13

കോഴിക്കോട്: നടുവണ്ണൂരിലെ കുരുടിമുക്കില്‍ റോഡ് മുറിച്ചുകടക്കുന്നതിനിടെ ട്രാവലര്‍ ഇടിച്ച് യുവതിക്ക് ഗുരുതര പരിക്ക്. പറമ്പത്ത് ഏലത്തില്‍ സുബൈദയ്ക്കാണ് സാരമായി പരിക്കേറ്റത്.

കുരുടിമുക്കിലെ സീബ്രാ ലൈനിന് സമീപം റോഡ് മുറിച്ചുകടക്കുന്നതിനിടെയാണ് യുവതിയെ ട്രാവലര്‍ ഇടിച്ചത്. ഇടിയുടെ ആഘാതത്തില്‍ റോഡിലേക്ക് വീണ ഇവരുടെ കാലിലൂടെ മുന്‍വശത്തെ ടയര്‍ കയറിയിറങ്ങി.

അപകടത്തിനു പിന്നാലെ നാട്ടുകാരും വ്യാപാരികളും ചേര്‍ന്ന് യുവതിയെ ആശുപത്രിയിലെത്തിച്ചു. ഇവര്‍ മെഡിക്കല്‍ കോളജ് ആശുപത്രിയിൽ ചികിത്സയിലാണ്.

Tags : Vehicle Woman Road Accident