19

കൊച്ചി: പനമ്പിള്ളി നഗർ കയർ ബോർഡ് ഗസ്‌റ്റ്‌ ഹ‍ൗസിൽ നിന്ന്‌ 26,000 രൂപയുടെ സാധനങ്ങൾ മോഷ്ടിച്ച സംഭവത്തിൽ എറണാകുളം ടൗൺ സ‍ൗത്ത്‌ പൊലിസ്‌ കേസെടുത്തു. പതിനായിരം ര‍ൂപ വില വരുന്ന ടാപ്പുകൾ, പതിനായിരം രൂപ വില വരുന്ന അലുമിനിയം ഉരുളി, ബിരിയാണി പാത്രം, വലിയ ചൂടാറാത്ത പാത്രം എന്നിവയും ആറായിരം രൂപ വില വരുന്ന ഇലക്‌ട്രിക്‌ മോട്ടറുമാണ്‌ മോഷണം പോയത്‌.

ബുധനാഴ്ച വൈകിട്ട്‌ ഏഴിനും വ്യാഴാഴ്ച രാത്രി ഒമ്പതിനുമിടയിലാണ് മോഷണം നടന്നതായാണ്‌ സംശയിക്കുന്നത്. ഗസ്‌റ്റ്‌ ഹ‍ൗസ്‌ കെയർ ടേക്കർ മരട്‌ സ്വദേശി അനൂപ്‌ ഗോപിനാഥിന്‍റെ പരാതിയിലാണ്‌ കേസെടുത്തത്‌.

മുൻവശത്തെ വാതിലിന്‍റെ ഓടാമ്പൽ തകർത്താണ്‌ മോഷണം. സ‍ൗത്ത്‌ പൊലിസ്‌ സിസിടിവി ദൃശ്യങ്ങളുടെ സഹായത്തോടെ അന്വേഷണം ആരംഭിച്ചു.

Tags : Theft Guesthouse Deepika DeepikaNewspaper BreakingNews NewsUpdate Headlines