4

തിരുവനന്തപുരം: എൽഡിഎഫിലെ ഘടകകക്ഷിയായ ആർജെഡിയുടെ സംസ്ഥാന നേതാവും മുൻ മന്ത്രിയുമായ സുരേന്ദ്രൻ പിള്ള പാർട്ടിയിൽ നിന്നും രാജിവച്ചു. കൂടുതൽ സീറ്റ് നൽകാമെന്ന് എൽഡിഎഫ് വാഗ്ദാനം നടപ്പാക്കാത്തതിൽ പ്രതിഷേധിച്ചാണ് രാജി.

പുനലൂരിൽ നിന്നും തിരുവനന്തപുരത്തുനിന്നും എംഎൽഎ ആകുകയും മന്ത്രി സ്ഥാനം വഹിക്കുകയും ചെയ്തിട്ടുള്ള വി. സുരേന്ദ്രൻ പിള്ളയുടെ രാജി തിരുവനന്തപുരം, കൊല്ലം ജില്ലകളിൽ വലിയ ദോഷം ചെയ്യുമെന്നാണ് വിലയിരുത്തൽ.

നിലവിൽ മൂന്ന് മണ്ഡലങ്ങൾ മാത്രമേ ആർജെഡിക്ക് അനുവദിച്ചിട്ടുള്ളൂ. മൂന്നു മണ്ഡലങ്ങൾ മാത്രമായാൽ പുറത്തുനിന്ന് പിന്തുണച്ചാൽ മതി എന്നായിരുന്നു സംസ്ഥാന നേതൃത്വത്തിൽ ആദ്യമുണ്ടായ ധാരണ. ഇത് ലംഘിച്ചതിനാലാണ് താൻ രാജിവച്ചതെന്ന് സുരേന്ദ്രൻ ഉള്ള പറഞ്ഞു.

തിരുവനന്തപുരം മണ്ഡലത്തിൽ മത്സരിക്കാനാണ് സുരേന്ദ്രൻ പിള്ളയുടെ രാജി എന്ന് കരുതുന്നുണ്ട്. ബിജെപി തിരുവനന്തപുരം സെൻട്രൽ മണ്ഡലത്തിൽ സ്ഥാനാർഥിയെ ഇതുവരെ പ്രഖ്യാപിച്ചിട്ടുമില്ല.

Tags : Surendran Pillai LDF RJD