22

ഒട്ടാവ: കാനഡയിലെ സിക്ക് ഗുരുദ്വാരയിലുണ്ടായ കത്തിക്കുത്തിൽ രണ്ടു പേർക്ക് പരിക്ക്. അക്രമി അറസ്റ്റിലായി. എഡ്മണ്ടണിലെ നാനാക്സർ ഗുരുദ്വാരയിൽ വെള്ളിയാഴ്ച പുലർച്ചെയായിരുന്നു സംഭവം.

ഗുരുദ്വാരയിലെത്തിയ എക്രമി പ്രാർഥനാ സ്ഥലത്തു കടക്കാൻ ശ്രമിക്കവേ ഇവിടെയുണ്ടായിരുന്നവർ തടയുകയും സംഘർഷമുണ്ടാവുകയുമായിരുന്നു. ഗുരുദ്വാരയുടെ രക്ഷാധികാരികളായ രണ്ടു പേർക്കാണ് കുത്തേറ്റത്. പരിക്ക് ഗുരുതരമല്ലെന്നാണ് റിപ്പോർട്ട്.

27 വയസുള്ള അക്രമിയുടെ പേരുവിവരങ്ങൾ പുറത്തുവിട്ടിട്ടില്ല. 2015 മുതൽ കുറ്റകൃത്യങ്ങളിൽ ഏർപ്പെടുന്നയാളാണ്. ഗുരുദ്വാരയിലെ അക്രമത്തിന്‍റെ തലേന്നാണ് അൽബേർട്ടയിലെ ജയിലിൽനിന്ന് മോചിതനായത്.

കുറ്റകൃത്യത്തിന് വംശീയവിദ്വേഷവുമായി ബന്ധമുണ്ടോ എന്ന് പോലീസ് അന്വേഷിച്ചുവരുന്നു.

Tags : Nanaksar Gurdwara Canada Stabbing