26

ചാ​രും​മൂ​ട്: പൂ​ട്ടി​ക്കി​ട​ന്ന പ്ര​വാ​സി​യു​ടെ വീ​ട് കു​ത്തി​ത്തു​റ​ന്ന് ക​വ​ർ​ച്ച ന​ട​ത്തി​യ കേ​സി​ൽ കു​പ്ര​സി​ദ്ധ മോ​ഷ്ടാ​വ് പി​ടി​യി​ൽ. കൊ​ല്ലം പ​ന്മ​ന വി​ല്ലേ​ജി​ൽ ചി​റ്റൂ​ർ​ഭാ​ഗം പ​ള്ള​ത്ത് പ​ടീ​റ്റ​തി​ൽ 'ചി​ല്ലു ശ്രീ​കു​മാ​ർ' എ​ന്ന​റി​യ​പ്പെ​ടു​ന്ന ശ്രീ​കു​മാ​ർ(41) ആ​ണ് പി​ടി​യി​ലാ​യ​ത്.

കൊ​ല​പാ​ത​കം, അ​ടി​പി​ടി, മോ​ഷ​ണം തു​ട​ങ്ങി വി​വി​ധ പോ​ലീ​സ് സ്റ്റേ​ഷ​നു​ക​ളി​ലാ​യി 40ഓ​ളം കേ​സു​ക​ളി​ൽ പ്ര​തി​യാ​ണ് ശ്രീ​കു​മാ​ർ. നൂ​റ​നാ​ടി​നു സ​മീ​പം കൊ​ട്ട​യ്ക്കാ​ട്ട​ശേ​രി​യി​ൽ പ്ര​വാ​സി​യു​ടെ വീ​ട് കു​ത്തി​ത്തു​റ​ന്ന് ക​വ​ർ​ച്ച ന​ട​ത്തി​യ കേ​സി​ലാ​ണ് ഇ​യാ​ൾ പി​ടി​യി​ലാ​യ​ത്.

താ​മ​ര​ക്കു​ളം വേ​ട​ര​പ്ലാ​വി​ൽ 10 ദി​വ​സം മു​ൻ​പ് താ​മ​സ​ക്കാ​രി​ല്ലാ​ത്ത വീ​ട് കു​ത്തി​ത്തു​റ​ന്ന് ര​ണ്ടം​ഗ സം​ഘം മോ​ഷ​ണ​ശ്ര​മം ന​ട​ത്തി​യി​രു​ന്നു. ഈ ​കേ​സി​ലും ശ്രീ​കു​മാ​ർ പ്ര​തി​യാ​ണെ​ന്ന് പോ​ലീ​സ് വ്യ​ക്ത​മാ​ക്കി. പ്ര​ദേ​ശ​ത്തെ സി​സി​ടി​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ളെ​ക്കു​റി​ച്ച് പോ​ലീ​സി​ന് സൂ​ച​ന ല​ഭി​ച്ച​ത്.

മാ​വേ​ലി​ക്ക​ര കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു. മോ​ഷ​ണ​ത്തി​ൽ ശ്രീ​കു​മാ​റി​നൊ​പ്പ​മു​ണ്ടാ​യി​രു​ന്ന കൂ​ട്ടു​പ്ര​തി​ക്കാ​യി അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യി നൂ​റ​നാ​ട് പോ​ലീ​സ് അ​റി​യി​ച്ചു.

Tags : kerala police crime news arrest kollam