പത്തനംതിട്ട: ഡോ. നെല്ലിക്കൽ മുരളീധരൻ പുരസ്കാരത്തിന് ഗിരീഷ് പുലിയൂരിന്‍റെ "കരിങ്കുയിലും, കണിവെള്ളരിയും' എന്ന കൃതി തെരഞ്ഞെടുത്തതായി ഡോ. നെല്ലിക്കൽ മുരളീധരൻ ഫൗണ്ടേഷൻ ഭാരവാഹികൾ പത്രസമ്മേളനത്തിൽ പറഞ്ഞു.
നാളെ രാവിലെ 10ന് പത്തനംതിട്ട ടൗൺ ഹാളിൽ നടക്കുന്ന ചടങ്ങിൽ കവി കുരീപ്പുഴ ശ്രീകുമാർ പുരസ്ക‌ാരസമർപ്പണം നിർവഹിക്കും. 20,000 രൂപയും പ്രശസ്തിപത്രവും ശില്പവും അടങ്ങുന്നതാണ് പുരസ്കാരം. പത്തനംതിട്ട നഗരസഭാ ചെയർമാൻ ടി. സക്കീർ ഹുസൈൻ,
നാരങ്ങാനം ഗ്രാമപഞ്ചായത്ത് പ്രസിഡന്‍റ് മിനി സോമരാജൻ, വാർഡ് മെംബർ മായാ ഹരിച്ഛന്ദ്രൻ, ശാന്ത കടമ്മനിട്ട, അഡ്വ. സുരേഷ് സോമ, എസ്. ബിജു, പ്രഫ. ഡി. പ്രസാദ്, പ്രഫ. കെ.വി. സുരേന്ദ്രനാഥ്, ഡോ. റാണി ആർ. നായർ, ഉണ്ണികൃഷ്‌ണൻ പൂഴിക്കാട്, വിനോദ് ഇളകൊള്ളൂർ എന്നിവർ പങ്കെടുക്കും.
ഫൗണ്ടേഷൻ പ്രസിഡന്‍റ് എ. ഗോകുലേന്ദ്രൻ അധ്യക്ഷത വഹിക്കും. പുരസ്‌കാര സമിതി അംഗങ്ങളായ ഡോ. ഫാ. മാത്യൂസ് വാഴക്കുന്നം, സുജാത കെ. പിള്ള, ഫൗണ്ടേഷൻ പ്രസിഡന്‍റ് എ. ഗോകുലേന്ദ്രൻ, സുഖദ മുരളീധർ, ട്രഷറർ അനു അന്ത്യാളൻകാവ് എന്നിവർ പത്രസമ്മേളനത്തിൽ പങ്കെടുത്തു.