21

കൊച്ചി: വിമാനത്തില്‍ കേരളത്തിലെത്തി കവര്‍ച്ച നടത്തുന്ന യുപി സ്വദേശികള്‍ പിടിയില്‍. കളമശേരി, തൃശൂര്‍, കണ്ണൂര്‍ ജില്ലകളില്‍ നിന്നാണ് പ്രതികള്‍ പിടിയിലായത്. തൃശൂരില്‍ നിന്നും മോഷണശ്രമത്തിനിടെ പിടിയിലായ റിഹാന്‍ (20) എന്ന പ്രതിയെ ചോദ്യം ചെയ്തതോടെയാണ് കൊച്ചിയിലെ കൂട്ടാളികളെ കുറിച്ച് പൊലിസിന് വിവരം ലഭിച്ചത്.

തുടര്‍ന്ന് കളമശേരി കൊച്ചിന്‍ യൂണിവേഴ്‌സിറ്റിക്ക് അടുത്തുള്ള ഒരു ലോഡ്ജില്‍ നിന്നും ഞായറാഴ്ച വൈകിട്ട് ഏഴോടെ അഞ്ചു പ്രതികളെ കളമശേരി പൊലിസ് പിടികൂടുകയായിരുന്നു.

യുപി മീററ്റ് സ്വദേശികളായ സെയ്ഫുള്ള (31), മുഹമ്മദ് ഫര്‍മാന്‍ അന്‍സാരി (22), സുഹൈല്‍ (22), ഷക്കീബ് (21), റിഹാന്‍ ഖാന്‍ (22) എന്നിവരാണ് അറസ്റ്റിലായത്. ഇവരുടെ പക്കല്‍ നിന്നും കേബിള്‍ കട്ടറുകള്‍, താക്കോലുകള്‍, മൊബൈല്‍ ഫോണുകള്‍, വാച്ചുകള്‍, തിരിച്ചറിയല്‍ രേഖകള്‍, വിമാന-ട്രെയ്ന്‍ ടിക്കറ്റുകള്‍, പണം എന്നിവ പൊലിസ് പിടികൂടി.

കൊച്ചിയിലേക്ക് വിമാനത്തില്‍ എത്തിയ ശേഷമാണ് ഇവര്‍ പല സംഘങ്ങളായി മറ്റ് ജില്ലകളിലേക്ക് കവര്‍ച്ചയ്ക്കായി പോകുന്നത്. ബൈക്കുകള്‍ ട്രെയ്ന്‍ മാര്‍ഗം കേളത്തില്‍ എത്തിച്ചാണ് ഇവര്‍ കവര്‍ച്ച നടത്തുന്നത്.

Tags : Robbery Kerala UP Arrest Kalamassery