21

ഈ​ജി​പ്റ്റി​ലെ കെ​യ്റോ​ നഗരത്തിനു തെ​ക്ക് സ്ഥി​തി​ചെ​യ്യു​ന്ന ച​രി​ത്ര​പ്ര​സി​ദ്ധ​മാ​യ സ​ഖാ​റ ശ്മ​ശാ​നഭൂമിയിൽനിന്ന് 4,000-ലേറെ വർഷം പ​ഴ​ക്ക​മു​ള്ള, ഉന്നത പദവിയലങ്കരിച്ചിരുന്ന ഉദ്യോ​ഗ​സ്ഥ​ന്‍റെ അ​പൂ​ര്‍​വ ക​ല്ല​റ പു​രാ​വ​സ്തു ഗ​വേ​ഷ​ക​ര്‍ ക​ണ്ടെ​ത്തി. യു​നെ​സ്‌​കോ​യു​ടെ ലോ​ക പൈ​തൃ​ക പ​ട്ടി​ക​യി​ലു​ള്ള ​പ്ര​ദേ​ശ​ത്ത് ഈ​ജി​പ്ഷ്യ​ന്‍ പു​രാ​വ​സ്തു മി​ഷ​ന്‍ ന​ട​ത്തി​യ ഖ​ന​ന​ത്തി​ലാ​ണു ശാ​സ്ത്ര​ലോ​ക​ത്തെ ആ​വേ​ശ​ത്തി​ലാ​ഴ്ത്തി​യ സു​പ്ര​ധാ​ന ക​ണ്ടെ​ത്ത​ല്‍.

സാ​മ്രാ​ജ്യ​ത്വ കാ​ല​ഘ​ട്ട​ത്തി​ല്‍ ജീ​വി​ച്ചി​രു​ന്ന സെ​ഖെ​ന്തി​യു ​താ​ഹ് എ​ന്ന പ്ര​മു​ഖ ഉ​ദ്യോ​ഗ​സ്ഥന്‍റേ​താ​ണ് ഈ ​ക​ല്ല​റ. ഭൗ​തി​കലോ​ക​ത്തി​ല്‍നിന്നു പ​ര​ലോ​ക​ത്തേ​ക്ക് ആ​ത്മാ​വി​നു സ​ഞ്ച​രി​ക്കാ​നു​ള്ള പ്ര​തീ​കാ​ത്മ​ക ക​വാ​ട​മെ​ന്നു പു​രാ​ത​ന ഈ​ജി​പ്റ്റുകാ​ര്‍ വി​ശ്വ​സി​ച്ചി​രു​ന്ന വാ​തി​ല്‍ കേ​ടു​പാ​ടു​ക​ൾ കൂ​ടാ​തെ ക​ണ്ടെ​ത്തി​യി​ട്ടു​ണ്ട്. ​വാ​തി​ലി​നു തൊ​ട്ടു​മു​ന്നി​ലാ​യി അ​ല​ബാ​സ്റ്റ​ര്‍ ക​ല്ലി​ല്‍ തീ​ര്‍​ത്ത യാ​ഗ​പീ​ഠം, യാ​ഗത​ളി​ക, പാ​ത്രങ്ങൾ, ജ​ഗ്ഗ് എ​ന്നി​വ അ​ട​ങ്ങി​യ അ​പൂ​ര്‍​വ ശേ​ഖ​ര​വും ക​ണ്ടെ​ത്തി. ആ​യി​ര​ക്ക​ണ​ക്കി​നു വ​ര്‍​ഷ​ങ്ങ​ള്‍​ക്കുശേ​ഷ​വും ​ആ​ചാ​ര വ​സ്തു​ക്ക​ള്‍ അ​വ​യു​ടെ യ​ഥാ​ര്‍​ഥ സ്ഥാ​ന​ത്തുത​ന്നെ സ്ഥി​തി​ചെ​യ്യു​ന്നു​വെ​ന്ന​ത് പ​ഴ​യ സാ​മ്രാ​ജ്യ​ത്വ കാ​ല​ത്തെ സം​സ്‌​കാ​ര ച​ട​ങ്ങു​ക​ളെ​യും ആ​ചാ​ര​ങ്ങ​ളെ​യും കു​റി​ച്ചു പ​ഠി​ക്കാ​ന്‍ ഗവേഷകർക്കു വ​ലി​യ അ​വ​സ​ര​മാ​ണു ന​ല്‍​കു​ന്ന​ത്.

എല്ലാം വെ​ളി​പ്പെ​ടു​ത്തി ഹൈ​റോ​ഗ്ലി​ഫി​ക്‌​സ്
പ്രതീകാത്മക വാ​തി​ലി​ലും ആ​ചാ​രപാ​ത്ര​ങ്ങ​ളി​ലും കൊ​ത്തി​വ​ച്ചിരുന്ന ഹൈ​റോ​ഗ്ലി​ഫി​ക് ലി​പി​ക​ള്‍ പ​രി​ശോ​ധി​ച്ച​തി​ല്‍നി​ന്ന് സെ​ഖെ​ന്തി​യു താ​ഹ് വ​ഹി​ച്ചി​രു​ന്ന ഉ​യ​ര്‍​ന്ന പ​ദ​വി​ക​ള്‍ വ്യ​ക്ത​മാ​യി​ട്ടു​ണ്ട്.
രാ​ജ​കീ​യ കാ​ര്യ​സ്ഥ​ന്‍, രാ​ജാ​വിന്‍റെ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ളു​ടെ മേ​ല്‍​നോ​ട്ട​ക്കാ​ര​ന്‍, രാ​ജ​കീ​യ പ്ര​മാ​ണ​ങ്ങ​ളു​ടെ സൂ​ക്ഷി​പ്പു​കാ​ര​ന്‍, പു​രോ​ഹി​ത​ന്‍, എ​ഴു​ത്തു​കാ​രു​ടെ മേ​ധാ​വി എ​ന്നി​വ​യാ​ണ​ത്.

പ്ര​ധാ​ന ക​ല്ല​റ​യ്ക്കു പു​റ​മെ, പ​ര​സ്പ​രം ബ​ന്ധി​പ്പി​ക്ക​പ്പെ​ട്ട നി​ര​വ​ധി കല്ലറകളും സം​ഘം ക​ണ്ടെ​ത്തി​യി​ട്ടു​ണ്ട്. പ​ര​ലോ​ക​ത്തെ ആവശ്യങ്ങൾക്കെന്ന വിശ്വാസപ്രകാരം വയ്ക്കുന്ന മ​ണ്‍​പാ​ത്ര​ങ്ങൾ, നൂ​റി​ല​ധി​കം ഉ​ഷാ​ബ്തി പ്ര​തി​മ, മ​ര​ത്തി​ല്‍ തീ​ര്‍​ത്ത പ​രു​ന്തി​ന്‍റെ ശി​ൽപം, വ​ര്‍​ണാ​ഭ​മാ​യ ശ​വക്കച്ചകൾ എന്നിവ ല​ഭി​ച്ചു. പ​ണ്ടു​കാ​ല​ത്തു കൊ​ള്ള​ക്കാ​ര്‍ ചി​ല അ​റ​ക​ളി​ല്‍ ക​ട​ന്നു​ക​യ​റി​യ ല​ക്ഷ​ണ​ങ്ങ​ളു​ണ്ടെ​ങ്കി​ലും മൂന്നു ശ​വ​പ്പെ​ട്ടി​ക​ളും ഒ​ട്ടും കേ​ടു​പാ​ടു​ക​ളി​ല്ലാ​തെ സീ​ല്‍ ചെ​യ്ത അ​വ​സ്ഥ​യി​ല്‍ ത​ന്നെ​യാ​ണു ക​ണ്ടെ​ത്തി​യ​ത്.

പു​രാ​ത​ന ഈ​ജി​പ്ഷ്യ​ന്‍ ത​ല​സ്ഥാ​ന​മാ​യി​രു​ന്ന മെം​ഫി​സിന്‍റെ പ്ര​ധാ​ന ശ്മ​ശാ​ന ഭൂ​മി​യാ​യി​രു​ന്നു സ​ഖാ​റ. കാ​ല​ഘ​ട്ട​ങ്ങ​ള്‍ മാ​റു​മ്പോ​ഴും ഈ ​പ്ര​ദേ​ശം എ​ങ്ങ​നെ ഉ​പ​യോ​ഗി​ക്ക​പ്പെ​ട്ടു​വെ​ന്നും ​ശവസം​സ്‌​കാ​രവുമായി ബന്ധപ്പെട്ട ആ​ചാ​ര​ങ്ങ​ള്‍ എ​ങ്ങ​നെ മാ​റി​മ​റി​ഞ്ഞെന്നും മ​ന​സി​ലാ​ക്കാ​ന്‍ ​പു​തി​യ ക​ണ്ടെ​ത്ത​ല്‍ ഏ​റെ സ​ഹാ​യി​ക്കു​മെ​ന്ന് ഈ​ജി​പ്ഷ്യ​ന്‍ വി​നോ​ദ​സ​ഞ്ചാ​ര-​പു​രാ​വ​സ്തു മ​ന്ത്രാ​ല​യം വ്യ​ക്ത​മാ​ക്കി.

Tags : InternationalNews History ScienceNews Archelology Cairo Saqqara