പാലക്കാട്: പാലക്കാട് കെഎസ്ആര്ടിസി ഡിപ്പോയില് നിന്നും അജ്ഞാതൻ ബസ് മോഷ്ടിച്ചു. ഇന്ന് പുലര്ച്ചെ 2.50ഓടെയായിരുന്നു സംഭവം.
ബസ് മോഷണം പോയത് അറിഞ്ഞതോടെ ജീവനക്കാര് പാലക്കാട് നഗരത്തില് തിരച്ചില് ആരംഭിച്ചു. ജീവനക്കാര് പിന്തുടര്ന്നെത്തുന്നത് കണ്ട് ബസ് ഉപേക്ഷിച്ച് മോഷ്ടാവ് ഓടി രക്ഷപ്പെടുകയായിരുന്നു.
ഡിപ്പോയിൽനിന്നും ഒരു കിലോമീറ്റർ അപ്പുറത്തുള്ള മംഗളം ടവറിന് സമീപത്ത് നിന്നാണ് പുലർച്ചെ അഞ്ചോടെ ബസ് കണ്ടെത്തിയത്. പാലക്കാട് കെഎസ്ആര്ടിസി ഡിപ്പോ മുതലുള്ള സിസിടിവി ദൃശ്യങ്ങള് പോലീസ് പരിശോധിക്കുകയാണ്.
Tags : ksrtc bus theft palakkad depot