തൂ​വ​ൽസ്പ​ർ​ശം പോ​ലെ സാ​ന്ത്വ​ന​മേ​കി ഫാ. ​മാ​ത്യു മാ​വേ​ലി
Tuesday, May 7, 2024 1:21 AM IST
കോ​ഴി​ക്കോ​ട്: ആ​ധു​നി​ക​ത​യു​ടെ ദു​ഷി​പ്പു​ക​ളെ​യും വെ​ല്ലു​വി​ളി​ക​ളെ​യും നി​ഷ്പ്ര​യാ​സം അ​തി​ജീ​വി​ച്ച് നി​ഷ്ക​ള​ങ്ക​മാ​യ ജീ​വി​തം ന​യി​ച്ച് വി​ശ്വാ​സി​ക​ൾ​ക്കെ​ല്ലാം പ്ര​ചോ​ദ​ന​വും മാ​തൃ​ക​യു​മാ​യ വൈ​ദി​ക​ശ്രേ​ഷ്ഠ​നാ​യി​രു​ന്നു ഇ​ന്ന​ലെ അ​ന്ത​രി​ച്ച ഫാ. ​മാ​ത്യു മാ​വേ​ലി. അ​ച​ഞ്ച​ല​മാ​യ ദൈ​വ സ്നേ​ഹ​ത്തി​ൽ അ​ടി​യു​റ​ച്ച് അ​ജ​പാ​ല​ന ദൗ​ത്യം നി​ർ​വ​ഹി​ച്ച ഫാ. ​മാ​ത്യു മാ​വേ​ലി ശാ​ന്ത​ശീ​ല​നും ആ​രെ​യും ആ​ക​ർ​ഷി​ക്കു​ന്ന പെ​രു​മാ​റ്റ​ത്തി​ന്‍റെ ഉ​ട​മ​യു​മാ​യി​രു​ന്നു.

സം​ഘ​ർ​ഷ​ഭ​രി​ത​മാ​യ മ​ന​സു​ക​ൾ​ക്കെ​ല്ലാം തൂ​വ​ൽ സ്പ​ർ​ശം പോ​ലെ സാ​ന്ത്വ​ന​മേ​കി​യ ഈ ​ആ​ത്മീ​യ ഗു​രു​വി​ന്‍റെ വി​യോ​ഗം ക​ത്തോ​ലി​ക്കാ സ​ഭ​യ്ക്കും വി​ശ്വാ​സി​ക​ൾ​ക്കും തീ​രാ​ന​ഷ്ട​മാ​ണ്.
ആ​ധ്യാ​ത്മി​ക കാ​ര്യ​ങ്ങ​ളി​ലെ കൃ​ത്യ​നി​ഷ്ഠ​ത​യും ധാ​ർ​മി​ക മൂ​ല്യ​ച്യു​തി​ക​ൾ​ക്കെ​തി​രേ സ്വീ​ക​രി​ച്ച വി​ട്ടു​വീ​ഴ്ച​യി​ല്ലാ​ത്ത നി​ല​പാ​ടു​ക​ളും ഫാ. ​മാ​ത്യു മാ​വേ​ലി​യു​ടെ പ്ര​ത്യേ​ക​ത​യാ​യി​രു​ന്നു. അ​ടി​സ്ഥാ​ന സൗ​ക​ര്യ​ങ്ങ​ൾ തു​ലോം കു​റ​വാ​യി​രു​ന്ന കാ​ല​ത്താ​ണ് മാ​ത്യു മാ​വേ​ലി വൈ​ദി​ക​പ​ട്ടം സ്വീ​ക​രി​ച്ച് വി​ശ്വാ​സി​ക​ളു​ടെ ജീ​വി​ത​ത്തി​ലേ​ക്ക് ഇ​റ​ങ്ങി​ച്ചെ​ന്ന​ത്.

സേ​വ​നം ചെ​യ്ത ഇ​ട​വ​ക​ക​ളി​ലെ​ല്ലാം വ്യ​ക്തി​മു​ദ്ര പ​തി​പ്പി​ക്കാ​ൻ ഫാ. ​മാ​ത്യു മാ​വേ​ലി​ക്ക് ക​ഴി​ഞ്ഞു. ഫാ. ​മാ​ത്യു​വി​ന്‍റെ സ്വ​ത​സി​ദ്ധ​മാ​യ പെ​രു​മാ​റ്റ​വും ഇ​ട​പെ​ട​ലും അ​ദേ​ഹ​ത്തെ സ​ഭാ​മ​ക്ക​ളു​ടെ പ്രി​യ​ങ്ക​ര​നാ​ക്കി. ഫാ. ​മാ​ത്യു​വി​ന്‍റെ വ്യ​ക്തി​പ്ര​ഭാ​വം താ​മ​ര​ശേ​രി രൂ​പ​ത​യ്ക്കു ന​ൽ​കി​യ സം​ഭാ​വ​ന​ക​ൾ ചെ​റു​ത​ല്ല.

താ​മ​ര​ശേ​രി രൂ​പ​ത​യു​ടെ വി​കാ​രി ജ​ന​റാ​ൾ, കോ​ർ​പ​റേ​റ്റ് മാ​നേ​ജ​ർ പ​ദ​വി​ക​ളൊ​ക്കെ ഫാ. ​മാ​ത്യു​വി​നെ തേ​ടി​യെ​ത്തി​യ​ത് അ​ദേ​ഹ​ത്തി​ന്‍റെ പ്ര​വ​ർ​ത്ത​ന മി​ക​വി​നു​ള്ള അം​ഗീ​കാ​ര​മാ​ണ്. ബൈ​ബി​ളി​ലു​ള​ള അ​ഗാ​ധ പാ​ണ്ഡി​ത്യ​മാ​യി​രു​ന്നു ഫാ. ​മാ​ത്യു​വി​ന്‍റെ പ്ര​ത്യേ​ക​ത​ക​ളി​ലൊ​ന്ന്. കോ​ട്ട​യം വ​ട​വാ​തൂ​ർ സെ​ന്‍റ് തോ​മ​സ് അ​പ്പ​സ്തോ​ലി​ക് സെ​മി​നാ​രി​യി​ൽ നി​ന്നാ​ണ് അ​ദേ​ഹം ത​ത്വ​ശാ​സ്ത്ര - ദൈ​വ​ശാ​സ്ത്ര പ​ഠ​നം പൂ​ർ​ത്തി​യാ​ക്കി​യ​ത്. ത​ല​ശേ​രി രൂ​പ​ത മൈ​ന​ർ സെ​മി​നാ​രി​യു​ടെ ആ​ത്മീ​യ ഡ​യ​റ​ക്ട​റാ​യും താ​മ​ര​ശേ​രി രൂ​പ​ത മൈ​ന​ർ സെ​മി​നാ​രി​യി​ൽ റെ​ക്ട​റാ​യും ആ​ത്മീ​യ ഡ​യ​റ​ക്ട​റാ​യും സേ​വ​നം ചെ​യ്ത കാ​ല​യ​ള​വി​ൽ ഫാ. ​മാ​ത്യു​വി​ന്‍റെ മാ​ർ​ഗ​നി​ർ​ദേ​ശ​ത്തി​ലും ശി​ക്ഷ​ണ​ത്തി​ലും അ​ജ​പാ​ല​ന ശു​ശ്രൂ​ഷ​യി​ലേ​ക്കു ക​ട​ന്നു വ​ന്ന വൈ​ദീ​ക​രെ​ല്ലാം അദ്ദേഹ​ത്തി​ന്‍റെ വി​യോ​ഗ​ത്തി​ൽ തേ​ങ്ങു​ക​യാ​ണ്.

"ഞാ​ൻ ന​ന്നാ​യി പൊ​രു​തി, എ​ന്‍റെ ഓ​ട്ടം പൂ​ർ​ത്തി​യാ​ക്കി’ എ​ന്ന ദൈ​വ വ​ച​നം അ​ന്വ​ർ​ഥ​മാ​ക്കി​യാ​ണ് ഫാ. ​മാ​ത്യു മാ​വേ​ലി ദൈ​വ സ​ന്നി​ധി​യി​ല​ണ​ഞ്ഞ​ത്.

Copyright @ 2022 , Rashtra Deepika Ltd.