ലോകകപ്പ് മത്സരത്തിനിടെ ബ്രസീലിയൻ ഫുട്ബോൾ താരം നെയ്മർ
ന്യൂയോർക്ക്: 2026 ഫിഫ ലോകകപ്പിലെ ആവേശപ്പോരാട്ടത്തിൽ ജപ്പാനെതിരെ ബ്രസീൽ തകർപ്പൻ ജയം നേടിയതിന് പിന്നാലെ, ബ്രസീൽ തോൽക്കുമെന്ന് പ്രവചിച്ച ജർമൻ സാമ്പത്തിക ശാസ്ത്രജ്ഞൻ ജോക്കിം ക്ലെമന്റിന് നെയ്മറിന്റെ വക ട്രോൾ. തന്റെ സ്റ്റാറ്റിസ്റ്റിക്കൽ മോഡൽ ഉപയോഗിച്ച് 2014, 2018, 2022 ലോകകപ്പ് വിജയികളെ കൃത്യമായി പ്രവചിച്ച ചരിത്രമുള്ളയാളാണ് ജോക്കിം ക്ലെമന്റ്. എന്നാൽ ഇത്തവണ റൗണ്ട് ഓഫ് 32 പോരാട്ടത്തിൽ ജപ്പാൻ ബ്രസീലിനെ പുറത്താക്കുമെന്നായിരുന്നു ക്ലെമന്റിന്റെ പ്രവചനം.
തിങ്കളാഴ്ച നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്ക് ജപ്പാനെ തകർത്ത് ബ്രസീൽ പ്രീക്വാർട്ടറിലേക്ക് മുന്നേറിയതിന് തൊട്ടുപിന്നാലെയാണ് നെയ്മർ സോഷ്യൽ മീഡിയ പ്ലാറ്റ്ഫോമായ എക്സിൽ മറുപടിയുമായി എത്തിയത്. *"മിസ്റ്റർ ജോക്കിം ക്ലെമന്റ്... ദയവായി അടുത്ത ലോകകപ്പിൽ വീണ്ടും ശ്രമിച്ചു നോക്കൂ,"എന്നായിരുന്നു പോർച്ചുഗീസ് ഭാഷയിൽ നെയ്മർ കുറിച്ചത്. പരിക്കിൽ നിന്ന് പൂർണമായി മുക്തനാകാത്തതിനാൽ താരം ഈ മത്സരത്തിൽ കളിക്കളത്തിൽ ഇറങ്ങിയിരുന്നില്ല.
Tags : Neymar WorldCup FIFA Latest News