1

കോഴിക്കോട്: അധ്യാപികമാരെ ഇടനിലക്കാരാക്കി നടത്തിയ ലഹരിക്കടത്തുമായി ബന്ധപ്പെട്ട് ഓപ്പറേഷൻ തൂഫാൻ പരിശോധനയിൽ മറ്റൊരു അധ്യാപിക കൂടി അറസ്റ്റിലായി. പേരാമ്പ്ര ബിആർസിയിലെ അധ്യാപികയും കൂരാച്ചുണ്ട് ചെറുകാട് സ്വദേശിനിയുമായ കാവ്യയാണ് പിടിയിലായത്.

മയക്കുമരുന്ന് വാങ്ങിയവരിൽ നിന്ന് പണം എത്തിയത് കാവ്യയുടെ ബാങ്ക് അക്കൗണ്ടിലേക്കാണെന്ന് പോലീസിന്‍റെ അന്വേഷണത്തിൽ കണ്ടെത്തിയിട്ടുണ്ട്. ഈ കേസിൽ മരുതോങ്കര സ്വദേശിനിയായ മറ്റൊരു ബിആർസിയിലെ അധ്യാപികയായ കെ.സി. കീർത്തനയെ പോലീസ് നേരത്തെ അറസ്റ്റ് ചെയ്തിരുന്നു.

Tags : OperationToofan Teacher Deepika DeepikaNewspaper BreakingNews NewsUpdate Headlines