ഉമ്മൻ ചാണ്ടിയുടെ കബറിടത്തിനു സമീപം ഹൈമാസ്റ്റ് ലൈറ്റ് : Deepika.com Nattu Visesham

PATHANAMTHITTA

ഉമ്മൻ ചാണ്ടിയുടെ കബറിടത്തിനു സമീപം ഹൈമാസ്റ്റ് ലൈറ്റ്

Monday, April 29, 2024 11:21 PM IST

പുതുപ്പള്ളി: സെന്‍റ് ജോർജ് ഓർത്തഡോക്സ് പള്ളിയിൽ മുൻ മുഖ്യമന്ത്രി ഉമ്മൻ ചാണ്ടിയുടെ കബറിടത്തിനു സമീപം സ്ഥാപിച്ച ഹൈമാസ്റ്റ് ലൈറ്റ് ചാണ്ടി ഉമ്മൻ എംഎൽഎ നാടിനു സമർപ്പിച്ചു.

തിരുവല്ല ഓതറ ജെഎൻ ലൈറ്റ്സ് മാനേജിംഗ് ഡയറക്ട്ടർ സഞ്ജയ് വർഗീസാണ് ഹൈമാസ്റ്റ് ലൈറ്റ് ഇവിടേക്ക് സമർപ്പിച്ചത്.

കടബാധ്യതകളിൽപ്പെട്ട് ജപ്തിയിലെത്തിയ തന്നെ ഒരു കാലത്ത് ജീവിതത്തിലേക്ക് തിരികെ എത്തിച്ചത് അന്ന് മുഖ്യമന്ത്രിയായിരുന്ന ഉമ്മൻ ചാണ്ടിയായിരുന്നുവെന്നു സഞ്ജയ് അനുസ്മരിച്ചു. ‌അദ്ദേഹത്തോടുള്ള സ്മരണ നിലനിൽക്കുന്നതിനു വേണ്ടിയാണ് ഇവിടേക്ക് ഹൈമാസ്റ്റ് സമർപ്പിച്ചതെന്ന് അദ്ദേഹം പറഞ്ഞു. ലൈറ്റിനു സമീപം അങ്ങ് പകർന്ന ദീപം എന്നും പ്രകാശിക്കട്ടെ എന്ന ബോർഡും സ്ഥാപിച്ചിട്ടുണ്ട്.

ഉമ്മൻ ചാണ്ടിയുടെ സഹധർമ്മിണി മറിയാമ്മ ഉമ്മൻ, പുതുപ്പള്ളി പള്ളി വികാരി റവ.ഡോ. വർഗീസ് വർഗീസ്, കെപിസിസി നിർവാഹക സമിതിയംഗം ജോഷി ഫിലിപ്പ്, യുഡിഎഫ് കൺവീനർ കുഞ്ഞു പുതുശേരി, ജില്ലാ പഞ്ചായത്തംഗം പി.കെ. വൈശാകി, ഫാ. കുര്യാക്കോസ് ഈപ്പൻ, എൻ.ജെ. പ്രസാദ്, പള്ളി ട്രസ്റ്റിമാരായ ഫിലിപ്പോസ് വി. ഏബ്രഹാം, വി. ഏബ്രഹാം, എൻ.കെ. മാത്യു, സെക്രട്ടറി സിബി ജോസഫ് തുടങ്ങിയവർ പങ്കെടുത്തു.