19

കണ്ണൂര്‍: ജാമ്യത്തിലിറങ്ങി മുങ്ങിയ കൊലക്കേസ് പ്രതി 14 വര്‍ഷത്തിനുശേഷം പിടിയില്‍. കോയമ്പത്തൂര്‍ സ്വദേശി ആനന്ദിനെയാണ് കണ്ണൂര്‍ സിറ്റി പൊലിസിന്‍റെ പ്രത്യേക അന്വേഷണ സംഘം പിടികൂടിയത്.

2012 ഡിസംബറിലാണ് അഴീക്കോട് സ്വദേശി മണികണ്ഠനെ പ്രതി മര്‍ദിച്ച് കൊലപ്പെടുത്തിയത്. ഈ കേസില്‍ വളപട്ടണം പൊലിസ് അറസ്റ്റ് ചെയ്ത ആനന്ദ്, പിന്നീട് ജാമ്യത്തിലിറങ്ങി ഒളിവില്‍ പോവുകയായിരുന്നു. തുടര്‍ന്ന് കോടതി ഇയാളെ പിടികിട്ടാപ്പുള്ളിയായി പ്രഖ്യാപിക്കുകയായിരുന്നു.

അന്വേഷണ സംഘത്തിന്‍റെ കണ്ണുവെട്ടിക്കാന്‍ മൊബൈല്‍ ഫോണ്‍ ഉപയോഗിക്കാതെയായിരുന്നു പ്രതിയുടെ ഒളിവുജീവിതം. ഇതിനിടെ 2021ല്‍ തമിഴ്നാട്ടില്‍ നടന്ന മറ്റൊരു കൊലപാതകക്കേസിലും ഇയാള്‍ ഉള്‍പ്പെട്ടിട്ടുണ്ടെന്ന് പൊലിസ് കണ്ടെത്തി. ഈ വിവരത്തിന്‍റെ അടിസ്ഥാനത്തില്‍ നടത്തിയ ശക്തമായ അന്വേഷണത്തിലാണ് ഒടുവില്‍ കോയമ്പത്തൂരില്‍ വച്ച് പ്രതി പിടിയിലായത്.

Tags : Bail MurderCase Arrested Deepika DeepikaNewspaper BreakingNews NewsUpdate Headlines CurrentAffairs