23

തി​രു​വ​ന​ന്ത​പു​രം: ക​ഴി​ഞ്ഞ ര​ണ്ടു മാ​സ​മാ​യി യു​ഡി​എ​ഫ് മു​ന്ന​ണി യോ​ഗം ചേ​രാ​ത്ത​തി​ൽ ക​ടു​ത്ത അ​തൃ​പ്തി രേ​ഖ​പ്പെ​ടു​ത്തി ഘ​ട​ക​ക​ക്ഷി​ക​ൾ. തെ​ര​ഞ്ഞെ​ടു​പ്പ് ഫ​ലം വ​ന്ന​തി​ന് തൊ​ട്ടു​പി​ന്നാ​ലെ മേ​യി​ലാ​ണ് ടീം ​യു​ഡി​എ​ഫ് ഒ​ടു​വി​ൽ ഒ​ന്നി​ച്ചി​രു​ന്ന​ത്. മു​ന്ന​ണി​യു​ടെ സം​സ്ഥാ​ന സ​മി​തി യോ​ഗ​മാ​ക​ട്ടെ അ​തി​നും വ​ള​രെ മു​ൻ​പാ​ണ് ന​ട​ന്ന​ത്.

പു​തു​ക്കി​യ ബ​ജ​റ്റി​നു ശേ​ഷം യോ​ഗം വി​ളി​ക്കാ​മെ​ന്ന് നേ​താ​ക്ക​ൾ​ക്കി​ട​യി​ൽ ആ​ലോ​ച​ന​യു​ണ്ടാ​യെ​ങ്കി​ലും തീ​രു​മാ​ന​മാ​യി​ല്ല. ധ​വ​ള​പ​ത്രം, ബ​ജ​റ്റ്, നി​യ​മ​സ​ഭാ സ​മ്മേ​ള​നം തു​ട​ങ്ങി ഓ​രോ തി​ര​ക്കു​ക​ൾ പ​റ​ഞ്ഞ് മു​ന്ന​ണി യോ​ഗം ബോ​ധ​പൂ​ർ​വം നീ​ട്ടി​ക്കൊ​ണ്ടു​പോ​കു​ക​യാ​ണെ​ന്നാ​ണ് ക​ക്ഷി നേ​താ​ക്ക​ളു​ടെ പ്ര​ധാ​ന പ​രാ​തി. ഇ​നി യോ​ഗം വി​ളി​ക്കു​ന്ന​ത് നീ​ട്ടാ​നാ​കി​ല്ലെ​ന്ന ക​ർ​ശ​ന നി​ല​പാ​ടി​ലാ​ണ് ഘ​ട​ക​ക​ക്ഷി​ക​ൾ.

കൃ​ത്യ​മാ​യ ഇ​ട​വേ​ള​ക​ളി​ൽ മു​ന്ന​ണി യോ​ഗം ചേ​രു​ന്ന​താ​ണ് ന​ല്ല​തെ​ന്ന അ​ഭി​പ്രാ​യ​മാ​ണ് മു​സ്ലീം ലീ​ഗി​നു​ള്ള​ത്. വീ​ര്യം കു​റ​ഞ്ഞ മ​ദ്യം വി​ൽ​ക്കു​ന്ന​തു​മാ​യി ബ​ന്ധ​പ്പെ​ട്ട തീ​രു​മാ​നം, പി​എം ശ്രീ ​വി​ഷ​യ​ത്തി​ലെ മു​ന്ന​ണി നി​ല​പാ​ട്, സ​ർ​ക്കാ​ർ നി​യ​മ​ന വി​വാ​ദ​ങ്ങ​ൾ തു​ട​ങ്ങി പ്ര​ധാ​ന​പ്പെ​ട്ട പ​ല വി​ഷ​യ​ങ്ങ​ളി​ലും മു​ന്ന​ണി​യി​ൽ കൃ​ത്യ​മാ​യ കൂ​ടി​യാ​ലോ​ച​ന​ക​ൾ അ​നി​വാ​ര്യ​മാ​ണെ​ന്ന് നേ​താ​ക്ക​ൾ ചൂ​ണ്ടി​ക്കാ​ട്ടി. അ​തോ​ടൊ​പ്പം ബോ​ർ​ഡ് കോ​ർ​പ്പ​റേ​ഷ​ൻ വി​ഭ​ജ​നം, കാ​ബി​ന​റ്റ് പ​ദ​വി​ക​ൾ ഉ​ൾ​പ്പെ​ടെ​യു​ള്ള സ്ഥാ​ന​മാ​ന​ങ്ങ​ളു​ടെ നി​ർ​ണ​യം എ​ന്നി​വ പൂ​ർ​ത്തി​യാ​ക്കാ​നും യു​ഡി​എ​ഫ് യോ​ഗം ചേ​രേ​ണ്ട​തു​ണ്ട്.

പു​തി​യ കെ​പി​സി​സി പ്ര​സി​ഡ​ന്‍റ് വ​ന്ന ശേ​ഷം യോ​ഗം ചേ​രാ​മെ​ന്ന് ക​രു​തു​ന്ന​ത് കൂ​ടു​ത​ൽ വൈ​ക​ലി​ന് ഇ​ട​യാ​ക്കു​മെ​ന്ന ആ​ശ​ങ്ക​യും ഘ​ട​ക​ക​ക്ഷി​ക​ൾ​ക്കു​ണ്ട്. ക​ഴി​ഞ്ഞ ദി​വ​സം ഡ​ൽ​ഹി​യി​ൽ വ​ച്ച് മു​ഖ്യ​മ​ന്ത്രി​യും യു​ഡി​എ​ഫ് ക​ൺ​വീ​ന​റും ത​മ്മി​ൽ കൂ​ടി​ക്കാ​ഴ്ച ന​ട​ത്തി​യെ​ങ്കി​ലും മു​ന്ന​ണി യോ​ഗം വി​ളി​ക്കു​ന്ന​ത് സം​ബ​ന്ധി​ച്ച് യാ​തൊ​രു​വി​ധ ച​ർ​ച്ച​ക​ളും ന​ട​ന്നി​ല്ലെ​ന്നാ​ണ് വി​വ​രം.

Tags : UDF meeting Deepika DeepikaNewspaper BreakingNews NewsUpdate Headlines CurrentAffairs DailyNews InDepth NewsFlash