മസ്കറ്റ്: ഇന്ത്യൻ എംബസിയുടെ പേരിൽ പ്രചരിക്കുന്ന വ്യാജ വാട്സ്ആപ്പ് സന്ദേശത്തെക്കുറിച്ച് മുന്നറിയിപ്പ് നൽകി അധികൃതർ. ഒമാനിലാണ് എംബസിയുടെ പേരും ഔദ്യോഗിക ചിഹ്നങ്ങളും ദുരുപയോഗം ചെയ്തുകൊണ്ടാണ് വ്യാജ സന്ദേശങ്ങൾ പ്രചരിക്കുന്നത്.
സുരക്ഷാ കാരണങ്ങളാൽ മസ്കറ്റിലും സീബിലും പ്രത്യേക ക്യാമ്പുകൾ (Muster Points) സജ്ജീകരിച്ചിട്ടുണ്ടെന്നും യാത്രയ്ക്കായി പാസ്പോർട്ട് വിവരങ്ങൾ നൽകി രജിസ്റ്റർ ചെയ്യണമെന്നുമുള്ള തെറ്റായ വിവരങ്ങളാണ് ഈ സന്ദേശത്തിൽ ഉൾപ്പെടുത്തിയിരിക്കുന്നത്.
ഇത്തരം വ്യാജ സന്ദേശങ്ങൾക്കെതിരെ പ്രവാസികൾ ജാഗ്രത പാലിക്കണമെന്ന് അധികൃതർ അറിയിച്ചു. എംബസിയുടെ സന്ദേശങ്ങൾക്കായി ഔദ്യോഗിക സോഷ്യൽ മീഡിയ പ്ലാറ്റ്ഫോമുകൾ മാത്രമേ ആശ്രയിക്കാവൂ എന്നും ഒമാനിലെ ഇന്ത്യൻ എംബസി അറിയിച്ചു.