9

ഒട്ടാവ: പടിഞ്ഞാറൻ കാനഡയിലെ ബ്രിട്ടീഷ് കൊളംബിയ പ്രവിശ്യയിൽ കാട്ടുതീകൾ അതിവേഗം പടരുന്നു. ഇതേത്തുടർന്ന് പ്രവിശ്യയിൽ അടിയന്തരാവസ്ഥ പ്രഖ്യാപിച്ച് ഇരുപതിനായിരത്തിലധികം പേരെ ഒഴിപ്പിച്ചുമാറ്റി.
ബാൾഡ് റേഞ്ച് എന്നു പേരിട്ടിരിക്കുന്ന കാട്ടുതീ ഒറ്റ രാത്രികൊണ്ട് ഇരട്ടിയോളം മേഖലയിൽ വ്യാപിച്ചുവെന്നാണ് റിപ്പോർട്ട്. 23,500 ഏക്കർ പ്രദേശത്താണ് ഈ കാട്ടുതീ പടരുന്നത്. സമ്മർലാന്‍റ്, പീച്ച്‌ലാന്‍റ് പ്രദേശങ്ങളിലുള്ളവരോട് അടിയന്തരമായി ഒഴിഞ്ഞുപോകാൻ നിർദേശിച്ചിരിക്കുകയാണ്.
കാനഡയിലെ പ്രമുഖ വീഞ്ഞുത്പാദന കേന്ദ്രമായ ബ്രിട്ടീഷ് കൊളംബിയയിലെ ദുരന്തം കർഷകരെയും വലിയതോതിൽ ബാധിച്ചുവെന്നാണ് റിപ്പോർട്ട്. വീടുകളും മറ്റ് കെട്ടിടങ്ങളും വ്യാപകമായി നശിച്ചിട്ടുണ്ടെന്ന് പ്രവിശ്യാ വൃത്തങ്ങൾ അറിയിച്ചു.

Tags : wildfire canada