കോട്ടയം: കേരള സോഷ്യൽ സർവീസ് ഫോറം എക്സിക്യൂട്ടീവ് ഡയറക്ടർ സ്ഥാനമൊഴിയുന്ന ഫാ. ജേക്കബ് മാവുങ്കലിന് ഇന്ന് യാത്രയയപ്പു നൽകും.
2020 എക്സിക്യൂട്ടീവ് ഡയറക്ടറായതു മുതൽ കെഎസ്എസ്എഫിന്റെ പ്രവർത്തനങ്ങൾക്ക് പുതിയ ദിശയും മികച്ച സാമൂഹിക പ്രതിബദ്ധതയും കാലിക പ്രസക്തിയും നൽകിയ ഫാ. ജേക്കബ് ശ്രദ്ധേയമായ സാമൂഹ്യ ഇടപെടലുകൾ നടപ്പിലാക്കി. വയനാട്, വിലങ്ങാട് ഉരുൾപൊട്ടൽ ദുരന്തബാധിത പ്രദേശത്തെ അദ്ദേഹത്തിന്റെ ഇടപെടലുകൾ എടുത്തു പറയത്തക്കതാണ്.
ദുരന്ത ബാധിധർകായി 185 ഭവനങ്ങളാണ് ഫാ. ജേക്കബിന്റെ നേതൃത്വത്തിൽ സാധ്യമാക്കിയിട്ടുള്ളത്. കൂടാതെ, സംസ്ഥാന തലത്തിൽ സജീവം ലഹരിവിരുദ്ധ കാമ്പയിൻ, കടൽതീര സംരക്ഷണവും നല്ല ഭക്ഷണവും സാധ്യമാക്കുന്ന നേര്ച്ചര് പ്രോജക്ട്, മറ്റ് പരിസ്ഥിതി സംരക്ഷണ പ്രവർത്തനങ്ങൾ, വയനാട്-വിലങ്ങാട് ദുരന്തബാധിത പ്രദേശങ്ങളിലെ പുനരധിവാസ, ജീവനോപാധി പ്രവർത്തനങ്ങൾ തുടങ്ങിയവ അദ്ദേഹത്തിന്റെ കാലഘട്ടത്തിൽ ഏറെ ശ്രദ്ധ നേടിയിരുന്നു.
ഇന്ന് കോട്ടയം ആമോസ് സെന്ററിൽ നടക്കുന്ന യാത്രയയപ്പ് പൊതുസമ്മേളനം കെസിബിസിയുടെ ജെപിഡി കമ്മീഷൻ ചെയർമാൻ ബിഷപ് ഡോ. സെബാസ്റ്റ്യൻ തെക്കെത്തെച്ചേരിൽ ഉദ്ഘാടനം ചെയ്യും. വൈസ് ചെയർമാൻ ബിഷപ് മാർ ജോസ് പുളിക്കൽ അധ്യക്ഷത വഹിക്കും. പുതുതായി നിയമിതനായിരിക്കുന്ന എക്സിക്യൂട്ടീവ് ഡയറക്ടർ ഫാ. ഡോ. സാബ്ബാസ് ഇഗ്നേഷ്യസിന് ഔദ്യോഗിക ചുമതല കൈമാറ്റവും നടക്കും.
Tags : Farewell Fr. Jacob Mavungal Kerala Social Service Forum