22

ടോ​ക്കി​യോ: ഏ​ഴു​വ​യ​സു​കാരനായ മ​ക​നെ ക​ന​ത്ത മ​ഴ​യി​ലും മൂ​ട​ൽ​മ​ഞ്ഞി​ലും ത​നി​ച്ചാ​ക്കി പി​താ​വ് മ​ല​ക​യ​റ്റം തു​ട​ർ​ന്നു. ജ​പ്പാ​നി​ലെ ഏ​റ്റ​വും ഉ​യ​ർ​ന്ന പ​ർ​വ​ത​മാ​യ മൗ​ണ്ട് ഫു​ജി​യി​ലാ​ണ് സം​ഭ​വം. ത​ള​ർ​ച്ച തോ​ന്നി​യ​തി​നെ​ത്തു​ട​ർ​ന്ന് മു​ന്നോ​ട്ടു​പോ​കാ​ൻ ബു​ദ്ധി​മു​ട്ടി​യ കു​ട്ടി​യോ​ട് ഒ​രി​ട​ത്ത് ഇ​രി​ക്കാ​ൻ ആ​വ​ശ്യ​പ്പെ​ട്ട​ശേ​ഷം 48കാ​ര​നാ​യ പി​താ​വ് മൂ​ത്ത​മ​ക​നു​മാ​യി മ​ല​ക​യ​റ്റം തു​ട​രു​ക​യാ​യി​രു​ന്നു.

സ​മു​ദ്ര​നി​ര​പ്പി​ൽ​നി​ന്ന് 2,000 മീ​റ്റ​റി​ല​ധി​കം ഉ​യ​ര​ത്തി​ലു​ള്ള ആ​റാം സ്റ്റേ​ഷ​നു സ​മീ​പ​മു​ള്ള ബെ​ഞ്ചി​ൽ ഒ​രു കൂ​ൾ ഡ്രി​ങ്ക്സും ല​ഘു​ഭ​ക്ഷ​ണ​വു​മാ​യി ഇ​രു​ന്ന് ക​ര​യു​ക​യാ​യി​രു​ന്ന കു​ട്ടി​യെ പ​ർ​വ​ത​ത്തി​ലെ റെ​സ്റ്റ് ഹൗ​സ് ജീ​വ​ന​ക്കാ​രാ​ണു ക​ണ്ട​ത്തി​യ​ത്. ഉ​ട​ൻ​ത​ന്നെ ഇ​വ​ർ പോ​ലീ​സി​ൽ വി​വ​ര​മ​റി​യി​ച്ചു. തു​ട​ർ​ന്നു ന​ട​ത്തി​യ തെ​ര​ച്ചി​ലി​ൽ ഏ​ക​ദേ​ശം മൂ​ന്ന് മ​ണി​ക്കൂ​ർ യാ​ത്രാ​ദൂ​ര​മു​ള്ള എ​ട്ടാം സ്റ്റേ​ഷ​നി​ൽ​നി​ന്നാ​ണ് പി​താ​വി​നെ പോ​ലീ​സ് ക​ണ്ടെ​ത്തി​യ​ത്.

വ്യാ​ഴാ​ഴ്ച രാ​വി​ലെ 7.30 ഓ​ടെ​യാ​ണ് കു​ട്ടി​യെ ക​ണ്ടെ​ത്തി​യ​ത്. പി​ന്നീ​ട് പോ​ലീ​സ് പി​താ​വി​നെ താ​ഴെ​യെ​ത്തി​ച്ച് ശാ​സി​ക്കു​ക​യും ചെ​യ്തു. സം​ഭ​വ​ത്തി​ൽ പി​താ​വ് പോ​ലീ​സി​നോ​ട് മാ​പ്പ് അ​പേ​ക്ഷി​ച്ചു.

അപകടം തുടർക്കഥ

ജപ്പാനിലെ ഏറ്റവും ഉയർന്ന പർവതമായ മൗണ്ട് ഫുജിയിൽ സമീപകാലത്ത് അപകടങ്ങൾ വർധിക്കുന്നുണ്ട്. 3,776 മീറ്റർ ഉയരമുള്ള ഈ സജീവ അഗ്നിപർവതത്തിൽ സാഹസിക മലകയറ്റത്തിന് എത്തുന്ന വിനോദസഞ്ചാരികൾ വൻ സുരക്ഷാഭീഷണിയാണ് നേരിടുന്നത്.

കഴിഞ്ഞ ജൂലൈയിൽ മലകയറ്റത്തിനിടെ വീണു പരിക്കേറ്റ 99 വയസുള്ള വയോധികയെ രക്ഷാസേന അതീവ ഗുരുതരാവസ്ഥയിലാണു താഴെയെത്തിച്ചത്. കൂടാതെ, കഴിഞ്ഞ വർഷം നിരോധിത സീസണിൽ മലകയറിയ 27കാരനായ കോളജ് വിദ്യാർഥിയെ നാലുദിവസത്തിനിടെ രണ്ടു തവണയാണ് രക്ഷപ്പെടുത്തേണ്ടിവന്നത്. ഫോൺ നഷ്‌ടപ്പെട്ടതിനെത്തുടർന്ന് അത് തിരഞ്ഞുപോയതായിരുന്നു വിദ്യാർഥിക്കു വിനയായത്.

ടോക്കിയോയ്ക്ക് തെക്കുപടിഞ്ഞാറായി സ്ഥിതിചെയ്യുന്ന മൗണ്ട് ഫുജിക്ക് 2013ലാണ് യുനെസ്കോ ലോക പൈതൃക പദവി നൽകിയത്. മൗണ്ട് ടാറ്റെ, മൗണ്ട് ഹാകു എന്നിവയ്ക്കൊപ്പം ജപ്പാനിലെ മൂന്ന് പുണ്യപർവതങ്ങളിൽ ഒന്നായാണ് ഇത് അറിയപ്പെടുന്നത്. പ്രതിവർഷം രണ്ടര ലക്ഷത്തോളം ആളുകൾ ഇവിടെ എത്താറുണ്ടെങ്കിലും തിരക്ക് നിയന്ത്രിക്കുന്നതിനായി നിലവിൽ പ്രവേശനത്തിന് പ്രതിദിന നിയന്ത്രണങ്ങൾ ഏർപ്പെടുത്തിയിട്ടുണ്ട്.

Tags : Trekking Abandons Road Climbs MountFuji Deepika DeepikaNewspaper BreakingNews NewsUpdate Headlines CurrentAffairs