23

കൊച്ചി: സ്‌കൂള്‍ വിദ്യാര്‍ഥികളെ സ്വകാര്യ ബസ് ജീവനക്കാര്‍ മര്‍ദിച്ച് ഇറക്കിവിട്ടതായി പരാതി. തേവരയില്‍ എയ്ഞ്ചല്‍ മേരി എന്ന ബസിലെ ജീവനക്കാരാണ് പെണ്‍കുട്ടികള്‍ ഉള്‍പ്പെടെയുള്ള വിദ്യാര്‍ഥികളെ മര്‍ദിച്ചത്.

നാലു വിദ്യാര്‍ഥികളുടെ മുഖത്തും തലയ്ക്കും അടിക്കുകയും കൈയ്യില്‍ കടിച്ചു പരിക്കേല്‍പ്പിക്കുകയും ചെയ്തു. ഒതുങ്ങി നില്‍ക്കാനാവശ്യപ്പെട്ട് വിദ്യാര്‍ഥികളെ തള്ളിയിട്ടത് ചോദ്യം ചെയ്തതിനെ തുടര്‍ന്നായിരുന്നു മര്‍ദനം. സംഭവത്തില്‍ ടൗണ്‍ സൗത്ത് പോലീസ് കേസ് എടുത്തിട്ടുണ്ട്.

Tags : Students Beaten Complaint PrivateBus Staff