31

ലോ​കം ക​ണ്ട​തി​ൽ ഏ​റ്റ​വും വ​ലി​യ പു​രാ​വ​സ്തു ത​ട്ടി​പ്പു​കാ​രി​ലൊ​രാ​ളാ​ണ് മോ​ൻ​സ​ൻ മാ​വു​ങ്ക​ൽ. മോ​ശ​യു​ടെ അം​ശ​വ​ടി, യേ​ശു​ക്രി​സ്തു​വി​നെ ഒ​റ്റി​ക്കൊ​ടു​ക്കാ​ൻ യൂ​ദാ​സി​നു ല​ഭി​ച്ച 30 വെ​ള്ളി​ക്കാ​ശു​ക​ളി​ൽ ര​ണ്ട് എ​ണ്ണം, യേ​ശു​ക്രി​സ്തു​വി​ന്‍റെ ര​ക്തം പു​ര​ണ്ട വ​സ്ത്ര​ത്തി​ന്‍റെ ഭാ​ഗം, മ​ദ​ർ തെ​രേ​സ​യു​ടെ മു​ടി​യി​ഴ, ശ്രീ​കൃ​ഷ്ണ​ന്‍റെ വെ​ണ്ണ​ക്കു​ടം, ടി​പ്പു സു​ൽ​ത്താ​ന്‍റെ സിം​ഹാ​സ​നം, വാ​ളു​ക​ൾ, ശ​ബ​രി​മ​ല ചെ​ന്പോ​ല, മു​ഹ​മ്മ​ദ് ന​ബി​യു​മാ​യി ബ​ന്ധ​പ്പെ​ട്ട വി​ള​ക്ക്, രാ​ജാ ര​വി​വ​ർ​മ​യു​ടെ​യും പി​ക്കാ​സോ​യു​ടെ​യും ഡാ​വി​ഞ്ചി​യു​ടെ​യും യ​ഥാ​ർ​ഥ ചി​ത്ര​ങ്ങ​ൾ, മു​ഗ​ൾ ച​ക്ര​വ​ർ​ത്തി ഔ​റം​ഗ​സേ​ബി​ന്‍റെ മോ​തി​രം തു​ട​ങ്ങി നി​ര​വ​ധി അ​മൂ​ല്യ പു​രാ​വ​സ്തു​ക്ക​ൾ ത​ന്‍റെ പ​ക്ക​ലു​ണ്ടെ​ന്നു വി​ശ്വ​സി​പ്പി​ച്ചാ​യി​രു​ന്നു മോ​ൻ​സ​ന്‍റെ ത​ട്ടി​പ്പ്. കൊ​ച്ചി ക​ലൂ​രി​ലെ വീ​ട് പു​രാവ​സ്തു മ്യൂ​സി​യ​മാ​യി ഇ​യാ​ൾ മാ​റ്റി​യി​രു​ന്നു. രാ​ഷ്‌​ട്രീ​യ​ക്കാ​ർ, സി​നി​മാ​ക്കാ​ർ, ഉ​ന്ന​ത ഉ​ദ്യോ​ഗ​സ്ഥ​ർ തു​ട​ങ്ങി​യ​വ​രു​മാ​യി ഇ‍​യാ​ൾ​ക്ക് അ​ടു​ത്ത​ബ​ന്ധം ഉ​ണ്ടാ​യി​രു​ന്നു.

മോ​ൻ​സ​നെ​പ്പോ​ലെ​യു​ള്ള മ​റ്റൊ​രു ത​ട്ടി​പ്പു​വീ​ര​ന്‍റെ ക​ഥ​കേട്ട്, ആളുകൾ തലയിൽ കൈവച്ചു! യൂ​റോ​പ്യ​ൻ യൂ​ണി​യനെവ​രെ വെ​ട്ടി​ൽ​വീ​ഴ്ത്തി​യ ത​ട്ടി​പ്പ്. ഇ​റ്റ​ലി​യി​ലാ​ണു സം​ഭ​വം. ആം​ഫി തി​യറ്റ​റി​ന്‍റെ മാ​തൃ​ക​യി​ൽ കെ​ട്ടി​ടം നി​ർ​മി​ച്ച്, പ്രാ​ചീ​ന ഗ്രീക്ക് ആം​ഫി തി​യറ്റ​റാ​ണെ​ന്ന് വി​നോ​ദ​സ​ഞ്ചാ​രി​ക​ളെ വി​ശ്വ​സി​പ്പി​ച്ച്, വ​ർ​ഷ​ങ്ങ​ളോ​ളം ത​ട്ടി​പ്പു​ന​ട​ത്തി​യ 69കാ​ര​നാ​യ ഇ​റ്റാ​ലി​യ​ൻ സ്വ​ദേ​ശി ഫ്രാ​ങ്കോ മ​ലോ​സോ നി​സാ​ര​ക്കാ​ര​ന​ല്ല. യു​റോ​പ്യ​ൻ യൂ​ണി​യ​ന്‍റെ ടൂ​റി​സ്റ്റ് ഗൈ​ഡി​ൽ ​വ​രെ ഇ​യാ​ളു​ടെ വ്യാ​ജ തി​യ​റ്റ​ർ ഇ​ടം​പി​ടി​ച്ചി​രു​ന്നു. കോ​ടി​ക​ളാ​ണ് ഇ​ത്ത​ര​ത്തി​ൽ ഇ​യാ​ൾ ത​ട്ടി​യെ​ടു​ത്ത​ത്.

വ​ട​ക്ക​ൻ ഇ​റ്റ​ലി​യി​ലെ വെ​നെ​റ്റോ മേ​ഖ​ല​യി​ലു​ള്ള വി​സെ​ൻ​സ​യ്ക്കു സ​മീ​പ​മാ​ണ് മ​ലോ​സോ വ്യാ​ജ സ്മാ​ര​കം നി​ർ​മി​ച്ച​ത്. 5,000 ച​തു​ര​ശ്ര മീ​റ്റ​റി​ലാ​യി​രു​ന്നു നി​ർ​മാ​ണം. ഗാ​രേ​ജ് നി​ർ​മി​ക്കാ​ൻ അ​നു​മ​തി നേ​ടി​യ സ്ഥ​ല​ത്ത് പി​ന്നീ​ട്, ഇ​യാ​ൾ ര​ഹ​സ്യ​മാ​യി നി​ർ​മി​തി​ക​ൾ​ക്കു രൂ​പം ന​ൽ​കു​ക​യാ​യി​രു​ന്നു. ച​രി​ത്ര​പ്രാ​ധാ​ന്യ​മു​ള്ള ആം​ഫി തി​യേ​റ്റ​റി​ന്‍റെ ഏ​ക​ദേ​ശ മാ​തൃ​ക​യി​ലാ​യി​രു​ന്നു നി​ർ​മാ​ണം. തു​ട​ർ​ന്ന് ഇ​യാ​ൾ വ്യാ​ജ​പ്ര​ചാ​ര​ണം ആ​രം​ഭി​ച്ചു. 2005-ൽ ​ഉ​രു​ൾ​പൊ​ട്ട​ലി​നെ​ത്തു​ട​ർ​ന്നാ​ണു പുരാശേഷിപ്പുകൾ ക​ണ്ടെ​ത്തി​യ​തെ​ന്നാ​യി​രു​ന്നു ഇ​യാ​ളു​ടെ അ​വ​കാ​ശ​വാ​ദം. ബെ​റി​ക്കോ ആം​ഫി​തി​യേ​റ്റ​ർ എ​ന്നാ​ണ് ഇ‍​യാ​ൾ ആം​ഫി തി​യ​റ്റ​റി​നു പേ​രി​ട്ട​ത്. 2014-ൽ ​വി​നോ​ദ​സ​ഞ്ചാ​രി​ക​ൾ​ക്കാ​യി തി​യ​റ്റ​ർ തു​റ​ന്നു​കൊ​ടു​ക്കു​ക​യും ചെ​യ്തു മ​ലോ​സോ. സം​ഗീ​ത പ​രി​പാ​ടി​കൾ, ച​രി​ത്ര സെ​മി​നാ​റു​ക​ൾ തു​ട​ങ്ങി​യ വി​വി​ധ പ​രി​പാ​ടി​ക​ൾ അ​വി​ടെ സം​ഘ​ടി​പ്പി​ക്കു​ക​യും ചെ​യ്തു.

ജൂ​ലി​യ​സ് സീ​സ​റും ക്ലി​യോ​പാ​ട്ര​യും സ​ന്ദ​ർ​ശി​ച്ച സ്ഥ​ലം, ഷേ​ക്സ്പി​യ​റി​ന്‍റെ ക​ഥാ​പാ​ത്ര​മാ​യ ജൂ​ലി​യ​റ്റ് വ​ള​ർ​ന്ന വീ​ടി​ന്‍റെ സ​മീ​പപ്ര​ദേ​ശം തു​ട​ങ്ങി​യ നി​ര​വ​ധി കഥകൾ ച​രി​ത്ര​വുമായി ഇഴചേർത്ത്, ഇ‍​യാ​ൾ സ​ഞ്ചാ​രി​ക​ളെ ആ​ക​ർ​ഷി​ച്ചു. ഇ​തെ​ല്ലാം വി​ശ്വ​സി​ച്ച സ​ഞ്ചാ​രി​ക​ൾ മ​ലോ​സോ​യു​ടെ ത​ട്ടി​പ്പു​കേ​ന്ദ്ര​ത്തി​ലേ​ക്ക് ഒ​ഴു​കി​യെ​ത്തു​ക​യും ചെ​യ്തു. ആ​ഭ്യ​ന്ത​ര-​വി​ദേ​ശ സ​ഞ്ചാ​രി​ക​ളി​ൽ​നി​ന്ന് 4,500 രൂ​പ വ​രെ പ്ര​വേ​ശ​ന ഫീ​സാ​യി ഇ​യാ​ൾ ഈ​ടാ​ക്കി​യി​രു​ന്നു. കൂ​ടാ​തെ സ്വ​കാ​ര്യ സ​ന്ദ​ർ​ശ​ന​ങ്ങ​ൾ​ക്ക് 67,000 രൂ​പ വ​രെ ഈ​ടാ​ക്കി​യി​രു​ന്നു. യൂ​റോ​പ്യ​ൻ യൂ​ണി​യ​ന്‍റെ ഔ​ദ്യോ​ഗി​ക ടൂ​റി​സ്റ്റ് ഗൈ​ഡി​ൽ വ​രെ ഈ ​കേ​ന്ദ്രം ഉ​ൾ​പ്പെ​ടാ​ൻ ഇ​ട​യാ​യി എ​ന്ന​താ​ണ് മ​റ്റൊ​രു വ​സ്തു​ത. ഇ​തു ത​ട്ടി​പ്പി​ന്‍റെ വ്യാ​പ്തി വ്യ​ക്ത​മാ​ക്കു​ന്നു.

എ​ന്നാ​ൽ, ചി​ല പുരാവസ്തു ഗവേഷകർക്കും സ​ഞ്ചാ​രി​ക​ൾ​ക്കും ഉണ്ടാ​യ സം​ശ​യ​മാ​ണ് വ​ലി​യ ത​ട്ടി​പ്പു വെ​ളി​ച്ച​ത്തു​വ​രാ​ൻ ഇ​ട​യാ​ക്കി​യ​ത്. പരാതിയെത്തുടർന്ന് 2016-ൽ ​ഇ​റ്റാ​ലി​യ​ൻ പോ​ലീ​സും പു​രാ​വ​സ്തു ഗ​വേ​ഷ​ക​രും അന്വേഷണം നടത്തി. അന്വേഷണത്തിൽ ഞെ​ട്ടി​ക്കു​ന്ന വി​വ​ര​ങ്ങ​ളാണു വെളിച്ചത്തുവന്നത്. പു​രാ​ത​ന അ​വ​ശി​ഷ്ട​ങ്ങ​ൾ എ​ന്ന് അ​വ​കാ​ശ​പ്പെ​ട്ട തൂ​ണു​ക​ളും പ​ടി​ക​ളും യ​ഥാ​ർ​ഥ​ത്തി​ൽ കോ​ൺ​ക്രീ​റ്റ്, പ്ലാ​സ്റ്റ​ർ, ഫൈ​ബ​ർ​ഗ്ലാ​സ്, പേ​പ്പ​ർ മാ​ഷെ എ​ന്നി​വ ഉ​പ​യോ​ഗി​ച്ചാ​ണ് നി​ർമി​ച്ച​തെന്ന് പ്രത്യേക അന്വേഷണസംഘം കണ്ടെത്തി. പ​ഴ​മ തോ​ന്നി​ക്കാ​ൻ പ്ര​ത്യേ​ക ചാ​യ​ങ്ങ​ളും മ​റ്റും പൂ​ശു​ക​യാ​യി​രു​ന്നു.​ പ​ഴ​യ സാ​റ്റ​ലൈ​റ്റ് ചി​ത്ര​ങ്ങ​ൾ പ​രി​ശോ​ധി​ച്ച​പ്പോ​ൾ രണ്ടായിരത്തിന്‍റെ തു​ട​ക്ക​ത്തി​ൽ ഈ ​കു​ന്നി​ൻ​പ്ര​ദേ​ശം വെ​ട്ടി​ത്തെ​ളി​ച്ച് പു​തി​യ​താ​യി ഉ​ണ്ടാ​ക്കി​യ​താ​ണെന്നു തെ​ളി​ഞ്ഞു. കൂ​ടാ​തെ പു​രാ​ത​ന ഗ്രീ​ക്കു​കാ​ർ വടക്കൻ ഇ​റ്റ​ലി​യിലേക്ക് എത്തിയിരുന്നില്ലെന്നും ഇ​ത്ത​രം നി​ർ​മി​തി​ക​ൾ ന​ട​ത്തി​യി​ട്ടി​ല്ലെ​ന്നും ഗവേഷകർ ചൂണ്ടിക്കാട്ടി.

കേസിൽ കുറ്റക്കാരനെന്നു കണ്ടെത്തിയ ​ഫ്രാ​ങ്കോ മ​ലോ​സോയ്ക്കു കോ​ട​തി ​ത​ട​വു​ശി​ക്ഷ വി​ധിച്ചു. ഇ​തി​നു​പു​റ​മെ മൂ​ന്ന​ര ല​ക്ഷ​ത്തി​ലേ​റെ രൂ​പ പി​ഴ​യായും നാ​ലു ല​ക്ഷ​ത്തോ​ളം രൂ​പ കോ​ട​തി​ച്ചെ​ല​വിനത്തിലും അ​ട​യ്ക്ക​ണം. മാ​ത്ര​മ​ല്ല, വി​സെ​ൻ​സ​യി​ൽ സ്ഥി​തി ചെ​യ്യു​ന്ന വ്യാ​ജകേ​ന്ദ്രം പൊ​ളി​ച്ചു​നീ​ക്കാ​നും കോ​ട​തി ഉ​ത്ത​ര​വി​ട്ടു.

Tags : InternationlNews GreekAmphiTheater Arcugnano Italy AnfiteatroBerico FrancoMalosso ItalianPolice