18

ഓ​സ്‌​ലോ: യൂ​റോ​പ്പ് സ​ന്ദ​ർ​ശ​ന​ത്തി​നി​ടെ നോ​ർ​വേ​യി​ൽ​വ​ച്ച് പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യോ​ട് ചോ​ദ്യം ചോ​ദി​ച്ച​തി​ലൂ​ടെ ശ്ര​ദ്ധ നേ​ടി​യ നോ​ർ​വീ​ജി​യ​ൻ മാ​ധ്യ​മ​പ്ര​വ​ർ​ത്ത​ക ഹെ​ല്ല ലി​ങ്ങി​ന്‍റെ ഇ​ൻ​സ്റ്റ​ഗ്രാം, ഫേ​സ്ബു​ക്ക് അ​ക്കൗ​ണ്ടു​ക​ൾ മെ​റ്റ റ​ദ്ദാ​ക്കി. ‌‌അ​ക്കൗ​ണ്ടു​ക​ൾ റ​ദ്ദാ​ക്കി​യ​തി​ന് പി​ന്നി​ലെ കൃ​ത്യ​മാ​യ കാ​ര​ണം മെ​റ്റ വ്യ​ക്ത​മാ​ക്കി​യി​ട്ടി​ല്ല. 

ഒ​സ്‌​ലോ ആ​സ്ഥാ​ന​മാ​യു​ള്ള 'ദാ​ഗ്‌​സാ​വി​സെ​ൻ' എ​ന്ന പ​ത്ര​ത്തി​ലെ മാ​ധ്യ​മ​പ്ര​വ​ര്‍​ത്ത​ക​യാ​ണ് ഹെ​ല്ല. അ​ക്കൗ​ണ്ടു​ക​ൾ റ​ദ്ദാ​ക്കി​യ​തി​ന്‍റെ സ്ക്രീ​ൻ​ഷോ​ട്ടു​ക​ൾ പ​ങ്കു​വെ​ച്ച് "പ​ത്ര​സ്വാ​ത​ന്ത്ര്യ​ത്തി​ന് വേ​ണ്ടി ന​ൽ​കേ​ണ്ടി വ​ന്ന ചെ​റി​യ വി​ല മാ​ത്ര​മാ​ണി​ത്, എ​ന്നാ​ൽ ഇ​തി​ന് മുമ്പ്ഒ​രി​ക്ക​ലും ത​നി​ക്ക് ഇ​ത്ത​രം ഒ​രു ദു​ര​നു​ഭ​വം ഉ​ണ്ടാ​യി​ട്ടി​ല്ലെ​ന്നും അ​വ​ർ വ്യ​ക്ത​മാ​ക്കി.‌ ത​ന്‍റെ അ​ക്കൗ​ണ്ടു​ക​ൾ മെ​റ്റ ഉ​ട​ൻ ത​ന്നെ പു​നഃ​സ്ഥാ​പി​ക്കു​മെ​ന്ന് പ്ര​തീ​ക്ഷി​ക്കു​ന്നെ​ന്നും ഹെ​ല്ല കു​റി​ച്ചു.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും നോ​ർ​വേ പ്ര​ധാ​ന​മ​ന്ത്രി ജൊ​നാ​സ് ഗാ​റും പ​ങ്കെ​ടു​ത്ത സം​യു​ക്ത വാ​ർ​ത്താ​സ​മ്മേ​ള​ന​ത്തി​ലാ​ണ് വി​വാ​ദ​ങ്ങ​ൾ​ക്ക് തു​ട​ക്ക​മാ​യ​ത്. ‘പ്ര​ധാ​ന​മ​ന്ത്രി മോ​ദി, ലോ​ക​ത്തി​ലെ ഏ​റ്റ​വും സ്വ​ത​ന്ത്ര​മാ​യ മാ​ധ്യ​മ​ങ്ങ​ളു​ടെ ചോ​ദ്യ​ങ്ങ​ൾ​ക്ക് താ​ങ്ക​ൾക്ക് മ​റു​പ​ടി പ​റ​ഞ്ഞു​കൂ​ടെ?’ എ​ന്നാ​യി​രു​ന്നു ഹെ​ല്ല​യു​ടെ ചോ​ദ്യം.

എ​ന്നാ​ൽ ചോ​ദ്യം അ​വ​ഗ​ണി​ച്ച് മോ​ദി ന​ട​ന്നു​നീ​ങ്ങി. മോ​ദി ക​യ​റി​യ ലി​ഫ്റ്റി​നു സ​മീ​പ​വും ചോ​ദ്യ​വു​മാ​യി ഹെ​ല്ല എ​ത്തി​യെ​ങ്കി​ലും സു​ര​ക്ഷാ ഉ​ദ്യോ​ഗ​സ്ഥ​ർ ത​ട​ഞ്ഞു. ഇ​തി​ന്‍റെ വി​ഡി​യോ അ​വ​ർ സ​മൂ​ഹ​മാ​ധ്യ​മ​ങ്ങ​ളി​ൽ പോ​സ്റ്റ് ചെ​യ്ത​തോ​ടെ സം​ഭ​വം വി​വാ​ദ​മാ​യി​രു​ന്നു. പി​ന്നാ​ലെ ഹെ​ല്ല​ക്കെ​തി​രേ ക​ടു​ത്ത സൈ​ബ​ര്‍ ആ​ക്ര​മ​ണം ഉ​യ​ര്‍​ന്നി​രു​ന്നു.‌‌

അ​തേ​സ​മ​യം ഇ​ന്ത്യ​ൻ വി​ദേ​ശ​കാ​ര്യ മ​ന്ത്രാ​ല​യം ഹെ​ല്ല​യെ ഔ​ദ്യോ​ഗി​ക വാ​ർ​ത്താ​സ​മ്മേ​ള​ന​ത്തി​ലേ​ക്ക് ക്ഷ​ണി​ച്ചി​രു​ന്നു. ഇ​ന്ത്യ​യു​ടെ മ​നു​ഷ്യാ​വ​കാ​ശ​ങ്ങ​ളെ കു​റി​ച്ചു​ള്ള ഹെ​ല്ല​യു​ടെ ചോ​ദ്യ​ങ്ങ​ൾ​ക്ക് വി​ദേ​ശ​കാ​ര്യ മ​ന്ത്രാ​ല​യം സെ​ക്ര​ട്ട​റി സി​ബി ജോ​ർ​ജ് മ​റു​പ​ടി​യും ന​ൽ​കി.

Tags : Norwegian journalist modi