളി​ലൊ​ന്നാ​യ ഗി​സ​യി​ലെ ഗ്രേറ്റ് പി​ര​മി​ഡുമായി ബന്ധപ്പെട്ട് അദ്ഭുതപ്പെടുത്തുന്ന പഠന റിപ്പോർട്ടുമായി സ്വതന്ത്ര ഗവേഷകൻ സെഫി ലെവി. സോഷ്യൽ സയൻസ് റിസെർച്ച് നെറ്റ്‌വർക്ക് എന്ന ഓൺലൈൻ പ്ലാറ്റ്ഫോമിലാണ് ഇതുമായി ബന്ധപ്പെട്ട ഗവേഷണ റിപ്പോർട്ട് ലെവി പ്രസിദ്ധീകരിച്ചത്.

ച​ന്ദ്ര​ന്‍റെ​യും ന​ക്ഷ​ത്ര​ങ്ങ​ളു​ടെ​യും വി​വി​ധ ഗ്ര​ഹ​ങ്ങ​ളു​ടെ​യും ച​ല​ന​ങ്ങ​ളു​മാ​യി ബ​ന്ധ​പ്പെ​ട്ട ഗണിത രഹസ്യങ്ങൾ പി​ര​മി​ഡി​ന്‍റെ അ​ള​വു​ക​ളി​ൽ ഒ​ളി​ഞ്ഞി​രി​പ്പു​ണ്ടെ​ന്നാ​ണ് സ്വ​ത​ന്ത്ര ഗ​വേ​ഷ​ക​നാ​യ സെ​ഫി ലെ​വി​യു​ടെ അ​വ​കാ​ശ​വാ​ദം. പി​ര​മി​ഡി​ന്‍റെ ഉ​യ​രം, അ​ടി​ത്ത​റ​യു​ടെ വി​സ്തൃ​തി, ച​രി​ഞ്ഞ വ​ശ​ങ്ങ​ളു​ടെ അ​ള​വു​ക​ൾ തു​ട​ങ്ങി​യ​വ​യെ പു​രാ​ത​ന ഈ​ജി​പ്ഷ്യ​ൻ ഗ​ണി​ത​രീ​തി​ക​ൾ ഉ​പ​യോ​ഗി​ച്ച് വി​ശ​ക​ല​നം ചെ​യ്ത​പ്പോ​ഴാ​ണു വി​സ്മ​യി​പ്പി​ക്കു​ന്ന ചി​ല 'ന്യൂമെറിക്കൽ പാറ്റേൺ' ക​ണ്ടെ​ത്തി​യ​തെ​ന്ന് ലെ​വി വിശദമാക്കുന്നു.

ഈ ​അ​ള​വു​ക​ളി​ൽനിന്നു ല​ഭി​ച്ച ചി​ല സം​ഖ്യ​ക​ൾ​ക്കു പ്ര​പ​ഞ്ച​ത്തി​ലെ 'അസ്ട്രോണമിക്കൽ സൈക്കി'ളുമായി സാ​മ്യ​ത​യു​ണ്ട്. ഉ​ദാ​ഹ​ര​ണ​ത്തി​ന്, ഒ​രു പ്ര​ത്യേ​ക ക​ണ​ക്കു​കൂ​ട്ട​ലി​ലൂ​ടെ ല​ഭി​ച്ച 27.5 എ​ന്ന സം​ഖ്യ, ച​ന്ദ്ര​ൻ ഭൂ​മി​യോ​ട് ഏ​റ്റ​വും അ​ടു​ത്തുവരുന്ന അ​വ​സ്ഥ​യാ​യ 'ലൂ​ണാ​ർ പെ​രി​ജി' ത​മ്മി​ലു​ള്ള 27.55 ദി​വ​സ​ങ്ങ​ളു​ടെ ഇ​ട​വേ​ള​യെ സൂ​ചി​പ്പി​ക്കു​ന്ന​താ​ണെ​ന്നു ലെവി വാ​ദി​ക്കു​ന്നു.

മ​റ്റൊ​രു ക​ണ​ക്കു​കൂ​ട്ട​ലി​ലൂ​ടെ ല​ഭി​ച്ച 70 എ​ന്ന സം​ഖ്യ, സൂ​ര്യ​ന്‍റെ തീ​ക്ഷ്ണ​മാ​യ വെ​ളി​ച്ചം കാ​ര​ണം 'സി​റി​യ​സ്' എ​ന്ന ന​ക്ഷ​ത്രം ആ​കാ​ശ​ത്തു ദൃ​ശ്യ​മാ​കാ​തി​രി​ക്കു​ന്ന ഏ​ക​ദേ​ശം 70 ദി​വ​സ​ത്തെ കാ​ല​യ​ള​വു​മാ​യി ചേ​ർ​ന്നു​പോ​കു​ന്ന​താ​ണ്. കൂ​ടാ​തെ വ്യാ​ഴം, ശ​നി, ശു​ക്ര​ൻ, ചൊ​വ്വ എ​ന്നീ ഗ്ര​ഹ​ങ്ങ​ളു​ടെ സ​ഞ്ചാ​ര​പാ​ത​ക​ളും പൈ, ​ഗോ​ൾ​ഡ​ൻ റേ​ഷ്യോ തു​ട​ങ്ങി​യ ഗ​ണി​ത​ശാ​സ്ത്ര കോൺസ്റ്റൻസും ഈ ​അ​ള​വു​ക​ളി​ൽ പ്ര​തി​ഫ​ലി​ക്കു​ന്നു​ണ്ടെ​ന്നും അ​ദ്ദേ​ഹം അ​വ​കാ​ശ​പ്പെ​ടു​ന്നു.

​ഗ​ണി​ത പാ​റ്റേ​ണു​ക​ൾ വെ​റു​മൊ​രു ആ​ക​സ്മി​ക​ത മാ​ത്ര​മാ​ണോ എ​ന്നു പ​രി​ശോ​ധി​ക്കാ​ൻ ലെ​വി ഒ​രു ല​ക്ഷം കം​പ്യൂ​ട്ട​ർ നി​ർ​മി​ത പി​ര​മി​ഡ് മാ​തൃ​ക​ക​ളു​മാ​യി മ​ഹ​ത്താ​യ പി​ര​മി​ഡി​ന്‍റെ അ​ള​വു​ക​ൾ താ​ര​ത​മ്യം ചെ​യ്തു. ഇ​തി​ൽ വെ​റും 2.4 ശ​ത​മാ​നം മാ​തൃ​ക​ക​ളി​ൽ മാ​ത്ര​മാ​ണു സ​മാ​ന​മാ​യ ജ്യോ​തി​ശാ​സ്ത്ര പാ​റ്റേ​ണു​ക​ൾ കാ​ണാ​ൻ ക​ഴി​ഞ്ഞ​ത്. അ​തി​നാ​ൽ, പു​രാ​ത​ന ഈ​ജി​പ്തു​കാ​ർ ത​ങ്ങ​ളു​ടെ ഗ​ണി​ത-​ജ്യോ​തി​ശാ​സ്ത്ര വി​ജ്ഞാ​നം ഭാ​വി ത​ല​മു​റയ്ക്കായി ശാ​ശ്വ​ത​മാ​യി രേ​ഖ​പ്പെ​ടു​ത്തി വയ്ക്കാൻ ബോധപൂർവം ഈ ​വി​ധ​ത്തി​ൽ പി​ര​മി​ഡ് രൂ​പ​ക​ൽ​പ​ന ചെ​യ്ത​താ​കാം എ​ന്നാ​ണു ഗവേഷകന്‍റെ നി​ഗ​മ​നം. പ്രപഞ്ചസൃഷ്ടിയുമായി ബന്ധപ്പെട്ട് ഈ​ജി​പ്ഷ്യ​ൻ പ​രാ​മ​ർ​ശ​ങ്ങ​ളി​ലെ 'ബെ​ൻ​ബെ​ൻ' എ​ന്ന ആ​ദി​മ കു​ന്ന് സ​ങ്ക​ൽ​പ​വു​മാ​യും ഇ​തി​നു ബ​ന്ധ​മു​ണ്ടാ​യേ​ക്കാമെന്നും ലെവി പറയുന്നു.

ഏ​ക​ദേ​ശം 4,500 വ​ർ​ഷ​ങ്ങ​ൾ​ക്കു മുമ്പ് ഖു​ഫു ഫ​റ​വോ​യു​ടെ ഭ​ര​ണ​കാ​ല​ത്തു നി​ർ​മി​ക്ക​പ്പെ​ട്ട ഈ ​പി​ര​മി​ഡ് ശ​വ​കു​ടീ​ര സ​മു​ച്ച​യ​ത്തി​ന്‍റെ ഭാ​ഗ​മാ​യാ​ണു പാ​ര​മ്പ​ര്യ​മാ​യി വി​ല​യി​രു​ത്ത​പ്പെ​ടു​ന്ന​ത്. ലെ​വി​യു​ടെ ​പു​തി​യ ക​ണ്ടെ​ത്ത​ലു​ക​ൾ വിദഗ്ധമായി പരിശോധിക്കപ്പെട്ടിട്ടില്ല. മാത്രമല്ല, മുഖ്യ​ധാ​ര ജ്യോ​തി​ശാ​സ്ത്ര​ജ്ഞ​രും പുരാതന ഈജിപ്റ്റിനെക്കുറിച്ചു പഠിക്കുന്ന പുരാവസ്തുഗവേഷകരും ഇതുമായി ബന്ധപ്പെട്ടു പ്രതികരിച്ചിട്ടുമില്ല. വിഷയത്തിൽ തുടർ പഠനങ്ങളുമായി മുന്നോട്ടുപോകുകയാണു ലെവി.

Tags : InternationalNews History Archeology PharaohKhufu GreatPyramidofGiza LunarPerigee Sirius Benben SefyLevy