9

തി​രു​വ​ന​ന്ത​പു​രം: അ​ർ​ജു​ൻ ആ​യ​ങ്കി പോലീ​സി​നെ വ​ട്ടം ക​റ​ക്കി​യി​ട്ടി​ല്ലെ​ന്ന് ക്ര​മ​സ​മാ​ധാ​ന ചു​മ​ത​ല​യു​ള്ള എ​ഡി​ജി​പി പി. ​വി​ജ​യ​ൻ. അ​ർ​ജു​നെ​യാ​ണ് പോ​ലീ​സ് വ​ട്ടം ക​റ​ക്കി​യ​ത്. പോ​ലീസി​നെ വെ​ല്ലു​വി​ളി​ച്ചെ​ന്ന​ത് അ​ർ​ജു​ന്‍റെ തോ​ന്ന​ലാ​ണെന്നും അദ്ദേഹം പറഞ്ഞു.

പോ​ലീ​സി​നെ വെ​ല്ലു​വി​ളി​ക്കു​ന്ന​ത് സ​മൂ​ഹ​ത്തെ വെ​ല്ലു​വി​ളി​ക്കു​ന്ന​ത് പോ​ലെ​യാ​ണ്. ര​ണ്ടിനെ​യും വേ​ർ​തി​രി​ക്കാ​നാ​വി​ല്ല. സ​മൂ​ഹ​ത്തി​ന്‍റെ സു​ര​ക്ഷി​ത​ത്വ​ത്തി​നും ജീ​വ​നും സ്വ​ത്തി​നും സം​ര​ക്ഷ​ണം കൊ​ടു​ക്കു​ന്ന​താ​ണ് പോ​ലീ​സ്.

പോലീ​സി​നെ വെ​ല്ലു​വി​ളി​ക്കു​ന്ന​തി​ൽ ആ​ഹ്ലാ​ദം ക​ണ്ടെത്തു​ന്ന​ത് സ​മൂ​ഹ​ത്തെ വെ​ല്ലു​വി​ളി​ക്കു​ന്ന​തി​ൽ ആ​ഹ്ലാ​ദം ക​ണ്ടെത്തു​ക​യാ​ണ്. ഇ​ത്ത​ര​ത്തി​ൽ വെ​ല്ലു​വി​ളി​ക്കു​ന്ന​വ​രെ അ​നൂ​കൂ​ലി​ച്ച് സോ​ഷ്യൽ മീ​ഡി​യ​യി​ല് ക​മ​ന്‍റി​ടു​ക​യും ലൈ​ക്ക​ടി​ക്കു​ക​യും ചെ​യ്യു​ന്ന ആ​ളു​ക​ളെ​യും ക​ണ്ടെത്തും. ​അ​ർ​ജു​ൻ സ്ഥ​ല​ങ്ങ​ൾ മാ​റി മാ​റി ന​ട​ക്കു​ക​യാ​യി​രു​ന്നു. അ​യാ​ൾ പോ​കു​ന്നി​ട​ത്തെ​ല്ലാം പോലീ​സു​മു​ണ്ടായി​രു​ന്നു.

ഇ​യാ​ളെ പി​ടി​ക്ക​ണ​ണ​മെ​ന്നും മ​നു​ഷ്യാ​വ​കാ​ശ ലം​ഘ​ന​മോ നി​യ​മ​പ​ര​മ​ല്ലാ​ത്ത രീ​തി​യോ ഉ​ണ്ടാക​രു​തെ​ന്ന് ആ​ഭ്യ​ന്ത​ര മ​ന്ത്രി​യു​ടെ നി​ർ​ദ്ദേ​ശ​മു​ണ്ടായി​രു​ന്നു. ക​ഴി​ഞ്ഞ രാ​ത്രി ര​ണ്ടോടെ അ​ർ​ജു​ൻ പി​ടി​യി​ലാ​യ​തോ​ടെ​യാ​ണ് മാ​ര​ത്തോ​ണി​ന്‍റെ ഒ​രു ഘ​ട്ടം ക​ഴി​ഞ്ഞ​ത്.

ഗു​ണ്ടക​ൾ​ക്കെ​തി​രേ​യു​ള്ള ഓ​പ​റേ​ഷ​ൻ ഗ്രി​പ്പ് എ​ന്ന പ​ദ്ധ​തി​യു​ണ്ട്. അ​ത് തു​ട​ർ​ച്ച​യാ​യി പോ​കും. ഈ ​ആ​യ​ങ്കി​യ​ല്ല ഒ​രു ആ​യ​ങ്കി​യും സ​മൂ​ഹ​ത്തെ വെ​ല്ലു​വി​ളി​ക്കു​ന്ന രീ​തി​യി​ൽ ഉ​ണ്ടാക​രു​ത്. പോലീ​സി​നെ വെ​ല്ലു​വി​ളി​ക്കു​ന്ന​തും നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ളെ പ്രോ​ത്സാ​ഹി​പ്പി​ക്കു​ന്ന​തു​മാ​യ പോ​സ്റ്റു​ക​ൾ ഷെ​യ​ർ ചെ​യ്യു​ക​യും ക​മ​ന്‍റി​ടു​ക​യും ലൈ​ക്ക​ടി​ക്കു​ക​യും ചെ​യ്യു​ന്ന​വ​ർ​ക്ക് പി​ന്നാ​ലെ​യും പോ​ലീ​സെ​ത്തു​മെ​ന്ന് എ​ഡി​ജി​പി പ​റ​ഞ്ഞു.

Tags : ADGP ArjunAyanki Police Deepika DeepikaNewspaper BreakingNews NewsUpdate