ജി. വേണുഗോപാൽ
പാലക്കാട്: പാന്പാടി ശ്രീപാന്പുംകാവ് ശ്രീനാഗരാജ ക്ഷേത്രം ഏർപ്പെടുത്തിയ ഈ വർഷത്തെ ശ്രീനാഗരാജ പുരസ്കാരത്തിന് ഗായകൻ ജി. വേണുഗോപാലിനെ തെരഞ്ഞെടുത്തായി ട്രസ്റ്റി നന്ദകുമാർ അറിയിച്ചു.
സംഗീതം, ചിത്രകല, സാഹിത്യം, പുരാണം, വൈദ്യം, മേളം, ക്ഷേത്രാനുഷ്ഠാന കലകൾ തുടങ്ങിയ മേഖലകളിൽ സമഗ്ര സംഭാവന നൽകിയവരെയാണ് പുരസ്കാരത്തിന് പരിഗണിക്കുന്നത്. 20,000 രൂപയുടെ പുരസ്കാരം ഒക്ടോബർ അഞ്ചിന് ആരംഭിക്കുന്ന ആയില്യ മഹോത്സവത്തിന്റെ ഉദ്ഘാടനച്ചടങ്ങിൽ സമ്മാനിക്കും.
കഥകളി സംഗീതജ്ഞൻ കോട്ടയ്ക്കൽ മധു, സോപാനസംഗീതജ്ഞൻ ഗുരുവായൂർ ജ്യോതിദാസ്, മണ്ണൂർ രാജകുമാരനുണ്ണി, രമേശ് കോരപ്പത്ത്, ഇടയ്ക്ക വിദ്വാൻ തിരുവില്വാമല ഹരി എന്നിവരെ ചടങ്ങിൽ ആദരിക്കും. തുടർന്ന് ശ്രീനാഗരാജ സംഗീതോത്സവത്തിന് തുടക്കമാകും.
Tags : SreeNagarajaAward GVenugopal Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash