കുറ്റ്യാടി: കുറ്റ്യാടിയിൽ യുഡിഎഫ് സ്ഥാനാർഥിയുടെ തെരഞ്ഞെടുപ്പ് പ്രചാരണ ബോർഡിനുനേരെ സ്ഫോടക വസ്തു എറിഞ്ഞതായി ആരോപണം. യുഡിഎഫ് സ്ഥാനാർഥി പാറക്കൽ അബ്ദുള്ളയുടെ ബോർഡിനുനേരെയാണ് ആക്രമണമുണ്ടായതായി പരാതിയുള്ളത്.
കുറ്റ്യാടി മണ്ഡലത്തിലെ തോടന്നൂരാണ് പ്രചാരണ ബോർഡ് കത്തിക്കരിഞ്ഞ നിലയിലുള്ളത്. സംഭവസ്ഥലത്ത് ബോർഡിനുസമീപം സ്ഫോടന വസ്തുക്കളുടെ അവശിഷ്ടങ്ങൾ കണ്ടെത്തിയതായും ആരോപണമുയർന്നു.
പ്രദേശത്ത് വൻ തോതിലുള്ള ബോംബ് ശേഖരമുണ്ടെന്നും അടിയന്തരമായി പോലീസ് ഇടപെടണമെന്നും യുഡിഎഫ് ആവശ്യപ്പെടുന്നു. നേരത്തെ ആരോഗ്യമന്ത്രി വീണ ജോർജിനെതിരെ പ്രതിഷേധിച്ച കെഎസ്യു നേതാവിന്റെ വീടിന് നേരെ ബോംബെറിഞ്ഞ പ്രദേശത്താണ് ബോർഡിന് നേരെയും ആക്രമണമുണ്ടായിരിക്കുന്നത്.
Tags : calicut kuttyadi kerala police udf